Адкрыты ўрок па матэматыцы 4 клас

Лемяшэўская С.Р.

настаўнік пачатковых класаў

ДУА «Мотальская СШ»

                                                                                            Іванаўскага раёна

Адкрыты ўрок матэматыкі 4 клас

Тэма: Замацаванне

Мэты: замацоўваць навыкі вусных і пісьмовых вылічэнняў; замацоўваць уменне рашаць задачы на знаходжанне невядомага па дзвюх рознасцях; замацоўваць уменні выконваць дзеянні з лікавымі значэннямі велічынь; развіваць лагічнае мысленне, матэматычную мову вучняў; фарміраваць навыкі работы ў пары; выхоўваць цікавасць да матэматыкі.

Абсталяванне : вучэбны дапаможнік 4 кл. 2 ч. ( Г.Л.Мураўёва, М.А.Урбан, 2018), карткі з заданнямі для работы ў парах, табліца адзінак велічынь, карткі з задачамі, ацэначныя лісты для вучняў.

Ход урока

1. Арганізацыя класа. Паведамленне тэмы і задач урока.

- Добры дзень, паважаныя госці! Мы рады бачыць вас у нашым класе.

- Пачнем наш сённяшні урок матэматыкі з усмешкі. Усміхніцеся адзін аднаму, усміхніцеся гасцям, усміхніцеся настаўніку. Вось з такім добрым настроем мы пачынаем нашу працу. Сёння на ўроку мы прадаўжаем вывучаць самую строгую, самую дакладную і самую цікавую навуку – матэматыку.

- Давайце ўспомнім, што мы з вамі робім на ўроках матэматыкі? Так, малайцы. Рашаем задачы і ўраўненні, выконваем арыфметычныя дзеянні з лікамі, пераўтвараем велічыні, а таксама вучымся працаваць дружна і дапамагаем адзін аднаму справіцца з цяжкасцямі гэтай сур’ёзнай навукі.

- Сёння мы з вамі будзем не толькі выконваць вылічэнні, але і развіваць увагу, памяць, лагічнае мысленне, працаваць у парах і групах, а таксама падтрымліваць адзін аднаго добрымі словамі. Я спадзяюся, што сёння  ў нас  усё атрымаецца, і гасцям спадабаецца наша праца. Жадаю ўсім поспехаў!

- Тэма сённяшняга ўрока: Замацаванне вывучанага

- Ацэньваць сваю работу на ўроку вы будзеце самастойна, запаўняючы ацэначныя лісты.

2. Чыстапісанне.

- Пачынаем урок з чыстапісання. Кожны з названых лікаў будзеце запісваць па два разы.

- Назавіце лік, які стаіць за лікам 758.

- Назавіце лік, які ў тры разы большы за лік 15.

- Назавіце лік, які ў два разы меншы за лік 100.

- Назавіце лік, у якім 5 адз.тыс. і 4 дзяс.

3. Праверка дамашняга задання.

а) выкананне індывідуальных заданняў за закрытай дошкай і на картках;

- Вылічыць перыметр і плошчу прамавугольніка са старанамі 16 м, 10 м

б) франтальнае апытванне.

- За акуратнае і правільна выкананае дамашняе заданне пастаўце сабе ў ацэначным лісце 1 бал.

4. Вуснае лічэнне.

- Падрыхтаваліся лічыць вусна і запісваць адказы ў сшытак.

280 : 40 · 50

1000 : 5 · 4

57000 : 100

720 – 180 · 0

(960 – 740) · 3

8400 · 100

            - Прачытаем адказы, правярае кожны ўважліва, памылкі выпраўляем. За кожны правільны адказ па  1 бале. Палічыце свае балы і запішыце іх у ацэначны ліст.

5. Замацаванне вывучанага.

а) гульня “Знайдзі аднолькавыя значэнні”;

 (вучні выходзяць да дошкі, называюць пару аднолькавых значэнняў велічынь, тлумачаць свой выбар, закрэсліваюць выбраныя запісы)

500 дм      6 г       5 а

500 м        5 м      360 мін

500 м       500 кг    ½ км

- Якія адзінкі велічынь паўтаралі?

- Назавіце ўсе адзінкі часу, масы, даўжыні, плошчы.

б) параўнанне адзінак велічынь (работа ў парах);

(заданні запісаны на картках, вучні абмяркоўваюць заданні ў парах і запісваюць рашэнне ў сшытак)

280 м *  ¼ км

4 км 50 м * 4500 м

30 ц · 4 * 12 т

1/8  сут * 40 мін · 8

( праверка па шаблоне)

За кожны правільны адказ па 1 бале. Палічыце балы, запішыце ў ацэначны ліст.

6. Фізкультмінутка

7. Аналіз і рашэнне задачы 1 (задача на картачцы)

За 9 аднолькавых крэсел заплацілі на 200 руб. больш, чым за 5 такіх жа крэсел. Колькі каштуюць 9 крэсел і колькі каштуюць 5 крэсел?

-         Колькі было крэсел?

-         На колькі больш грошай заплацілі за 9 крэсел?

-         Як паказаць гэта на чарцяжы?

(рашаем задачу франтальна з каменціраваннем)

Спачатку даведаюся ….

Ведаючы ….. , знайду цану  ….

Ведаючы …… , знайду кошт …..

Ведаючы …… , знайду кошт …..

-         Ці адказалі на пытанне задачы?

-         Прадыктуе адказ …

-         Як зменіце пытанне да задачы, каб яна рашалася ў 3 дзеянні?

8. Самастойнае рашэнне задачы 2 (задача на картачцы)

- Прачытайце ўмову задачы, падумайце, абмяркуйце ў парах, выканайце чарцёж і рашыце задачу.

Прывезлі 8 аднолькавых скрынак з лімонамі і 6 такіх жа скрынак з яблыкамі. Маса скрынак з лімонамі на 84 кг большая за масу скрынак з яблыкамі. Знайдзіце масу скрынак з лімонамі.

(тлумачаць рашэнне задачы вучні, якія працавалі за закрытай дошкай)

За правільнае рашэнне задачы пастаўце сабе 3 балы.

-         Як зменіце пытанне да задачы, каб яна рашалася ў 4 дзеянні?

9. Д/З с.130, № 3(1 радок), № 6 ( 3 слупок)

10. Гульня “Размяркуй на групы і вылічы”.

 (правяраем уменне лічыць вусна і пісьмова, заданне выконваем франтальна)

-         Спачатку запісваем на дошцы лікавыя выразы для вуснага лічэння, затым для пісьмовага лічэння, каменціруем алгарытмы вылічэнняў.

1200 · 50

4309 · 24

70035 : 69

230 · 40

11044 : 11

11. Рэфлексія. Вынік урока.

- Наш урок хутка закончыцца. Давайце падвядзем вынікі. Я хачу, каб вы самі расказалі, што ў вас атрымалася, а што не.

- Якое заданне было самым цяжкім?

- Якое заданне было  самым лёгкім?

- А якое   самым цікавым?

- Пастаўце ў апошнюю калонку ацэначнага ліста сабе па 2 балы тыя, хто актыўна і правільна на ўроку адказваў вусна.

- Падлічваць агульную колькасць балаў і ацэньваць вашу работу на ўроку я буду сама.

- Пакажыце на смайліках, з якім настроем вы пойдзеце з урока.

- Дзякуй усім за работу на ўроку.

Ацэначны ліст

Праверка дамашняга задання	Вуснае лічэнне	Параўнанне адзінак велічынь	Самастойнае рашэнне задачы	Актыўнасць і правільнасць вусных адказаў

Краткое описание документа:

На дадзеным уроку матэматыкі вучні замацоўваюць і правяраюць свае веды, якія атрымоўвалі на працягу вучобы ў 4 класе. Паўтараюць суадносіны паміж адзінкамі велічынь, рашаюць задачы, правяраюць свае ўменні лічыць вусна і пісьмова, развіваюць лагічнае мысленне, матэматычную мову, вучацца ацэньваць сваю работу.