Ашық сабақ "Аналар мерекесі"

Тіл дамыту

Мектепалды даярлық тобы

11.03.2016жыл

Тексерді:МДОІЖО-------------

Тақырыбы:  «Аналар мерекесі»  

Мақсаты:

1.Анаға деген құрметін, балалық сезімдерін сөз арқылы жеткізе білуін дамыту.

2. Сурет арқылы әңгіме құрастыруға үйрету.

3.Аналар еңбегін қадірлеуге тәрбиелеу.

Көрнекіліктер;аналар туралы суреттер,үнтаспа

  Сабақ барысы

1. Ұйымдастыру кезеңі:

-Балалар, бүгінгі сабағымыз ерекше болмақ, өйткені сабағымызға қонақтар келіп отыр. Бірінші қонақтармен амандасып алайық

Ана десем алғыс алам халқымнан

Ана десем теңіз болам шалқыған

Ана десем ашылады қабағым,

Ана десем әділдікті ұғамын.

Біз ғана емес

Қадір тұтқан бабалар,

Аналардан туған небір даналар.

Ана деген тіршіліктің тірегі.

- Армысыздар,қасиетті аналар!

 Балалар ортаға шығып психологиялық сәтімізді өткізейік.

Психологиялық сәт.

Қайырлы күн!

Әрқашан күн сөнбесін

Аспаннан бұлт төнбесін.

Қасымда болсын анам,

Болайын мен де аман.

2. Ұйымдастырушылық ізденіс.

  Балалар мен сендерге керемет жұмбақ жасырмақшымын. Егер дұрыс шешсеңдер бүгінгі ашық сабағымыздың тақырыбы кім туралі екенін табасыңдар. Дайынсыңдар ма?

Бала, бала, бала деп,

Түнде шошып оянған.

Түн ұйқысын төрт бөліп,

Түнде бесік таянған.         Бұл кім?

Балалар хормен «Ана»

 1.Балалар кім тақтаға шығып «Ана»деген сөзді жазады екен.

 2.Кәне балалар қалғанымыз орнымызда отырып Ана деген сөзді жазайық.

  Балалар «Ана»деген сөзді буынға бөлейікші.         А-на

1.    Неше буын ?  2 буын А-на

2.    Ана деген сөзді неше дауысты дыбыс бар екен.(2)АА

3.    Неше дауыссыз дыбыс бар?  (1) Н

3. Жаңа сабақ

Ендеше балалар бүгінгі тақырыбымыз «Аналар мерекесі»

Мына суретке назар аудармас бұрын мен сендерге сұрақ қояйын.Кім жауап береді екен?

-Ана деген ол кім?

-Ана - ұлы адам, қасиетті жан. Тіпті айта берсең сөз жетпейді. Ана бір қолымен бесікті тербетсе, бір қолымен әлемді тербетеді деген. Расымен, анасыз өмірді, әлемді елестету мүмкін емес. Әрбір жұмыр басты пенде бұл өмірге келгені үшін анасына қарыздар. Сондықтан мына жарық дүниеге әкелген аналарымызды жақсы көріп құрметтеп жүруіміз керек. 

1. Қазір қандай жыл мезгілі?

2. Көктем мезгілінде ең алғашқы болып қандай мерекені атап өтеміз?

3. Бұл күні аналарға нелерді сыйлаймыз?

4.    Балалар сендер аналарыңды не үшін жақсы көресіңдер?

5.    Сендер аналарыңа қалай көмектесесіңдер?

-         Енді балалар сурет бойынша әңгіме құрауға көмектесіп жіберіңдерші.

«Аналар мерекесі»

-Балалар, сендер аналарға арналған тақпақтарды білесіңдер ме?

Балалар ана туралы тақпақтарын оқийді. Тақпақ оқыған әр бала бір гүлден алады.

1-оқушы:Ардақты ана, аяулы ана, қымбаттым,

Тәтті ұйқыңды бөліп талай түн қаттың.

Өміріме нәрін берді, ақ сүтін,

Кең құшағың – аясында гүл бақтың.

2-оқушы :Ана десем алғыс алам халқымнан,

Ана десем теңіз болам шалқыған.

Ана десем ашылады қабағым,

Ана десем әділдікті ұғамын.

4-оқушы:Мейірімі жел жібек

Күндей ыстық құшағы.

Ет жүрегі елжіреп.

Құлыным деп құшады.

5-оқушы:Ықыласы бір менде ,

Бір шытпайды қабағын.

Үйде, түзде жүргенде,

Соған ұқсап бағамын.

Сергіту сәті

Секіреміз топ-топ,

Шапалақтап көп-көп.

Иiлемiз оңға қарай бiр,екi,үш,

Иiлемiз солға қарай бiр,екi,үш.

4. Білімді бекіту

 Өмірде сен үшін алақаны жұмсақ кім?
- Жүрегі жылы кім?
- Құшағы кең кім?

-         Ал балалар, енді «Мен анамды жақсы көрем»атты тақырыпта үйден салып келген аналарыңның суретін тақтаға шығып іліңдер.

 Ойын «Анама гүл сыйлаймын»

-Бүгін сабаққа келіп отырған қонақтарымыз да ана болып табылады. Сондықтан біз өткен мейрамдарымен құттықтап отырып сіздерге гүлдерімізді сыйлаймыз.

5. Қорытындылау

Балалар бүгін біз аяулы да, ардақты аналарымыз туралы әңгімеледік,ән айттық сүреттерімізді де аналарымызға арналды. Сонымен тақырыбымыз қалай аталады екен?

Айтып жіберіңдерші «Аналар мерекесі»

Мадақтау. Бағалау

5. Рефлексия

Күлегештерді көңіл –күйіңе қарай боя боя

Бүгінгі сабақ ұнап көңіл-күйлерің көтеріңкі болса жасыл түске бояймыз. Егер ұнамағанса және көңіл-күйлерің жоқ болса қызыл түске бояймыз.

Қонақтармен қоштасу.