"Адал достық" 4 сынып сабақ жоспары өзін-өзі тану

«Курчатов қаласының №4 жалпы білім беретін орта мектебі» КММ

Өзін-өзі тану пәнінін мұғалімі: Шидербаева Ж.О.

Сабақ № 10

Сынып: 4 «Ә»

Тақырыбы: Адал достық.

Мақсаты: оқушылардың «достық» құндылығы туралы түсініктерін кеңейту.

Міндеттері: - адал достықтың мәнін түсіндіру

-         өзара сыйластық қарым-қатынастарын дамыту

-         достықты қадірлей білуге тәрбиелеу

                                   Сабақ барысы

I Ұйымдастырушылық кезең

1.Дос деген кім? 
Сыр бөлісетін адам 
Мені өте жақсы түсінетін адам 
Көмекке әрдайым дайын адам 
Қандай жағдай болмасын бірге болатын адам 
Сенімді адам 
2. Досың бар ма? Ол кім? 
3. Достық жасқа байланысты ма? 
4. Жақсы дос, жаман дос қандай болады? 

II Үй тапсырмасын тексеру оқушылар өз еріктерімен баяндайды.

III  Мәтінмен жұмыс оқулықтан «Екі дос» әңгімесін оқыңдар

-         Адал достық дегенде нені түсінесіңдер?

-         Аңыз әңгімедегі жауынгерлердің достығы адал достыққа жата ма? Неліктен?

   -   Сендердің адал достарың бар ма?

Олардың адалдығын қай іс – әрекеттерінен байқадыңдар? 
- Адал дос дегеніміз – өтірік айтпайтын, шындықты жақтайтын, досын ешқашанда ұятқа қалдырмайтын, барлық уақытта қандай жағдай болмасын қол ұшын беріп, көмектесетін, қашанда қасынан табылатын, барын бөлісетін нағыз жолдас. 
Жағдаяттарды талдау. 
1. Ақылбек егер адал дос болса, қандай жауап берер деп ойлайсыңдар? 
2. Әлиханның бұл ісіне көзқарастарың қандай? Сендер оның орнында болғанда не істер едіңдер? 
3. Сендер Мұхиттың досы болсаңдар не істер едіңдер? 
Оқушылардың жауаптары тыңдалды. Әр оқушы өз ойын нақты айта білді. 

Тыныштық сәті

Жағдаятты талдау оқулықта берілген жағдаяттарды талдаңдар.

Дәйексөз:  Айнымас досы бар адам- ең бақытты адам              мақал

Тапсырма  Адал достыққа тән қасиеттерді тауып, оған мысал келтіріңдер.

Ойын  «Кімнің даусы?»оқушылар шеңбер құрып, олардың бірі ортаға шығып көзін байлайды. Бір оқушы секір деп айтады.Ал қалғаны бірігіп кетеді

                     Секір-секір деген кім

                     Білгіш болсаң, таба ғой

                     Тауып ал да, өзің кеп

    Сол досыңды айта ғой өлеңді барлығы айтады. Сонда көзі байлаулы оқушы секір деп айтқан кім екенін табу керек.

IV Адамдар бір-біріне адал, қалтықсыз сеніп, ортақ көзқараста болса ғана достықтары берік болады. Достық өзара жауапкершілік пен қамқорлықтың, рухани жақындықтың белгісі.

V Жүректен жүрекке балалар шеңберге тұрып, сыныптас достарына ақ тілек, ізгі ниеттерін кезектесіп айтады және «Дос» туралы ән тыңдайды.

VI Үйге тапсырма «Дос» туралы мақал жазыңдар.

VII оқушыларды бағалау