Қалалық «Үздік тәрбиеші - 2016» байқауы

Қалалық «Үздік тәрбиеші - 2016» байқауы

Мерзімі: 29.01.2016 жыл сағат. 15.00

Мақсаты: Мамандарды қызметке бейімдей отырып, кәсіби біліктіліктерін арттыру, шығармашылық қабілетін жетілдіру. Теория мен тәжірибені ұштастыра отырып, кәсіптік құзіреттіліктерін нығайту. Ұжымдық қарым - қатынасқа психологиялық бейімдеу, өзара тәжірибе алмасу.

Жүргізуші: 1

Құрметті қонақтар, әріптестер бүгінгі мамандарды қызметке бейімдей отырып, кәсіби біліктіліктерін арттыру, шығармашылық қабілетін жетілдіру мақсатында өткелі отырған қалалық «Үздік тәрбиеші - 2016» байқауына қош келдіңіздер!

Жүргізуші: 2

Мектепке дейінгі мекемелерде баланы даярлау үздіксіз білім беру жүйесіндегі маңызы мен өзектілігі ерекше мәселелердің бірі болып саналады. Мектепке дейінгі мекемелердегі топ тәрбиешісінің балалармен қарым-қатынасы тұлғалық бағдар негізіне құрылуға тиіс, ол әр баланы құрметтеу және адамгершілікпен қарым-қатынас жасауды көздейді. Тәрбиеші балалардың оң мінезі мен әрекетін қолдай отырып, бір-біріне жағымды қатынасты ұйымдастыру, топта өзін-өзі емін-еркін сезінуіне жағдай жасау қажет. Олардың бойындағы өзіндік бейім қабілеттеріне сүйене отырып, мектепке оқуға қажет болатын дағдылар мен іскерліктерді қалыптастыруды, дамытуды мақсат етеді.

Жүргізуші: 1

Жүректен өлең төгіп, қосқан жырға,

Тұлпардай топтан озған жүйрік тұлға.

Қошеметтеп, асыл халқым қол соғыңдар,

Сайысқа қатысушы тұлғаларға дей отырып, бүгінгі сайысымызға қатысушы тәрбиешілерді ортаға шақырамыз. (Музыка әуенімен залға тәрбиешілер кіреді).

1. «Балақай» бөбекжайының тәрбиешісі Тоқталған Біржан

2. «Балақай» бөбекжайының тәрбиешісі Асылханова Сайрангуль Алтынбаевна

3. «Балбөбек» бөбекжайының тәрбиешісі Ережепова Замира Пардаваевна

4. «Еркетай» шағын орталығының тәрбиешісі Омарова Кулшай Тыныштыковна

5. «Еркетай» шағын орталығының тәрбиешісі Еримбетова Малика Маханбетовна

6. «Айналайын» бөбекжайының тәрбиешісі Байжанова Назипа Туйлибаевна, үміткерлерімізге қол соғып, қошемет көрсетейік!

Ал байқауға қатысушыларға сәттілік тілеп, сахна сыртына шығарып салайық.

Жүргізуші: 2
Тәрбиешілер өнерін салыстырып,
Жеңіс үшін өнерін шабыстырып.
Әділдікті қолдайтын баға беріп,
Жіберейік қазыларды таныстырып.

Бүгінгі сайысымыздың қазылар алқасымен таныс болыңыздар. (таныстыру).

• Приозерск қаласының білім бөлімі әдістемелік кабинетінің меңгерушісі Чалгинбаева Алия Калымбаевна.

• Приозерск қалалық кітапханасының басшысы

Кенжебекова Павлина Сиязбековна

• Приозерск қалалық кітапханасының әдіскері

Дженсенбаева Ульяна Кинабовна

№2 мектеп балабақашасының музыка пәні мұғалімі

Қалдыбаева Жанар Аметқызы

Жүргізуші: 1

Ал келіңіздер, келіңіздер,

Дарындарыңызға сеніңіздер.

Өнерлеріңізге сүйеніп,

Байқауға қатысып көріңіздер!-дей отырып, сайыскерлеріміз бен көрермендерімізді бүгінгі байқауымыздың кезеңдерімен таныстырып өтейік.

Байқау 4 кезеңнен тұрады:

1.Мен өз ісімнің шеберімін (өзіндік презентация ) және портфолио жинақтау.
2.«Шығармашылық шеберхана» (атрибутқа, құралға жарнама жасау).
3.«Сұрақ-жауап» (сұрақ - жауап, педагогикалық жағдаяттар).
4.«Өз өнерін көрсету» (әр- түрлі жанрдан өнер көрсету).

Жүргізуші: 2

Көп сөйлеп жөн жобадан аспайық біз.

Қандай сайыс болса да қашпайық біз,

Ал, енді халқым, рұқсат етіңіздер.

«Үздік тәрбиеші» байқауын бастайық біз.

Жүргізуші: 1

Ал сайысқа қатысушыларға сәттілік тілеп, сахна сыртына шығарып салайық.

Ақыл көрік бойларына жетеді,

Әлі талай сынақтардан өтеді,

Мына отырған баршаңызға,

Тәрбиешілер өздерінің өнерлерін көрсетіп өтеді.

Жүргізуші: 2

Сонымен бірінші кезеңді бастаймыз.

1.Мен өз ісімнің шеберімін (өзіндік презентация ) және портфолио жинақтау.

1. «Балақай» бөбекжайының тәрбиешісі Тоқталған Біржан

2. «Балақай» бөбекжайының тәрбиешісі Асылханова Сайрангуль Алтынбаевна

3. «Балбөбек» бөбекжайының тәрбиешісі Ережепова Замира Пардаваевна

4. «Еркетай» шағын орталығының тәрбиешісі Омарова Кулшай Тыныштыковна

5. «Еркетай» шағын орталығының тәрбиешісі Еримбетова Малика Маханбетовна

6. «Айналайын» бөбекжайының тәрбиешісі Байжанова Назипа Туйлибаевна.

Құрметті қонақтар сіздердің алдарыңызда "Балақай" бөбекжайының ересектер тобы бүлдіршіндерінің орындауында "Сиқырлы сезім" биін қабыл алыңыздар.

Құрметті әділқазылар алқасы І кезеңді бағалауларыңызды сұраймыз.

Жүргізуші: 1

Өзіңнің алғырлығын ұғындырып,

Көрсетер көп іздеген мығым қылық.

Келесі бұл сайыстың жоспарында,

Түседі бәсекеге шеберлілік - дей келе ІІ кезең "Шығармашылық шеберхана". Бұл жерде тәрбиеші өзінің қолдан жасалған затты жарнама жасап қана қоймай, жасалған заттың тиімділігін көрсету керек.

1. «Балақай» бөбекжайының тәрбиешісі Тоқталған Біржан

2. «Балақай» бөбекжайының тәрбиешісі Асылханова Сайрангуль Алтынбаевна

3. «Балбөбек» бөбекжайының тәрбиешісі Ережепова Замира Пардаваевна

4. «Еркетай» шағын орталығының тәрбиешісі Омарова Кулшай Тыныштыковна

5. «Еркетай» шағын орталығының тәрбиешісі Еримбетова Малика Маханбетовна

6. «Айналайын» бөбекжайының тәрбиешісі Байжанова Назипа Туйлибаевна.

Құрметті қонақтар алдарыңызда "Еркетай" шағын орталығының тәрбиешісі Сейдилдаева Майра Саулебаевнаның орындауындағы "Жан ана" әнін қабыл алыңыздар.

Құрметті әділқазылар алқасы ІІ кезеңді бағалауларыңызды сұраймыз.

Жүргізуші: 2

Ал, тәрбиешілер сайысқа қалайсыздар,

Сіздер өтер әліде көп сын бар.

Асығыңды ал қоржыннан қымсынбай кеп,

Жауап айтсаң сұраққа жарайсыздар,-дей отырып, байқауымыздың 3 бөлімі бойынша "Сұрақ - жауап" (сұрақ-жауап және педагогикалық жағдаяттар) бөлімін бастаймыз.

1. «Балақай» бөбекжайының тәрбиешісі Тоқталған Біржан

2. «Балақай» бөбекжайының тәрбиешісі Асылханова Сайрангуль Алтынбаевна

3. «Балбөбек» бөбекжайының тәрбиешісі Ережепова Замира Пардаваевна

4. «Еркетай» шағын орталығының тәрбиешісі Омарова Кулшай Тыныштыковна

5. «Еркетай» шағын орталығының тәрбиешісі Еримбетова Малика Маханбетовна

6. «Айналайын» бөбекжайының тәрбиешісі Байжанова Назипа Туйлибаевна.

Құрметті қонақтар алдарыңызда "Айналайын" бөбекжайының тәрбиешісі Байдосова Гулия Жаксылыковна орындауындағы "Танец желтых листьев" әнін қабыл алыңыздар.

Құрметті әділқазылар алқасы ІІІ кезеңді бағалауларыңызды сұраймыз.

Жүргізуші: 1

Қашаннан қазыналы халқым менің,

Өнердің өнегелі алтын кені.

Даралап дарынымен шықсын озып,

Танытып көпшілікке өз өнерін, - дей отыра, 4-ші бөлім бойынша "Өз өнерін көрсету" сайысын бастаймыз.

1. «Балақай» бөбекжайының тәрбиешісі Тоқталған Біржанның "Күлшеқыздың хикаясы" өнерін қабыл алыңыздар.

2. «Балақай» бөбекжайының тәрбиешісі Асылханова Сайрангуль Алтынбаевнаның "Мыстан кемпірдің махаббат хикаясы" өнерін қабыл алыңыздар.

3. «Балбөбек» бөбекжайының тәрбиешісі Ережепова Замира Пардаваевнаның Мұқағали Мақатаевтың "Май гүліме" атты өлең жолдарын қабыл алыңыздар.

4. «Еркетай» шағын орталығының тәрбиешісі Омарова Кулшай Тыныштыковнаның "Аралар" биін қабыл алыңыздар.

5. «Еркетай» шағын орталығының тәрбиешісі Еримбетова Малика Маханбетовнаның орындауындағы әнін Медет Салықов, сөзін Қалхаман Сарин жазған "Жібек жолы" әнін қабыл алыңыздар.

6. «Айналайын» бөбекжайының тәрбиешісі Байжанова Назипа Туйлибаевнаның "Сирен гүлдер" әнімен қабыл алайық.

Құрметті қонақтар алдарыңызда "Балақай" бөбекжайының тәрбиешілерінің "Испан" биін қабыл алыңыздар.

Құрметті әділқазылар алқасы ІV кезеңді бағалауларыңызды сұраймыз.

Жүргізуші: 2

Құрметті қонақтар өздеріңізбен бірге қызықтап, өнерлерін тамашалаған тәрбиешілер сайысы да өз мәресіне жетті. Бүгінгі сайысымыздың жеңімпазын анықтау үшін сөз кезегін әділ-қазылар алқасына берейік.

(әділ-қазылар өз тілектерін білдірген соң, марапаттау рәсімі басталды).

Жүлделі орындармен, номинациялармен марапаттау.

Жүргізуші: 1

Жеңістер мен жеңілістерден тұратын,

Өмір күрес жеткізе ме мұратын.

Жеңбедім деп, жеңдім деп ренжімеген,

Қатысуда бір жеңіс, жан болсаң сен ұғатын - дей отырып әрқашан сыналған шақта сүрінбей қадамдарыңызға нұр жаусын! - деп, бүгінгі сайысымызды аяқтаймыз. Келесі кездескенше сау болыңыздар!

«Балақай» КМҚК бөбекжайы

Қалалық «Үздік тәрбиеші - 2016» байқауы

Әдіскер: Ф.Абатаева

Приозерск қаласы – 2016ж.