Алтын күз мерекесін тойлаймыз

Тақырыбы:Төрлет -алын күз.

Мақсаты: Күз мезгілінің қыр- сырын жете меңгере білу; оның өзгерістерімен таныстыру, әсемдікке баулу; күзгі еңбек және табиғатты сүю,қорғау; ата- ана, бала мен мектеп арасында қатынас орнату.

Жүргізуші:Армысыздар  құрметті қонақтар! Балалар! Алтын күз мерекесіне қош келдіңіздер! Ел байлығын арттырған берекелі де мерекелі күз мерекесі құтты болсын. Сары алтындай сары күз себетке толы жемісін, қамбаға толы егінін сыйлайды. Ендеше «Алтын күз» атты мерекелік іс-әрекетімізді бастаймыз..

Алғы сөз « Айгөлек» бөбектер бақшасының әдіскері Жаминова Разия Жұмагелдіқызына беріледі.

Құреметті  ата-аналар біздің балаларымыздың үш тілде  таппақтарын  қабыл алыңыздар!

Батырхан, Адия, Асель.

Тақпақтар:

Арай:

Берекелі мерекелі

Өлкемізге күз келді

Жемістерін жинауға

Шақырады біздерді.

Әдия:

Сау сау етіп жапырақ

Сабағынан үзілді

Қоңыр тартып атырап

Көкке құстар төгілді.

Айша:

Жемісі мол теретін

Күз дос екен біздермен

Бәрін тауып беретін

Жомарт екен Күз деген.

Айару:

Сап сары маңай

Сап сары тоғай

Соңғы әнін айтып

Құс кетті қайтып.

Жанерке:

Нұрға бөлеп өмірді

Жырға бөлеп көңілді

Жарқыраған сәулелі

Күз әуені төгілді.

Махаббат:

Думан толы асқарлы

Күз мезгілі басталды

Күз әуені кеп жетті

Әнге бөлеп жастарды

Айдос:

Нұрға бөлеп өмірді

Жырға бөлеп көңілді

Жарқыраған сәулелі

Күз әуені төгілді.

Әділ:

Жұлдыз туып таң алды

Әнге орап ғаламды

Сазды әуен шаттыққа

Бөледі бар адамды

Санжар:

Алтын, сары, қызыл, көк

Алуан-алуан жапырақ

Күзгі бақта күлімдеп

Көз тартады атырап

Жүргізуші:

Ересек тобының орындауында «Балалық шақ» биі.Қабыл алыңыздар!

Балалар мінекей күз мезгіліде келіп жетті.

- Күз мезгілінде қандай айлар жатады?

- Ауа райы қалай құбылады?

- Ал қазыр күздің қай айы?

Осы кезде ортаға  «Алтын күз» себетке салынған жемістері бар, билеп кіреді де әндете жөнеледі:

Өрік, алша,

Шие, алма,

Жидек, жүзім піседі.

Қауын, қарбыз,

Қияр, сәбіз

Дүкендерге түседі.

Жүргізуші:балалар бұл кім?

Балалар: күз!

Алтын күз:

Бұлттар төніп, жерге шөгіп,

Дымқыл тұман басады.

Шөп сарғайып, өңі тайып

Дала сұры қашады.

Бой жаза алмай, ойнай алмай

Денең мұздап тонады

Бөбектерім ал тыңдаңдар

Бұл қай кезде болады?

Балалар: күз!

Алтын күз: жарайсыңдар балдырғандарым менің өлең жұмбағымды бірден таптыңдар. Сендерге өз жемістерімді ала келдім!

Кіші  топтың орындауында «Жаңбыр» әні. Қарсы алыңыздар!

Ересек тобы алтын күз мерекесіне «Бауырсақ » ертегісін дайындаған екен. Тамашалап көрейік.

«Шалқан» ертегісімен кіші топты ортаға шақырайық.

Ересектер тобының орындауында «Батырлар» биі

Жүргізуші:

Арпа бидай ас екен, алтын күміс тас екен, демекші біздің балалар дақылдар туралы тақпақтарын айтады.

Бидай - Батырхан

 Нан атасы-бидаймын,

Елге астық сыйлаймын.

Дәнім толып піскенде

Қауызыма сыймаймын.

Арпа - Ерәлі

 Күміс мұртты арпамын

Ырыс құтты арпамын

Еңбек етіп баптаған

Еліме сый тартамын.

Тары - Қадиша

Ақ,қарамын,сарымын

Мен өнімді тарымын.

Халқым еңбек сіңірсе,

Қайтарамын қарымын.

Сұлы - Асель

Мен сұлымын ұланның

Тұлпарына ұнадым.

Бастаған әр диқанға

Басымды иіп тұрамын.

Күріш Дильназ

Күнді сүйген күрішпін

Кұүллі жұртқа ырыспын

Алсын деп ел мол өнім

Ала жаздай су іштім.

Жүргізуші:

Алтын сары, қызыл көк,

Алуан алуан жапырақ.

Күзгі бақта күлімдеп,

Көз тартады атырап.

О, алақай, тамаша

Шашау шашты жапырақ

Бақтың іші алаша,

Аунар ма еді жата қап.

«Алтын күз» әні орындайтын Ересек тобының хоы қабыл алыңыздар.

Жүргізуші: рахмет:  «Алтын күз» сіздің жемістеріңізбен ойын ойнайық,қазір ортаға бір  ата- ананы шығарып көзін таңамыз. Алдына жемістерді қоямыз, қай жеміс екенін сипап сезу арқылы ажыратады.

Ойын: «Жемістер қай пішінде» деп аталады.

Би «Көңілді балалар». Қарсы алыңыздар!

Ал, енді  сән әлеміне аттанайық.

Жүргізуші:  Құрметті біздің Алтын күзіміз№ Сізге біздің ата-аналарымыз дайындап әкелген сыйдығы бар екен№ Соны көріп, тамашалап бағаңызды беруіңізді сұраймыз!

Марапаттау

Алтын күз: Айналайын балалар онерлерің көп екен. Риза болып отырмын. Мен қайтатын кез болды. Аман-есен болыңдар. Еңбек етіп, ойнап-күліп, шырқап әнге салыңдар.Әкелген жемістерін балаларға таратып береді.

Ата-анаға сөз беру

Жүргізуші: Осымен күз мерекесіне дайындаған концерттік бағдарламамыз өз мәресіне жетті  келіп бізбен бірге тамашалағандарыңызға алғысымыз шексіз! Келесі кездескенше хош сау болыңыздар

МҚКК «Айгөлек» бөбектер бақшасы

Тексерген:________                                                  Бекітемін:__________

Оқу-ісінің әдіскері:                                                  «Айгөлек» бөбектер

Р.Ж.Жаминова                                                           бақшасының директоры:

                                                                                    С.С.Абжанова

Төрлет- алтын күз

                                                            Тәрбиеші: Ж.А.Сыздыкова

                                             2016-2017