1-қыркүйек Білім күніне арналған «Армысың, алтын
ұя - мектебім» атты салтанатты жиыны
1 жүргізуші: Ерекше бүгінгі күн, салтанат сән,
Тербетер әр жүректі бір әсем ән.
Құлпырып шәкірттер тұр мектеп ұстаз,
Сағынып жыл құсындай қайта оралған.
2 жүргізуші: Мереке зор қуаныш – Білім күні,
Сыңғырла қоңыраудың алғашқы үні.
Қош келдің, құтты болсын қадамдарың,
Балдырған балғын жандар - өмір гүлі.
1 жүргізуші: Өмір бойы мектебімді жыр етем
Бір өзіңде бақыт, бірлік, берекем.
Шәкірттерің өрістесін өрлесін,
Құтты болсын білім күнің – мерекең!
2 жүргізуші: Құрметті қонақтар! Ұстаздар! Ата-аналар
және оқушылар!
2014-2015 жаңа оқу жылының «Армысың, алтын ұя -
мектебім» атты салтанатты жиынын ашық деп жариялауға рұқ сат етіңіздер.
1 жүргізуші: Алаулаған алабынан нұр тамып,
Қазақ елін бүкіл дүние жүр танып.
Көк байрағың желбірейді төріңде,
Әнұраның тұр көңілде шырқалып.
(Әнұран орындалады)
2 жүргізуші: Мерекелік жиынға келген қонақтармен
таныстыруға рұқсат етіңіздер.
1) Аудандық «Жаңа өмір» газетінің бас редакторы Мәтенов
Меирбек Мәтенұлы
2) Нұрлыкент ауылының ақсақалдар кеңесінің төрағасы
Керпиков Нұрғали Ақатайұлы
3) Ардагер ұстаздар: Ідірісова Тамара, Динахметова
Гүлдарияш
1 жүргізуші: Биікте тұр менің бала қиялым,
Жақсы сөзді өзіңе арнап жиямын.
Тірегі де, жүрегі де өзіңсің
Мектеп атты білім берер ұяның – деп алғашқы құттықтау
сөз кезегін мектеп директоры Умарбекова Гүлсара Жарылқасынқызына беріледі.
Ән: «Мектебім» орындайтын Жанқуат Айзат.
2 жүргізуші: «Мектеп-кеме, білім – теңіз» сол білім
теңізінде шұғылалы сәуле шашып,
нұр құятын – мектеп.
Жаңа оқу жылының басталу салтанатының құттықтау сөзі
аудандық «Жаңа өмір» газетінің бас редакторы Мәтенов Меирбек Мәтенұлына
беріледі.
1 жүргізуші: Келесі құттықтау сөз кезегі Динахметова
Гүлдарияш Шәріпқызына беріледі.
Би: Жорға тобының орындауында «Қазақ биін» қабыл алыңыздар.
2 жүргізуші: Мектеп ана күліп тұр тағы,
Шақырады қыркүйектің нұр таңы.
Асығуда әліппені алуға,
Еліміздің тағы бір жас ұрпағы.
1 жүргізуші: Көп жылын осында өткізген.
Ұстаздар – ізгі пәк жандар.
Қуана шәкірт қабылдап,
Білімнің көшін жалғаңдар.
Алғашқы әріпті үйретер,
Ұстазды шәкірттерімен қарсы алыңдар
Бүгінгі мектеп табалдырығын аттағалы отырған
бүлдіршіндерді ұстаздарымен ортаға шақырамыз.
2 жүргізуші: 1 «а» сыныбы Кадірханова Баян, 1 «ә»
сыныбы Есенова Ақкүміс, 1 «б» сыныбы Ахметова Шолпанай, 1 «г» Байгелдиева
Нұржамал.
1 жүргізуші: Алғаш келген бүлдіршін,
Құтты болсын қадамың!
Төбеңде бейбіт күн күлсін,
Төмендемесін талабың.
2 жүргізуші: Құттықтау сөз 1 сыныпты қабылдап тұрған
ұстаздарға беріледі.
1 «а» сыныбы Кадірханова Баян,
1 «ә» сыныбы Есенова Ақкүміс,
1 «б» сыныбы Ахметова Шолпанай,
1 «г» Байгелдиева Нұржамал.
Ән: «Егемен Қазақстан» орындайтын Қарақұлова Гүлзада қабыл
алыңыздар.
1 жүргізуші: Оқу қайта басталды,
Мектебіміз қарсы алды.
Қоңыраудың дауысы
Күмбірлетті аспанды.
2 жүргізуші: Қағылмақ міне әуенге бөлеп,
Қағылмақ алғаш қоңырау.
Нұр толып жүзің, гүл толып құшақ,
Шаттыққа толсын омырау.
Жаңа оқу жылының алғашқы қоңырау соғу рәсімі 1 «а»
сынып оқушысы Әмет Ұлдана мен 11 «а» сынып оқушысы Қасым Мақсатқа беріледі.
1 жүргізуші: Қоңырау сыңғырла асыға
Үн қосқан қиядан асуға.
Білім ал, еңбек ет, жас ұлан
Өрле де биік шың басына.
2 жүргізуші: Бар мектептің басталар бүгін жыры,
Бақ қоңырау шақырып ұғымдыны.
Жаңа ғасыр алдында ұстаз, шәкірт,
Құтты болсын бүгінгі білім күні
Күмбірле қоңырау, күмбірле,
Шаттанып күлейік, біз бірге.
1 жүргізуші: Жаңа оқу жылының алғашқы қоңырау
мерекесінің салтанатты жиыны осымен аяқталды.
Оставьте свой комментарий
Авторизуйтесь, чтобы задавать вопросы.