Аналар
кунюне багъышлангъан тедбир
ДЖАНДАН
АЗИЗИМ, СЕВИМЛИ АНАМ!
Макъсат: Ана
образыны ачыкъламакъ, адамнынъ аятында ананынъ эмиетини къайд этмек,
ана-бабаларгъа урьмет ве севги ашламакъ. Ана тилине меракъ догъурмакъ.
Тедбирнинъ
кетишаты
Оджа:
Саба олса турсата,
Сыджакъ емек ашата.
Чантамны алып бере
Дей: «Огълум, окъу эм де яз,
Сакъын олма ярамаз,
Эгер олсанъ ярамаз,
Дюньяда достунъ олмаз!»
- Бу шиир кимге
багъышлангъан? (анагъа)
- Бугунь,
балалар, биз тедбиримизни
дюньяда
энъ азиз,
энъ къыйметли, энъ
мукъаддес адамгъа багъышлайджамыз – озь аналарымызгъа. Эр бир
мемлекетлерде Ана куню байрамы ноябрьнинъ сонки базар куньде къайд этиле.
Оджа:
Чинъ юректен,
Саде сёзлернен,
Келинъиз, достлар,
Аналар акъкъында
Лаф юрьсетейик.
Ер юзюнде энъ татлы сёз - ана сёзю. Инсаннынъ
биринджи сёзю - ана сёзю. Бу сёз
дюньяда эр бир халкънынъ тилинде сайгъы ве
урьметнен айтыла.
Энъ назик, энъ чебер эллер - ананынъ эллери.
Бу эллер эр шей япа билелер. Энъ догъру ве элял юрек - ананынъ юреги. Онда ич
бир вакъыт севги сёнмей.
Сен беш я да элли яшында олсанъ да, санъа
даима ананънынъ севгиси, козьлери керек оладжакъ.
Ачыкъ кокдай темиз къальбинде
Инсан
ичюн мерамет толу.
- Ана, деген сёз - бу алемде
- Эр бир шейден, эр сёзден улу.
1
етекчи: - Эр бир ана озь баласыны айбетлей,
къорчалай, Алладан онъа яхшылыкъ истей, кельмесини беклей.
2
етекчи: - Ананынъ не къадар баласы олса да, о эр
бирини къайгъыра, эр бирине сыджакъ сёз тапа.
1
етекчи: - Аналарнынъ арекетлери иле биз озь
урф-адетлеримизни кутемиз, сабырлы, мерхаметли, адалетли инсан олмагъа
тырышамыз.
2
етекчи: - Ананынъ самимий севгиси бизге ильхам
бере.
Йыр «Севгили анам» Муз. С.Какура
1
етекчи: - Аналарымыз биз кульсек - къуваналар,
енъишлеримизден гъурурланалар, агъласакъ исе - ынджыналар.
2
етекчи: - Биз акъкъында тюшюндже-къасеветлерден
бизим севимли, сайгъылы, урьметли аналарымызнынъ сачларына чал тюшкенини дуймай
къаламыз.
ДЖАНЫМДАН АЗИЗИМ
Джанымдан
азизим, козюмде нурум,
Эр
шейден къыйметли, урьметли анам!
Бахтым,
къуванчым, къальбимде сырым,
Гуль багъчам, баарим, севимли анам! Сафие
Сабийлик чагъымнынъ саари анам,
Осьмюрлик девримнинъ баари анам.
Умютим,
хаялым, багълыдыр санъа,
Омрюмнинъ
гоньджеси, севимли анам! Куртсеит
Гедже юкъунъны чокъ кере больгенсинъ,
Ойнасам
— севинип, мен кульсем —
кульгенсинъ,
Кейфимни бозгъанда сарарып-солгъансынъ,
Дердимнинъ
девасы, севимли анам! Севинч
Сёзлеринъ денъизге, дерьягъа сыгъмаз,
Сен
ичюн ачылгьан гуллер де солмаз,
Дестанлар язсам да, эллерим талмаз,
Гонълюмни
охшагъан, севимли аннам! Ильяс
Джеваире Меджитова
Йыр «Аначыгъым» Муз. Зоре Кадыева
1 етекчи: - Аналар... Аналар - энъ мукъаддес сёз. Биз бир вакъыт аналарымызнынъ бизге
япкъан эйиликлерини одеп оламамыз.
2 етекчи: - Ялынъыз йыллар кечип, озюмиз аиле саиби олгъан сонъ, о гъайыпнынъ
агъырлыгъыны ис этемиз.
Аначыгъым
Джанымдан
да пек севем
Тувгъан
анамны.
Баба,
бита, дедемни,
Эм
къорантамны.
Эр
кунь саба тургъанда
Этем
мен дуа,
Эр
вакъыт анам олсун
Дейим
янымда. Мавилеханум
Аначыгъым,
азизим,
Насыл
дюльберсинь.
Назиксинъ
эм севгили,
Сен бир данесинъ.
Людмила
Мельникова
Оюн «Хайтарма»
- Ана сезюнен
башлангъан насыл аталар сезлерини билесинъиз?
Ана
киби яр олмаз, Ватан киби ер олмаз!
Ана
юртынъ – алтын бешик!
Ана
ичюн бала балдан да татлыдыр!
Ана
– юртнынъ тереги!
Ана-бабасыны
хорлагъан, озю де хорланыр!
Конкурс «Сен
ананы яхшы билесинъ?»
Оджа:
Балалар, сиз ананъызны яхшы билесиз? Шимди тешкерерим.
1. Ананынъ
козьлери насыл тюсте?
2. Севимли
емеги.
3. Севген
антери насыл тюсте?
4. Къаерде
чалыша.
5. Энъ
севимли байрамы.
6. Севимли
йыл мевсими.
7. Ананынъ
зенааты.
Анама ошадым
Мен анама ошадым,
Мен де эким
оладжам.
Саба турып
эзанда,
Ишке тез-тез
бараджам.
Хасталарны
бакъаджам,
Илядж оларгъа
язаджам. Алиме
Адиле
Берберова
Оджа:
Балалар, сиз ананъызгъа ярдым этесиз?
Саналаштырма
«Эв иншасы» (Алиме, Ильяс, Куртсеит)
Келинъиз
кулюшейик
Мен
анамнынъ антернинъ
Узунлыгъыны
кесип кийдим.
Энди
эр кес анълады
Насыл
анамны севем. Мавиле
Анама
бахшыш азырладым.
Бабамнынъ
янъы машнасында
«Аначыгъым,
мен сени севем»,
Яваш
мен тырнадым. Ахтем
Аджайип къуту
Тылсымлы пападие «Энъ, Энъ,
Энъ»
1 етекчи: - Аналар, аналар,
Къыйметли аналар,
Дюньяны яшаткъан сизлерсиз!
2 етекчи: - Кечкенлер ерине
Яратып янъылар,
Алемни яшарткъан сизлерсиз! Найле Сейдаметова
Эгер
менден: «Тиле тилегинъни, ерине кетирейик», - деселер, мен озюм ичюн окъув
юртуна кирмек, зенаат саиби олмакъ, белли инсан олмакъны тилемем. Чюнки бу шейлерни
озь арекетинънен кьазанмакъ мумкюн. Мен анама, аналаргъа сагълыкъ-селяметлик
тилер эдим! Лиля
(Талебелернинъ тилеклери)
язалар ве тахтагъа япыштыралар.
1
етекчи: - Ананъыз янында кечирген эр бир дакъкъаны,
эр бир саниени, эр бир аньни хатырынъызда сакъланъыз!
2
етекчи: - Биз, сизинъ балаларынъыз, огюнъизде тиз
чёкемиз, эллеринъизини опемиз, азиз АНАлар! (эписи)
(Балалар аналарына азырлагъан бахшышны берелер)
Видеофильм
Оджа:
Ананы айбетле,
къальбине тыныш бер,
эр саба
тургъанда, алыны сора.
Бир ань
кеч кельсенъ ишинъден эгер,
ананънынъ
къальбини гъам-къайгъы сара.
Ананы
ынджытма! Кельсе де юзге,
артынъдан
теляшнен тельмирип къала.
Арзу,
къуванчыны багъышлай бизге,
гъам иле
кедерни озюне ала.
Айбетле,
Ананы! Билял Мамбет
- Балалар, сиз ананъызны не къадар сайып севсенъиз, сизнинъ
омюринъиз о къадар къуванчлы ве бахтлы олур.
-Бизим сыныф тедбиримиз сонъуна етти. Сагъ
олунъыз!
Оставьте свой комментарий
Авторизуйтесь, чтобы задавать вопросы.