"Алтын күз " ертеңгілігі

Алматы облысы

Талғар ауданы

Төңкеріс ауылы

«Мектеп жасына дейінгі шагын орталыгы бар

№23 жалпы білім беретін орта мектебі»

мемлекеттік коммуналдық мекемесі

«Бекітемін»

Мектеп директоры: ___________________Мухамадиева Ж.К.

Тақырыбы:

Алтын күз

Бимуратова Г.Ж.

2015-2016 оқу жылы

«Алтын күз» ертеңгілігі

Мақсаты:

1.     Табиғаттың күз мезгіліндегі өзгерістері жайлы балалардың білімдерін кеңейту;

2.     Күз мезгілінің берекелі екенін айтып, түсінік беру, ойлау қабілетін дамыту;

3.     Күзде пісетін жемістермен, көкөністермен балаларды таныстыру;

4.     Балаларды еңбекқорлыққа тәрбиелеу;

Тәрбиеші: Құрметті ұстаздар, ата-аналар, кішкентай бүлдіршіндер! Алтын күз мерекесіне қош келдіңіздер! Сіздерді ел байлығын арттырған, берекелі де мерекелі күз мерекелеріңізбен құттықтаймыз! Күз мезгілі барлық үйге молшылық алып келсін! Сары алтындай сары күз себетке толы жемісін, қамбаға толы егінін сыйлады. Ендеше «Алтын күз» атты мерекелік іс-шарамызды бастаймыз.

1-оқушы: Берекесін сыйлауға,

                 Өлкемізге күз келді.

                 Жемістерін жинауға,

                 Шақырады біздерді.

2-оқушы: Берекелі, мерекелі

                 Келді жомарт алтын күз,

                 Қалада да, далада да

                 Жанның бәрі алтын күз.

3-оқушы: Сау-сау етіп жапырақ

                 Сабағынан үзілді.

                 Қоңыр тартып атырап

                 Көкке құстар тізілді.

4-оқушы: Жемісі мол теретін,

                 Күз дос екен бізбенен.

                Бәрін тауып беретін,

                  Жомарт екен күз деген.

Тәрбиеші: Сыныбымыздың қыздарының  орындауында «Қара жорға» биін тамшалаңыздар.     

Тәрбиеші: Балалар, мінеки күз мезгіліде келіп жетті.

Қанеки менің қойған сұрақтарыма жауап беріп көріңдер:

                Күз мезгіліне қай айлар жатады? (Қыркүйек, қазан, қараша)

                Күзде қандай құбылыстар болады? (жапырақтар сарғаяды, жаңбыр жауады, жел соғады, күн суыйды, құстар жылы жаққа ұшып кетеді және т.б)

                Ал қазір күздің қай айы? (Қазан)

(Осы кезде ішке сары киім киген, түрлі түсті жапырақтар тағынған Алтын күз келді. Алтын күздің себетке салған жемістері бар, билеп кіріп, сөйлей жөнеледі).

Алтын күз: Сәлеметсіңдерме балалар! Мен сендердің шақыру хаттарыңды алдым. Сендерге көп рахмет. Балалар мен сендерге көкеністерімді, жемістерімді ала келдім.

Алтын күз: Өрік, алма, шие, жидек, жүзім піседі.

                   Қауын, қарбыз, қияр, сәбіз дүкендерге түседі?

Балалар: Күзде дейді.

Алтын күз: Бұлттар төніп, жерге шөгіп, дымқыл тұман болады.

                   Шөп сарғайып, өңі тайып, дала сұры қашады.

                   Бой жаза алмай, ойнай алмай, денең мұздап тонады.                                Бөбектерім-ай, бұл қай кезде болады?

Балалар: Күзде дейді.

Алтын күз: Жарайсыңдар, балдырғандарым! Менің өлең жұмбағымды бірден таптыңдар. Сендерге өз алып келген жемістеріммен «Жемістер қандай пішінде?» деген ойын ойнайық. Қазір ортаға бір баланы шығарып, көзін байлаймыз. Алдына жемістерді қоямыз, жемістерді сипап көріп, пішініне қарай ажыратамыз.

Тәрбиеші: Ал енді, балалар, өздеріңнің күзде пісетін жемістер мен көкөністерге арнаған өлең шумақтарыңды айтыңдар.

1-оқушы: Мен шиемін, шиемін,

(шие)       Күннің көзін сүйемін.

                Қышқыл шырын менде бар,

                Төмен басты иемін.

2-оқушы: Піскен кезде қызанақ,

(қызанақ) Көз тартар қызыл түсімен

                Барма адам сүйсінбей

                Томат шырынын ішпеген.

3-оқушы: Іщі толған шәрбәт,

(жүзім)    Дәмі қандай әйбат.

                Үзесің бірден жүзін,

                Оның аты – жүзім.

4-оқушы: Кім бар сәбіз шырынын,

(сәбіз)      Жастайынан ішпеген

                Мені жеген адамдар

                Кем болмайды күшкеде.

5- оқушы: Боламын мен дәмдеуіш

(пияз)       Барлық-барлық тағамға

                Көкеністер ішінен

                Мен пайдалы адамға.

6- оқушы: Пісетін кезі дәл күзде

(шабдалы)Мезгілсіз оны үзбе

                Аузыңнан кетпес бал дәмі

                Оның аты – шабдалы.

7-оқушы: Мен ұялшақ картоппын

(картоп)   Мен емеспін мақтанар,

                Мені жақсы көреді

                Үлкендер мен балалар.

8-оқушы: Жапырақты тасалап

(құлпынай)Өсетін жері бақша-бақ,

                Күрең қызыл шіркін-ай,

                Оның аты – құлпынай.

9-оқушы: Кім білмейді шалқанды

(шалқан)  Талайлар маған таң қалды

                Бәріне сый боламын

                Тауып көр менен дарханды.

10-оқушы: Сырты қандай қатты

(жаңғақ)  Дәні сондай тәтті

                Шағып қара таңдап

                Оның аты - жаңғақ.

11-оқушы:  Мен алмамын, алмамын

(алма)      Таңдай тартар бал дәмім

                Мына тәтті бал дәмді

                Дастарханға арнадым.

12-оқушы: Дәмі тілді үйірген

(қияр)      Мен тұздалған күйімде

                Жаңа піскен кезімде

                Жейді бәрі сүйсіне.

13-оқушы: Мақтанғаннан не пайда,

(қырық-   Менсіз дәмнің ізі қайда

қабат)      Мені қосса самсаға

                Бәрі жейді тамсана.

14-оқушы: Үлкендігі алмадай

(анар)      Сырты жанған қызыл от

                Ішін ашып қарасаң

                Майда-майда қызыл шоқ.

15-оқушы: Дөп-дөңгелек сары

(өрік)       Ішінде бар дәмі

                Қызығасың көріп

                Оның аты – өрік.

16-оқушы: Әне сары-қызыл алмұрттар

(алмұрт)  Әсем бақтың жұлдызы

                Алмұрт терген балалар

                Албырайды нұр-жүзі.

17-оқушы: Иісім жұпар аңқыған

(қауын)    Бақшадағы шырынмын

                Жеп көргенде тамсанған

                Балдай тәтті қауынмын.

Тәрбиеші: Өте жақсы балалар, енді Алтын күзге арнаған «Күз жомарт» өлеңін айтайық.

Күз жомарт

Тоңазып, атырап

Көп жеміс піседі

Сарғайып жапырақ

Саудырап түседі.

Қ-сы : Күз жомарт дейміз біз,

           Жемісін жейміз біз.

Үстінде егін-жай

Салқын жел соғады,

Гүл-шөбі белдің сай

Қуарып, солады.

Қ-сы : Күз жомарт дейміз біз,

           Жемісін жейміз біз.

Тәрбиеші:Өте тамаша айттыңдар, балалар. Алтын күзге тақпақ, өлең айту шеберлігімізді көрсеттік. Енді ұлдарымыздың би билеу өнерин көрсетейік. «Қазіргі заман» биі.  

Алтын күз: Жарайсыңдар балдырғандарым, өнерлерің көп екен! Риза болып отырмын, ал енді мен қайтатын кез болды. Аман-есен болыңдар! Еңбек етіп, ойнап күліп, шырқап әнге салыңдар. (әкелген жемістерін балаларға таратып береді)

Балалар: Рахмет саған, Алтын күз! Қош-қощ алтын күз!

Тәрбиеші: балалар осымен біздің күз туралы мерекеміз аяқталды. Бәрің мерекеге жақсы қатыстыңдар. Рахмет!