"Қағаздан үй құрастыру" ашық сабақ

Қызылорда қаласы №197 қазақ орта мектебі

Сыныбы: 4

Технология пәнінің мұғалімі: Қасымова Әсел

Сабақтың тақырыбы: Қағаздан үй құрастыру

Сабақтың мақсаты:

Білімділік: Ландшафт қызыметінің ерекшелігі әсем әрі көркем заттармен үйлесімін және жаңа үлгілерін табуға үйрету.

Дамытушылық: Баланың ақыл-ойын ой өрісін қол еңбегін дамыта түсу.

Тәрбиелік: еңбек ету қабілеттерін арттыра отырып, еңбектене білуге, сүюге өнерлі болуға тәрбиелеу.

Сабақтың түрі: аралас

Сабақтың әдісі: түсіндіру, баяндау, шығармашылық жұмыс

Көрнекіліктері: суреттер

Сабақтың барысы:

І. Ұйымдастыру кезеңі

Сәлемдесу оқушыларды түгендеу, сабаққа дайындығын тексеру. Қауіпсіздік ережесін еске түсіру.

ІІ. Психологиялық дайындық

Қане қанат жазайық,

Қарлығаш боп ұшайық,

Ұшып-ұшып алайық

(баяу, шапшаңырақ, өте жылдам)

ІІІ. Білімді тексеру немесе ой толғау

1. Қазақ халқының қол өнерінен дизайнды қалай байқауға болады? Не жатады?

Дизайн

кебеже музыка аспаптары

ұршық сандық

қару-жарақ ыдыс-аяқ

2. Дизайнның қандай түрлерін білесің?

Дизайн

Гүл дизайны

Графикалық

Құрылыс

Ландшафт

Интерьер

Жиһаз

Киім

Жаңа сабаққа кіріспе

Үй айналасын безендіру өнерімен ландшафт дизайншылары айналысады. Ландшафт дегеніміз белгілі бір аймақтық жалпы көрінісі. Үй айналасын талдармен, тастармен, жеміс-жидек, түрлі-түсті гүлдер, мүсіндер, үйлерге шырмауықты өрмелетіп егу, шамдармен безендіру. Жалпы есік ауласын әсемдеп үйлесімді безендіру.

Қажетті материалдар мен құралдар:

Ақ түсті қатты және түрлі түсті қатты қағаз, желім, сызғыш , қарындаш, қайшы.

І. Көрнекілікпен жұмыс

Оқушыларға үй құрылысын таныстыру.

ІІ. Жасалу жолын түсіндіру

1.Үйдің шатырымен қабырғасын жасау үшін ақ түсті қатты қағаздың дәл ортасын тауып, тігінен үздік сызық жүргіземіз. Сызықтың оң жақ және сол жағынан тағы екі үзік сызық сызамыз.

2.Үзік сызықтар бойынша қағазды бүктейміз. Қағаздың ортаңғы бөлігіне т

торкөз сызықтар сызып, оны шатыр пішініне келтіреміз. Шатырдың төрт жағынан кертік жасауды да ұмытпайық.

3.Үйдің қабырғасына екі терезе суретін салып, қайшымен қиямыз.

4.Қабырғасы мен шатырының көлемін есептеп үйдің алдыңғы және артқы бөлігін құрастырамыз. Ол үшін қағаздың дәл ортасын тауып, жоғары екі жақ бұрышын ішке қарай бүктейміз. Бүктелген қағаз бұрыштары шатырдың ішкі бөлігіне желімделеді. Алдыңғы бөлігінің қабырғасына есік салып, қайшымен қиямыз.

5.Дайын үйдің төменгі бөлігін керіктері бойынша ішіне қарай бүктеп , оны қатты қағазға желімдеп, бекітеміз. Ағаштарды жасыл түсті қағаздан , ал шарбағын (қоршау) ақ түсті қағаздан суретте көрсетілгендей етіп жасап, оларды да қатты қағазға жапсырамыз.

ІІІ. Шығармашылық жұмыс.

Жұмысты істеу енді үй құрылысын жасауға кірісейік. Ал іске сәт. Керекті заттарды дайындату.

Ү. Бағалау .

Жаңа сабақты бекіту.

1. Үй құрылысы қандай бөліктерден тұрады?

2. Үйдің ауласын қалай безендіруге болады?

3. Үйдің ауласын безендірумен қандай саладағы дизайншылар айналысады?

ҮІ. Үйге тапсырма

Үй ауласын өз қалауың бойынша толықтыр.