Урок по коми языку на тему "Синонимы. Омонимы. Антонимы" (5 класс)

Открытый урок по коми языку в 5 классе.

Тема урока: Синонимы, антонимы, омонимы.

ЦЕЛИ  урока:

образовательные: знать определение синонимов, антонимов, омонимов; использовать их в речи в соответствии со  стилистическими особенностями; совершенствовать навыки чтения, обучать самостоятельно пополнять свои знания.

развивающие: развитие связной речи учащихся, логического мышления, памяти, интереса к коми языку, развитие творческих способностей учащихся;

воспитательная:   воспитание осознанной потребности в знаниях, чуткости и внимательности к слову.

Тип урока: урок  изучения нового материала.  

Формы обучения: индивидуальная, групповая.

Методы: словесный, наглядно-иллюстративный, частично-поисковый.

Оборудование: словари.

Ход урока.

Организационный момент. 

Видза оланныд, ёртъяс! Тiянлöн ставыс бур? Кыдзи асьныдö кыланныд (настроение)?

Видзöдлöй ме вылö, ме кöсъя аддзыны тiянлысь нюмъясныдö. Бур, öнi нюмъёвтöй öта-мöдныдлы. Сэсся бергöдчылöй да нюмъёвтöй миян гöсьтъяслы. Но мый, дасьöсь урок кежлö? Пуксьöй.

Тiян быдöнлöн пызан вылын эмöсь карточкаяс (раздать на парты). Кодi кöсйö лыддьыны текстсö? (текст лыддьöм) или слайд

Триньöбтiс звöнöк, заводитчис урок.

Зiля кутам уджавны,

Велöдысьöс кывзыны.

Уна выльтор тöдмалам,

Ставсö пель сайö сюркнялам.

Аттьö. Ме кöсъя, медым тайö кывъясыс лоисны тiянлöн девизöн. И оз сöмын талунъя урок, но и мукöд урокъяс вылын.

А ми тiянкöд заводитам. Но медводз вочавидзöй меным öти юалöм вылö:

- Кыдзи шусьö кывлöн юкöн, кодi тöдмöдö миянöс кыв вежöртаскöд? (Лексика)

………

Работа над темой урока.

Талун ми тiянкöд мöдöдчам Лексика карö, кöнi олöны кывъяс.

Видзöдлöй дöска вылö. Лексика карлöн öти улича вылын сулалöны куим керка. Тайö керкаясас олöны кывъяс. Медводдза керкаын олöны кывъяс-ёртъяс, мöдас – кывъяс-близнецъяс, коймöд керкаас – кывъяс, кодъяс пыр вензьöны (спорят).

Урок могъяс гöгöрвоöдöм: Гöгöрвоана-ö тiянлы, кутшöм кывъяс йылысь ме öнi висьталi? (Абу) Сiдзкö, мый миянлы урок дырйи колö вöчны?

1.       Тöдмавны, кутшöм тайö кывъяс да мыйла найö колöны.

2.       Велöдчыны уджавны тайö кывъяскöд.

3.       Кужны вöдитчыны наöн сёрниын.

Сiдзкö, мöдöдчам гöститны?

I.                    Медводз ми тiянкöд мöдöдчам кывъяс-ёртъяс дорö. Медым тöдмасьны накöд, тiянлы колö вöчны задание. Партаяс вылын эмöсь торъялана рöма карточкаяс. Босьтöй лöз рöма карточка. Лыддям текст.

Туй кузя мунiс зон, сылы паныд мунiсны мукöд йöз, понъяс, мöсъяс. Гежöда туй шöрöд мунлiсны машинаяс, кыпöдлiсны буссö. Друг öти керка сайсянь мыччысисны да  дзик сы дортi тэрыба мунiсны мыйыськö повзьöм вöвъяс. Том морт, нинöм вылö видзöдтöг, тэрмасьтöг мунiс водзö.

Нинöм тiянöс эз чуймöд текстсö лыддигöн? (…)

Видзöдлöй, текстын унаысь паныдасьлö öти и сiйö жö кывйыс – «мунны». Дерт, тайö абу бур. Мöвпыштöй, мый ми вермам вöчны, медым öти кывйыс татшöм тшöкыда эз паныдась? (…)

Дерт, колö вежны сiйöс мöд кывйöн. И вöчны тайöс тiянлы отсаласны кывъяс-ёртъяс. Пыралам? (восьтыны медводза керка, кöнi гижöма «синонимъяс») А мый сэтшöмыс СИНОНИМ? Кытысь позьö тöдмавны? Дерт жö, небöгысь. Восьтöй 131 л.б. (Синонимъяс – тайö öти кывсикаса кывъяс, кодъяс кутöны öткодь либö матыс вежöртас. Например, ичöт, дзоля, пони; сёйны, нямны, нятшкыны, нуръясьны) «Сино» -  öткодь вежöртас.

Вуджам текст дорö. Видлöй «мунны» кыв дорö вайöдны синонимъяс.

Тайöс вöчны миянлы отсалас «синоним кывкуд». (петкöдлыны, урок водзын разöдны быдöнлы парта вылö) стр.228

Корсям «мунны» кыв да бöръямöй текст дорö лöсялана синонимъяс.

(мунiс зон, локталiсны йöз, котралiсны понъяс, руньгисны мöсъяс, ветлiсны машинаяс, качитiсны вöвъяс, восьлалiс водзö)

(работа со словарём в карточках)

Аттьö, ёртъяс!!! Со ми тiянкöд и тöдмасим кывъяс-ёртъяскöд. Мунам водзö?

II.                  Мöдöдчам кывъяс-близнецъяс дорö.

Учитель: Ме кöсъя висьтавны тiянлы мойд.

Тайö вöлi ээв нин важöн. Олiсны-вылiсны кык вок. Öтиыс вöлi озыр да зэв скуп, а мöдыс гöль. И медым кыдзкö вердны челядьсö, гöль вокыс кыйис чери. Коркö öтчыд гöль вокыслы кутчис сэтшöм уна чери, мый сiйö мöвпыштiс джынсö нуны вокыслы, мöд джынсö вузавны. Озыр вокыд кор кылiс, мый гöльыдлöн чери вузалöмысь лоöма уна сьöм (деньга), кутiс кевмысьны, медым став сьöмыс воас сылы. Водiгöныс озыр вокыс шуалiс волшебнöй кывъяс: «Мед став сьöмыс воас меным, мед гöль воклöн оз ло ни öти сьöм». Сiйö весиг сундук вöлi дасьтöма уна сьöм вылö.

Асывнас чеччис озыр вокыс. И мый думайтанныд сiйö медводз вöчис? Дерт жö, сундуксö видзöдлiс. Сундук вöлi сьöм тыра. Но мыйлакö озыр вокыд бöрддзис. Кыдзи тi чайтанныд, мыйла?

 Сундукын вöлi эз деньга, а чери сьöм (чешуя). Вот тадзи озыр вок ачыс асьсö накажитiс.

Мыйла озыр воклы деньга пыдди лои чери сьöм? (сы вöсна, мый кывъясыс öткодьöсь, а вежöртасыс торъялö).

Учитель: видзöдлöй, дзик öткодь кывъяс, но вежöртасыс налöн торъялö. Вот тайö и эм близнец-кывъяс (восьтыны керкасö).

Мый сэтшöмыс ОМОНИМ? (Небöг стр.128) (показать словари)

(Если будет время) Ёртъяс, бöрйöй кывкудйысь омоним пара да артмöдöй сёрикузяяс, гижöй тетрадьö.  (с помощью словаря) (проверить!!!)

 Но мый, мудзыштiнныд? Сiдзкö, колö песыштны лы-сьöмнымöс.

Физкультминутка.

Шойччыштыны миян колö,

Ставным сувтам парта дорö.

Медводз – увлань, сэсся – вывлань. (наклоны)

Кияснымöс лэптамöй,

Пуксямöй, чеччамöй.

Неуна тадз дзöрыштам, (влево-вправо)

Мач моз сэсся вöрыштам. (прыжки на месте)

Аттьö, пуксьöй.

III.               Миянлы коли ветлыны вензьысь кывъяс дорö.

Öнi тiян колö уджавны виж рöма карточкаöн. Лыддям текст.

Букыш тöвся лун. Талун кöдзыд да лёк поводдя. Пöльтö чорыд вой тöв. Енэжыс пемыдлöз, кымöра. Гажтöм кад!

Мича гожся лун. Талун шоныд да бур поводдя. Пöльтö небыдик лун тöв. Енэжыс югыдлöз, кымöртöм. Гажа кад!

Учитель: Кутшöм кад йылысь мунö сёрниыс текстын? Дерт жö, тöв йылысь. Учитель: А мый серти тi казялiнныд, мый авторыс серпасалöма тöв? Кутшöм кывъяс индöны та вылö?

А кöсъянныд, медым тайö текстыс вöлi гожöм йылысь? Гожöмсö виччысянныд?

Тайöс вöчны миянлы отсаласны вензьысь кывъяс. Пыралам? (восьтыны керкасö).

АНТОНИМ. А мый сэтшöмыс антоним? (небöг стр.135)

Антонимъяс – öти кывсикаса паныд вежöртаса кывъяс. Бур-лёк, еджыд-сьöд, ыджыд-ичöт. «анти» - паныд вежöртас; (показать словарь)

Öнi ме кора тiянöс босьтны виж карточкаясныдö и тöвся кывъяссö вежны паныд вежöртаса кывъяс вылö, медым артмис выль текст. Видланныд? Позьö кывкуд отсöгöн.

Букыш-мича, тöвся-гожся, кöдзыд-шоныд, лёк-бур, чорыд-небыдик, вой-лун, пемыдлöз-югыдлöз, кымöра-кымöртöм, гажтöм-гажа.

Öнi лыддьöй, кутшöм выль текст тiян артмис? Кутшöм кад йылысь? (гожöм) И отсалiсны тайöс миянлы вöчны антонимъяс.

Вот ми и тöдмасим вензьысь кывъяскöд.

(Кольö кö кад, задание. Ворсыштыны)

Ыджыд-ичöт, лун-вой, пуксьыны-сувтны, ньöжйö-тэрыба, вылын-улын, муны-локны, пасьтасьны-пöрччысьны, джуджыд-ляпкыд, вöсни-кыз, сетны-босьтны.

Молодечьяс!!!

Но мый, кажитчис тiянлы гöститны? (…) Мукöд урокъяс дырйи ветлам на?

А код дорö ми тiянкöд ветлiм гöститны? (…)

Верманныд öнi казьтыштны, мый сэтшöмыс синоним?

Омоним?

Антоним?

Мукöд урокъяс дырйи ми паськыдджыка тöдмасям накöд.

Талун тi зэв бура уджалiнныд, ме кöсъя тiянлы пуктыны бур оценкаяс. (выставить оценки)

Вайö дневникъясаныд пасйыштöй гортса удж. Карточкаяс вылын.