Сабақтың тақырыбы: Ақша
қар. Зейнолла Шүкіров
Сабақтың мақсаты: 1. Оқушылардың
өлеңді түсініп оқу, мәнерлеп оқу қабілеттерін қалыптастыра отырып, өлеңнің
негізгі ойын ашып, тәрбиелік мәнін түсіндіру;
2. Оқудың
түрлерін қолдана отырып, өз тілдерінде көркем, әсерлі сөйлеу дағдыларын дамыту,
салыстыру, негізгі ойды анықтау қабілеттерін жетілдіру;
3. Өлеңнің
негізгі мазмұнын түсіндіре отырып, өлең мазмұнын өз сөздерімен әңгімелеуге
үйрету;
Сабақтың түрі: Жаңа сабақ
Сабақтың әдісі: түсіндірмелі,
талдау-жинақтау, сұрақ-жауап, т.б.
Көрнекілігі: Суреттер,
тірек-сызбалар, дидактикалық материалдар
Сабақтың барысы: 1. Ұйымдастыру
кезеңі: Балаларды сабаққа дайындау;
2. Үй
тапсырмасын тексеру: «Балапан қанат қақты» мәтінінің мазмұнын
сұрап, салып келген суреттерінен сурет көрмесін ұйымдастыру, ең жақсы сурет
салып келген оқушыларды мадақтау;
3. «Қар
жинау» ойыны:
4. Жаңа
сабақ:
Жұмбақтар шешейік:
Қанттай ақ, Мамықтай жұмсақ, Қыста
жер бетін басады, Жазда сайға қашады.
(Қар)
- Қар қашан жауады?
Ол неге жауады? (өйткені табиғат
құбылысы)
Қар қалай жауады?
- Қардың түсі қандай? Ақ түстен басқа түсі
бар ма?
- Сонымен қысқы жауын, жерді ақ көрпеге
орайтын не екен?
олай болса, бүгін біз Зейнолла Шүкіровтың
«Ақша қар» деген өлеңімен танысамыз
4.
Оқулықпен жұмыс: Өлеңді мәнерлеп оқып, әр шумақтарын тоқталып, талдап,
түсіндіру; Сөздік жұмысын жүргізу
- Ақын ақша қарды
неге теңеген?
даланы қалай
жайнатып тұр дейді?
Ауыл үсті қандай
дейді?
- Өлеңді оқығанда
қандай көңіл-күйде боласыңдар?
5. Оқу
түрлері:
а) Өлеңді
оқушыларға іштей оқыту;
ә); мәнерлеп оқыту б) Шумақтап бөліп
оқыту;
Суретпен
жұмыс: (оқулықтың
64-бетінде)
Берілген суретке
зер салайық. Бұл қандай жер? (ауылды жер) Ауылға қандай қар жауыпты?
-
Суретте
тағы нелер бейнеленген? Тау-тас, сай-сала не жамылған? Қандай қыстап қалатын
құсты көріп отырсыңдар? Осы суреттегі қысқы ауыл көрінісі адамға қалай әсер
етеді?
6. Сергіту
сәті:
-
Торғай,
торғай, тоқылдақ, Жерден тары шоқып ап
-
Бүріседі,
дірілдеп, шиқ-шиқ етіп, шиқылдап.
7. Жаңылтпаштар:
(93
бет)
Жаңылтпаштарды оқытып, оқудың бірнеше
түрін пайдалана отырып, жаттату:
-
Жаңылтпаштар
не туралы екен? бірінші жаңылтпашта қардың қандай түрлері болады дейді? (сұр
қар, сүр қар, қырбық қар, құрғақ қар) Қардың түрлері туралы сұрап, білімдерін
толықтыру:
-
Сұр
қар – көктемге қарай кір шалған қар. Сүр қар – әбден тапталып қатты болып
қалған алғашық кездерде жауған қар. Қырбық қар – жұқа жауған қар. Құрғақ қар –
жабыспайтын, сусып түсетін қар.
8. Дәптермен
жұмыс:
а) Қар түрлеріне қарама- қарсы мағыналы
сөздер жазу:
Сүр қар – ақша қар, сұр қар – таза
қар, қырбық қар – қалың қар, құрғақ қар – дымқыл қар.
ә) Өлеңнен ақша қарды теңеген теңеу
сөздерін теріп жазу:
Ақ мамық, ақ қанатты көбелек, ақ
тауықтың жүніндей, ақ жібек, ақ көрпе.
9. Қорытынды:
Өлеңді хормен оқыту:
-
Өлеңнен
не туралы білдік? Қандай қардың түрлерімен таныстық? Ақын ақша қарды неге
теңеген?
-
Мәтінге
сүйеніп өз ауылдарыңа жауған қар туралы айтып беріңдерші
-
Өлең
сендерге қандай әсер қалдырды?
10. Үйге тапсырма: Өлеңді
жаттап келу;
11. Бағалау
Оставьте свой комментарий
Авторизуйтесь, чтобы задавать вопросы.