Конспект открытого урока по родному (табасаранскому) языку "Числительное"

Открытый урок                                  на тему:             «Числительное                         текрар ап1уб»                                                                 Ш.А.Аскендерова

    Дарснан тема: Числительноейиан ккудушу темйир текрар ап1уб.

     Дарснан метлеб: ккудушу дарсариъ ученикари числительноейиан гъадагънайи аьгъювалар текрар ап1уб,  дурар мюгькам ап1уб ва къайдайикк ккауб; бик1баъ ва улхбаъ числительнйир дюзди ишлетмиш ап1уз удукьуб;

     Дарснан алатар: учебник, компьютер, слайдар, схемйир, карточкйир, лотойин карточкйир, цифрйир кайи бици челгер, словарь ва гь. ж.

     Дарснан форма:  дарс-тамаши.                                                  

                           Дарснан гидишат.

     I.Класс тешкил ап1уб.

Гьаму вахтнан хайрар ишри!

Сяаьт … дубхьна. Календариз лигай. Гъи март вазлин … йигъ ву.  Учву … классдиъ урхурачва. Гъи … дарснахъан сяаьт … ичв репетиция шулу. Гьаму предложенйириан ухьуз кьадар ва тартиб улупру ч1алнан пай гьубк1ри адруб рябкъюра. Думу фуну ч1алнан пай вуш шли пиди? Думу числительное ву!

     II. Ккудушу темйирин теорияйиан айи аьгъювалар текрар ап1уб.

-фтиз к1уру числительное?

-Мяна жигьатнаан числительнйир пай шула кьюб йишв`ина …? (тартибнан ва кьадарнан)

Месела аькъинай.

-кьадарнан числительнйирин жюрйир …? ( сат1и ап1бан, жара ап1бан, зарбнан ва дробдин).

-числительноейин синтаксисдин роль?

       1.Упражнение тамам ап1уб. 12, 18, 19, 40, 60, 120, 130, 194, 2000… а). Улупнайи числительнйир гьярфариинди дик1ай; б). Числительнйир существительнйирихъди ишлетмиш ап1инай.; в) Числительнйи кади жвувкан ихтилат дюзмиш ап1инай. ва гь.ж.

Ухьуз рябкъюрайиганси, числийири ихь уьмриъ аьхю йишв бисура. Иллагьки сабпи йиц1уб число.

     III.  Дарс-тамаши («Лото»)

     Учители гьарсар ученикдиз тамашийин карточка тувру. Гьарсаб карточкайик сабдилан урч1вц1урна урч1вубдиинакьан вуйи числйирикан 15 число ка. Ученикарикан сари биц1и шишлиан числйир кайи биц1и челгер адагъури, дурарик кайи число варидариз ебхьруганси к1уру. Шлин карточкайик гьациб число каш, дугъу думу илибкуру. Ученикарикан фунурин карточкайик кайи числйир варит1ан ухди илиркну ккудук1иш, гьадгъван карточкайик кайи варит1ан ккудубк1ру число к1уру ва гьадму числойихъди вари классди ляхин ап1уру:

     1) му числительное чан составдиз лигну фунуб вуш тяйин ап1уру;

      2) кьадарнан числительноейикан тартибнан числительное арайиз хуру;

     3) гьаму числительное падежариз дигиш ап1уру;

     4) числительное кади предложение дюзмиш ап1уру;

     5) числительноейин морфологияйин разбор ап1уру;

     Гьаму саягъниинди ляхин давам ап1уру. Гъалиб гъахьи ученикдиз ц1ийи карточка тувру.

 Доскайик ляхин ап1уб.

     Кьадарнан числительнйир зарбнан ва тартибнандариз илт1ик1уб:

Кьюб –

Йиц1уб –

Къаб –

Миржидварж –

Миржц1ур -  

     Тема текрар ап1бан бадали, лап аьхю дару ахтармиш ап1бан ляхин к1ули гъабхурухьа.

     Учители гьарсаб жергейиз 6 карточка гьязур ап1уру ва  гьар ученикдихьна саб карточка тувру. Учителин буйругъниинди гьар 1 минутдилан, саб жергейиъ деънайи ученикари карточкйир чиб-чпихьди гьюдюхюру. Гьамциб саягъниинди, 6 минутдин арайиъ, саб жергейиъ деънайи ученикари  вари 6 карточкайик кайи табшуругъар тамам ап1уру.

     1-пи карточка.

     Эгер учву гьамушвак дибик1найибдихъди рази вуш, гьамциб лишан дивай «+», хъа рази дарш, гьамциб «-».

     1.Числительное к1ул`инди вуйи ч1алнан пай ву. Диди предметарин кьадар ва тартиб улупуру.

      2. Числительнйирин меселйир вуди гьамцдар гафар хуз шулу: шубуб, хьубпи, кьюбан кьюб, йирхьубдик кьюб.

     3.Вари числительнйир кьюб йишв`ина пай ап1уз шулу: кьадарнан ва тартибнандариз.

     4.Простой числительнйир саб гафнакан арайиз дуфна. Месела: къаб.

     5.Предложениейиъ числительное сказуемое вуди хьуз мумкин ву.

     6.Тартибнан числительнйир кьадарариз, классариз ва падежариз дигиш шулу.

      2-пи карточка.

     Тувнайи числительное падежариз дигиш ап1инай:  хьуб

      3-пи карточка.

     Тувнайи числительнйир простой, ктикьу, составнандариз, шубуб дуниз, жара ап1ури  дик1ай: 5/6, 256, 3, 217, 823, 21, 6, 18, 1365, 78, 94, 3, 2473, 4/8.

      4-пи карточка.

     Тувнайи предложениейин синтаксисдин разбор ап1инай. Предложениейиъ айи числительное гьярфариинди бик1ай. Ич классдиъ 19 ученик а.

     5-пи карточка.

     Предложенйир кидик1ай, дурарик кайи цифрйир гьярфариинди дик1ай.

     Китран ярхишин 33 метр, хъа гъагъишин 120 тонн ву. Дициб китру 30 тонн ччим тувру.  

     6-пи карточка.

 Тувнайи кьадарнан числительное падежариз дигиш ап1инай: (1763)

     IV.Дарснан натижа йивуб.

Темайиан суалар тувуб.

Ученикариз кьиматар дивуб.

     V. Хулаз ляхин: Ч1ал ккат1абццуб. Числительнйир ишлетмиш ап1ури текст-автобиография дюзмиш ап1уб.