Ардагерлермен кездесу кеші тақырыбы "Ауғанның от жалыны"

Ауғанстан жерінен кеңес әскерлерінің шығарылғандарына 26 жыл

«Ауғанның от жалыны»

(Ерлік сабағының әдістемелік әзірлемесі)

2012 жыл

Кеңес әскерелірінің ауған жерінен шығуына 26 жыл

Тақырыбы:

Мақсаты: тұлғаны жоғары құлықтылық қасиеттерге, патриоттық сезімге тәрбиелеу. Оқушылардығ бойынан адамгершілік, еңбек сүйгіштік, әдептілік, Отан қорғау әр азаматтың қасиетті борышы екендігін оқушылар түсінігіне жеткізу.

Барысы:

І. Алғы сөз - мектеп директоры – Ешеева Ләйлә Сайлауқызына, оқу және тәрбие ісінің меңгерушілері –Акибаева Назым Ниязбекқызына және Әлия Әмірқызына беріледі.

1-Жүргізуші:

1979 жылдың 25 – желтоқсанынан 1989 жылдың 15 ақпаны, яғни, 9 – жылдан аса уақыт бойы кеңес әскерлерінің шектеулі құрамы Ауған жерінде ұрыс жүргізді.

2-Жүргізуші: Кеңес одағы басшылығының қаулысымен олар Ауған халқы алдында интернационалдық борыштарын өтеді. 14 мыңға жуық кеңес жауынгерлері бұл соғыста үйлеріне оралмады. Олардың ішінде қазастандықтар да бар еді. Қайғы мен қасірет әкелген бұл соғыс Қазақстан жерін де айналып өтпеді. Ұрыста қаза тапқан жауынгерлердің ерліктерін есімізде мәңгіге сақтау қасиетті борышымыз. Оларды ұмытпас үшін естеліктер айтылып, мәңгілік алаулар жағылады. Осы дәстүр біздің Қазақстанда да сақталған. Соғыстың адам баласына әкелер зардабы мен қасіреті шексіз екені баршаға аян. Бұл соғыстан қанша боздақтар оралмады, сол боздақтардың аналары әлі күнге дейін қара жабылып қасірет шегуде. Әр ана баласының кеміс те болса тірі келгенін құдайдан тілемей ме? Сол үмітінің ақталмай, баласының өлі денесін алудан артық анаға бұл дүниеде тең келер қандай қасірет бар?

1-Жүргізуші: Ауғанстан туралы біз не білеміз?

2- Жүргізуші: Ауғанстан бұл ертеден қалыптасқан мұсылман мемлекеті. Бірақ, бұл ел бізге ұмтылмас қайғы мен қасірет әкеледі деп ешқашан ойлаған емеспіз. Біреудің жүрек жарар ұлын, біреудің бауырын бұл жалғанда жұлып әкетерін кім білген.

Ауған соғысына Қазақстан бойынша біздің елдің еншісінде қаралы тізім мынадай:

761 адам қаза тапқан.

226 адам із – түзсіз жоқ

1000 – ға жуық адам кемтар

1000 - ға жуық адам осы соғыстан кейін о дүниелік болды.

Осы ауғанның от жалынынан оралмаған, марқұм болған ауған соғысының жауынгерлерін еске алу үшін 1 минут үнсіздік берілсін.

1-Жүргізуші: Адам тағдырына көнеді, бірақ ұлынан айырылған ана көнеме? Ол әлі де ұлын келеді деп үміттенуде.

«Тағдырын білем ауған даласының ...» – өлең шумақтары оқылады.

Кілең жас жанары от жалындаған,

Айналды майдангерлер қанды балақ.

Күні жоқ «қалақша» оқ салынбаған

Атырған бір ұйқысыз таңды қарап.

Дұшманмен бетпе – бет кеп шайқастарда,

Жасқанып шегінбеген, тайсалмаған

Отан үшін бас тігіп айқасқанда

Оққа ұшты қанша қазақ қайсар балаң.

Тастаған енді ер жетер шақта қырып,

Кектерін олар үшін заман алар.

Кебенек киген ұлын аттандырып,

Қабірін құшып қалған аналар бар.

Қарғыс атқыр, бағасыз арық қойдан

Сұм соғыс ғазиз жанды опырады.

Ауғанда неше боздақ қалып қойған

Бұйырмай туған жердің топырағы.

2-Жүргізуші: Бірі білсе, ерлігін бірі білмес. Ендігі сөз кезегін сіздерге берейік, Ауған соғысы жайлы, сол кездегі достарыңыз жайлы айтып берсеңіздер.

/Оқушылар өздерінің ойларында жүрген сұрақтары да қойылады/

Біздің сіздерге өзіміз арнайы тапсырмаларымыз бар. Оның біріншісі, сіз Ауған соғысынан аман есен қайтып келген жауынгерсіз, сізге мұғалім болыңыз деп ұсыныс жасалынып, сіз Алғашқы әскери дайындық пәнінен сабақ беріп жүрсіз дейік, 1-2 оқушы шақырып орнындағы бұрылыстарды орындатып көріңізші. Рахмет

1-Жүргізуші: .

Келесі екінші біздің сіздерге дайындаған тағы бір тапсырмамыз мына

автоматты уақытқа бұзып,жинап берсеңіздер. Өзіңізді сынап көрсеңіз. Рахмет.

2-Жүргізуші: Сөз соңында айтарымыз құрметті Ауған соғысының ардагерлері, Сіздердің оты жылдардағы ерліктеріңіз ешқашан ұмытылмайды! Отанды қорғау, Отанға деген махаббат, патриоттық сезімнің шынайы үлгісін көрсете білдіңіздер. Келешек ұрпақ сіздердің ерліктеріңізді үлгі тұтады. Сіздерге зор денсаулық, қажымас қайрат тілейміз. Жас ұрпақты тәрбиелеу барысындағы игі істеріңіз жоғарыдан көріне берсін!

1-Жүргізуші: Бүгінгі «Ауғанның от жалыны» атты кездесу кешіміз аяқталды, келіп, көріп қатысқандарыңызға рахмет. Кездескенше күн жақсы. Сау болыңыздар.