Т. Аманов атындағы жалпы орта білім беретін
мектеп. ММ
Ашық
сабақ
Тақырыбы: Қ дыбысы және әрпі
Жауапты: «Балдәурен» даярлық тобының тәрбиешісі Дулатова Ж. Д.
Семей – 2010
Сауат ашу және жазу.
Сабақтың тақырыбы:
Қ дыбысы және әрпі.
Сабақтың мақсаты: Балаларға Қ дыбысы мен әрпін таныстыру.
Міндеттері:
1.Балалардың
сабаққа қызығушылығын туғызу, өткен дауысты, дауыссыз
дыбыстарды
еске түсіріп қайталау, буын туралы түсінігін кеңейту.
2.Балалардың
ой-өрісін,тілін дамытып, сөздік қорын молайту. Саусақтарын жазуға икемдеп,
қолдың ұсақ моторикасын дамыту.
3.Балаларды
еңбек сүйгіштікке, ұқыптылыққа,ептілікке тәрбиелеу.
Көрнекіліктер: Қ дыбысының баспа түрі, бауырсақ ертегісінің
суреті, көк-қызыл текшелер, Қ дыбысына байланысты суреттер.
Сабақтың типі: Аралас сабақ
Сабақтың түрі: Жаңа сабақ
Сабақтың әдісі: әңгімелеу, түсіндіру, көрнекілік, сұрақ-жауап
Сабақтың барысы:
І. Ұйымдастыру
кезеңі:
Армысың қайырымды
Аспан Ата!
Армысың мейірімді Жер
Ана!
Армысың шұғылалы
Алтын Күн!
Бәріміз күндей
жарқырайық,
Бәріміз дос болайық.
Бәріміз тату болайық.
Қонақтармен
амандасу:
Армысыздар құрметті
қонақтар!
ІІ. Үй тапсырмасын
қайталау.
Мұғалім: Балалар мынау не? Ендеше бүгінгі сабағымызға
«Бауырсақ» қонаққа келді. Бауырсақ құр келмей өзімен бірге сендерге үй
тапсырмасына байланысты сұрақтар алып келді,сұрақтарға жауап берсеңдер, ертегі
ары қарай жалғасады.
1.
Дыбыс дегеніміз не?
Дыбысты қайтеміз?(Айтамыз, естиміз)
2.
Әріп дегеніміз не?
(жазамыз, көреміз)
3.
Өткен сабақта қандай
дыбыспен таныстық?
4.
О дыбысы қандай дыбыс?
Жуан естіле ме, әлде жіңішке ме?
5.
Кеспе әріптердің ішінен
«О» дыбысын тауып көрсетіңдер.
6.
О дыбысына мысалдар
келтіру. Буынға бөл. Сөздің қай жерінде естіледі?
Текшемен жұмыс: Айтылған дыбыстарды текшемен көрсету.
ІІІ. Жаңа сабақ.
Мұғалім: Бауырсақ деген сөзде «Қ» әріпі қай жерде
тұр.Ендеше бүгінгі сабағымыздың тақырыбы «Қ» дыбысы және әрпі. «Қ» дауыссыз
дыбыс, сондықтан қысқа айтылады және көк түсті текшемен белгіленеді. Бүгінгі
сабақта Бауырсақ ертегісін еске түсіреміз. Баяғыда бір шал мен кемпір болыпты.
Шал кемпіріне «бауырсақ пысырып бер»- депті. Кемпірі бауырсақты пісіріп суысын
деп терезенің алдына қойып қояды. Бауырсақ терезеден домалап түсіп келе
жатқанда алдынан қоян кездеседі. Қоян бауырсаққа «жұмбақ жасырамын егер шешуін
таппасаң, мен сені жеймін»- дейді. Балалар бауырсаққа көмектесеміз бе?
-- Қоян жұмбақ
жасырады: Әжемнің қолында шыр айналар,
Шыр
айналса, өзіне шыр байланар.-бұл жұмбақтың шешімі не туралы? ( Ұршық)
-- Қ дыбысы «ұршық»
сөзінде қай жерде орналасқан? «Ұршық» сөзін шапалақ арқылы буынға бөлейік. Сонымен
қоса тақтада қарындаш, тасбақа, қасық суреттері тұр. Бұл сөздерде «Қ» дыбысы
қай жерде орналасқан? Қарындаш, тасбақа, қасық сөздерін шапалақ арқылы буынға
бөлейік.
-- Бауырсақ «қояннан
құтылдым ля-ля-ля»-деп келе жатқанда алдынан қасқыр кездеседі. Қасқыр
бауырсаққа «менің шартымды орындамасаң, мен сені жеймін» -дейді. Балалар
бауырсаққа көмектесеміз бе?
-- Қасқырдың
шарты: Қ дыбысы дауысты дыбыс
па, жоқ әлде дауыссыз дыбыс па? Неліктен дауыссыз? Қане, бәріміз қайталап
айтайық. «Қ» әрпінің жазылуымен таныстыру. Ендеше қазір мен сендерге «Қ»
әрпінің қалай жазылатынын көрсетемін. Бәріміз ауада жазайық. Енді дәптерімізде
берілген үлгіге қарап «Қ» таңбасын жазыңдар.
-- Бауырсақ «қояннан
да құтылдым,қасқырдан да құтылдым ля-ля-ля»-деп келе жатқанда алдынан аю
шығады. Аю бауырсаққа «маған қоян тақпағы арқылы сергіту жаттығуын жасап бер,
әйтпесе мен сені жеймін»-дейді. Балалар бауырсаққа көмектесеміз бе?
-- сергіту сәті: Ұзын құлақ сұр қоян,
Естіп қалып сыбдырды.
Ойлы-қырлы жерлерден
Ытқып-ытқып жүгірді,
Қарап еді артына,
Қиығын сап көзінің.
Келе жатқан
томпаңдап,
Көжегі екен өзінің.
-- Бойымыз сергіп қалды, ал енді бауырсақ «қояннан
да құтылдым,қасқырдан да құтылдым, аюдан да құтылдым ля-ля-ля»-деп келе
жатқанда алдынан түлкі шығады. Түлкі бауырсаққа «менің шартымды орындамасаң,
мен сені жеймін»-дейді. Балалар бауырсаққа тағы да көмектесеміз бе?
-- Түлкінің шарты: Кеспе әріптермен,
тақтамен жұмыс. қа, қа-ра, қо, қо-ра, ақ, тақ-та. Буындар, сөздерді
оқыту. Буынға бөлдірту,қ-сөздің қай жерінде тұр? Әр сөзге сөйлем құрату.
-- Түлкі «менің тағы да бір шартым бар, менің
танауымның үстіне шығып, маған өлең айтып бер»- дейді. Бауырсақ түлкінің
танауына шығып «апамнан да құтылдым, атамнан да құтылдым, қояннан да құтылдым,
қасқырдан да құтылдым, аюдан да құтылдым, енді сеннен де құтыламын»-деп айта
бергенде түлкі бауырсақты бас салып ұстап алып «мен сені жеймін»-дейді.
Бауырсақ «мені жемеші, оданда жүр менің үйіме қонаққа бар,апам бауырсақ пісіріп
жатыр»-дейді. Түлкі келісіп бауырсаққа ереді, жолай аюды, қасқырды, қоянды
ертіп үйіне әкеледі. Апасы бауырсақ пісіріп жатыр екен. Апасы қоянға қырыққабат,
қасқыр мен түлкіге ет, ал аюға құлпынай береді. Ал бауырсақ болса терезенің
алдына шығып алып әнін айтып отырады.
IV. Қорытынды:
Балалар бауырсақтың апасы бауырсаққа
көмектескендерің үшін сендерге бауырсақ беріп жіберді. (таратып беремін)
Балалардың жұмысын бағалау.
V. Үйге тапсырма: Қ дыбысына сөздер ойлап келу.
