Ана –өмірдің шуағы
Мақсаты: 8-наурыз мейрамы туралы түсінік беру, анаға деген мейірімді, сүйіспеншілікті арттыру, аналар туралы өлең шумақтарын оқуда мәнерлі, сауатты, анық оқи алуға машықтандыру:
Оқушыны ізгілік,инабаттылық, сыйластық, адамгершілік сияқты қасиеттерге тәрбиелеу;
Көрнекілігі: аналар туралы қанатты сөздер, шарлар т.б
Барысы:
Мұғалім: Құрметті қонақтар, асыл аналар, ұстаздар және қыздар. Бүгін бізде үлкен мереке. Ол аналарға арналған «Ана-өмірдің шуағы» деп аталған ашық тәрбие сағаты. Құрметті аналар, мейрамдарыңыз құтты болсын! Әр жанұяға тыныштық, денсаулық, амандық тілейміз.
Құрметтейік , о адамдар, аналарды,
Бізді өмірге әкелген даналарды.
Себебі Ана деген асыл жан ғой,
Ойлауменен істелік әр қадамды.
Жүргізуші:
Қадірлі қауым! Біздің мерекелік кешіміз ана мен баланың қатысуымен , бірлесе жұмыс жасауымен өткелі отыр. Яғни, сайысқа 4 жұп «ана мен бала) қатысады.
Сайыс мынадай кезеңдерден тұрады:
I Таныстыру
II Қол өнері (ою-өрнек қию)
III Аспаздық
IV Өз өнері
V Сұрақ-жауап
VI Шаш өру
Жүргізуші:
Сонымен қатысушы жұптарды ортаға шақырамыз.
Гүл көңілі қуаныштан өрілді
Жанарыңнан жалын нұры төгілді
Жыр ұшқындап тұр ғой әне үніңнен
Көпшілікке таныстыршы өзіңді – дей отырып, алғашқы қатысушыларымыздың таныстыруын тамашалайық.
( 4 жұп таныстыруын көрсетеді)
0 «А» сынып оқушыларының тақпақтары.
Жүргізуші :
2-сайыс «Қол өнер» (қағаздан оюлар қияды)
4 «А» сынып оқушыларының биі
Жүргізуші:
Ана дейміз бәріміз де аңқылдап
Ана дейді жас сәби де жарқылдап
Ана деген –бәйтерегі өмірдің
Ана деген-алтын қазық, алтын бақ!
Ал халайық,ықыласпен демейік
Арулардың аспаздық өнерін көрейік
Дәмі менен көрінісіне қарап біз
Әділдікпен бағаларын білейік.
3-сайыс аспаздақ сайыс.
0 «А» сынып оқушыларының өзбек биі.
Жүргізуші:
О, аналар осындайсың бәрің де,
Осындайсың жасың-дағы кәрің де,
Сыйынатын осы өмірде құдірет
Сыйынар ем ана деген тәңірге.
Ендігі кезекте аналарымыз бен балалары өз өнерлерін көрсетеді. (4 сайыс)
Жүргізуші:
Жас ару жас ғұмырдың талғамысың
Қуантқан әрбір үйдің арманысың
Дәл бүгін қанат қомдап сыналарда
Сан сұрақтан сүрінбей, самғап ұшқын, -дей отырып, сұрақтарға кезек берейік.
5-сайыс сұрақ-жауап
Қазақтың үш биін атаңыз.
Көктем мезгілінің бірінші айы
Қазақстан өз тәуелсіздігін қай жылы алды?
Қазақтың тұңғыш ғарышкері кім?
Қандай салт-дәстүрлерді білесіз?
Қазақтың ұлы ақынын атаңыз.
1 «А» сынып оқушыларының тақпақтары
---------------------------------------------------------------
6-сайыс «Шаш өру»
Жүргізуші :
Адам бар ма ана сүтін татпаған
Алуан –алуан ауыр сынды атанған
Адалдықты ,ар –намысты сақтаған
Мен анамның сонысына мақтанам.
Әділ –қазыларымыздан бүгінгі сайыс қорытындысын жариялауды сұраймыз. Қорытынды жарияланып, жеңімпаздарға бағалы сыйлықтар тапсырылады.
Құрметті қонақтар, біздің «Ана-өмірдің шуағы» атты мерекелік кешіміз аяқталды. Көңіл қойып тыңдағандарыңызға көп көп рақмет!
Амандықта жүздескенше! 8-наурыз құтты болсын!
Қараөзек орта мектебі
Оставьте свой комментарий
Авторизуйтесь, чтобы задавать вопросы.