Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Другие методич. материалы / Анализ воспитательной работы в начальных классах

Анализ воспитательной работы в начальных классах

  • Начальные классы

Поделитесь материалом с коллегами:

Татарстан Республикасы Чүпрәле районы Яңа Ишле башлангыч мәктәбенең 3 нче сыйныф укучыларының

2014-2015 нче уку елына

тәрбия эшенә анализы

Тәрбия эшенең төп бурычы, асылда бала шәхесенең барлык эчке табигый көчләрен хәрәкәткә китерүдән, аны рухи һәм физик яктан әзерләп, яңа җәмгыять шартларында интеллектуаль-әхлакый шәхес буларак эш итә алучы ирекле бер зат итеп тәрбияләүдән гыйбәрәт. Шуңа күрә тәрбия өлкәсендәге һәрбер эшчәнлек шушы максатларны күздә тотып оештырыла, тәрбия планы төзелә. 2014-2015 нче уку елында 2нче сыйныфларда тәрбия эшен түбәндәге эшчәнлекләргә нигезләнеп тормышка ашырдык:

  1. Традицион мәктәп мероприятиеләре

  2. Мәктәпнең «Сәламәтлек программасы»

  3. Ата- аналар белән эш

  4. Тәрбиягә авыр бирелүче, тулы булмаган гаиләдә тәрбияләнүче укучылар белән эш

  5. Һөнәри юнәлеш һәм хезмәт тәрбиясе бирү

  6. Патриотик тәрбия бирү

  7. Хәрәкәт активлыгын күтәрү

  8. Хокук бозуларны кисәтү

  9. Юл- транспорт фаҗигаләрен кисәтү

  10. Наркоманиягә каршы көрәш

  11. Ата-аналар белән «Путь к успеху» программасын тормышка ашыру

  12. Профилактик чаралар

Яңа Ишле башлангыч мәктәбенең тәрбия темасы: «Укучыларда әхлакый кыйммәтләр һәм сәламәт яшәү рәвеше тәрбияләү». Педагогик коллектив алдында түбәндәге бурычлар куелды:

-Укучыларда укуга, хезмәткә, табигатькә җаваплы караш, әйләнә- тирәдәге күренешләрне, вакыйгаларны дөрес аңларга өйрәтү;

-Җаваплылык, таләпчәнлек, гаделлек сыйфатлары, үз-үзеңне әдәпле тоту күнекмәләре һәм гадәтләре формалаштыру;

-Сәламәт тормыш рәвешен өйрәтү;

-Рәсем, театр, музыка сәнгате белән кызыксынуларын арттыру, иҗади сәләтләрен үстерү буенча индивидуаль һәм күмәк чаралар уздыру;

-Коллектив тормышы турында гомуми күзаллау булдыру;

-Практик белем һәм күнекмәләрне формалаштыру;

-Намуслы, әдәпле, кешеләргә игътибарлы , игелекле булу сыйфатлары тәрбияләү;

-Милләтара аралашу культурасы тәрбияләү;

-Татар халкының традицион тәрбия чараларын куллану;

-Тататарстанның һәм Россиянең лаеклы гражданнарын тәрбияләү;

Тәрбиянең асылы кешелек кыйммәтләренә нигезләнә. Мәктәпнең максаты укучының һәръяклап үсеше өчен уңай шартлар булдыру. Укучыларның әхлагын, сәламәтлеген үстерү, физик яктан ныгыту белән бергә патриотик тәрбиягә, профессиональ юнәлеш бирүгә игътибар иттек. Ата- аналар белән тыгыз элемтәдә торабыз. Укучыларның сәламәтлеген үстерүдә һәм физик сәләтләрен арттыру өстендә системалы эш алып барыла. Дәрестә үткәрелгән динамик паузалар, тәнәфестәге хәрәкәтле уеннар, тәрбия дәресләрендә фикер алышулар, «күңелле старт» уеннары, шәфкать туташы белән даими очрашулар, сәламәтлеккә кагылышлы класстан тыш чаралар- барысы да укучыларда сәламәт яшәүгә аңлы караш тәрбияләү максатыннан эшләнде. Иртәнге зарядкага да бик теләп кушылдык. Эшебезнең нәтиҗәсе дә бар, үткән елдагы медосмотр нәтиҗәләренә килгәндә, быелгы нәтиҗәләр әйбәтрәк.

Укучыларның иминлеген саклау безнең төп бурыч. Бу тармакка да зур игътибар бирелде.Балигъ булмаган балалар белән эшләү инспекторы мәктәптә булып китте, аларның чыгышлары тыңланды.

3нче чирек нәтиҗәләре буенча узган ата- аналар җыелышының темасын да «Укучыларның иминлеген тәэмин итү. Хокук бозуларны кисәтү » дип алдык. Җыелышта балаларның иминлеге буенча сорауларга җавап алынды. Юлдагы иминлекне саклау максатыннан февральнең бер көнен «Юл билгеләрен өйрәнү көне» итеп уздырдык. Кичә өч өлештән торды: беренче өлешендә «Юл сабаклары» дигән музыкаль композиция күрсәтелде, икенче өлештә ЮХИДИ хезмәткәре чыгыш ясады, укучыларны кызыксындырган сорауларга җавап бирде. Өченче өлештә кичәдә катнашучы укучылар бүләкләнде.Кичәдә әниләребез дә катнашты. Традициягә кергән бәйрәмнәребез, кичәләребез сәнгатькә мәхәббәт, сәләт үстерү белән беррәттән, укучыларда әхлакый кыйммәтләр дә тәрбияли.

Ел дәвамында класс белән айлык газета чыгардык, бер ачык дәрес һәм бер мероприятие күрсәттек. Февраль аенда «Әлифба бәйрәме» булып узды, «Гаилә бәйрәме» уздырдык. Апрель аенда театр айлыгына спектакль әзерләдек. Тәрбия планы нигезендә куелган чаралар вакытында уңышлы узды.

Ата-анлар белән элемтә бик зур. Мәктәптәге үткәрелгән бөтен чаралар да алар катнашында уза. Проект эшләрендә дә ата-аналар бик актив катнашалар. Ата- аналар комитеты нәтиҗәле эшләп килә.

2014-2015нче уку елы тәрбия юнәлешендә уңышлы узды, 2015-2016 нче уку елына яңа бурычлар куеп яшь буынны тәрбияләүдә көчебезне кызганмыйча эшләргә дигән максат куеды.



Автор
Дата добавления 13.11.2015
Раздел Начальные классы
Подраздел Другие методич. материалы
Просмотров131
Номер материала ДВ-151831
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх