Ашық сабақ «Қайдан келдің бауырсақ»

                             КМҚК «Айгөлек»ясли бақшасы.

                                                                                                 Бекітемін:

                                                                                                 Әдіскер:           Талапкер.А.М.

«Қайдан келдің бауырсақ?»

                                                   Құлсары қаласы.

                                                                                                          Дайындаған: Атаушиева.Г.І.

                                                                                                           «Құлыншақ»   тобы. 04.2015

Білім саласы: Қатынас

Бөлімі: Көркем әдебиет.

Тақырыбы: «Қайдан келдің бауырсақ?»

Мақсаты: Нан тағамының дастарханға үлкен еңбекпен келетінін түсіндіру. Нан тағамы туралы өлең жолдары оқылғанда зейін қойып тыңдап мазмұнын ұғынуға жағдай туғызу. Көзбен көргенін ойда түйіп, ойын жинақтап бір-екі сөзбен сөйлем құрап жеткізе білу іскерлігін дамыту. Нанды қадірлеуге , адам еңбегін бағалау білуге тәрбиелеу.

Көрнекіліктер: Тақырыпты слайд түрінде ашып көрсетіп түсіндіру.Тақырыпқа сай түрлі түсті суреттер.

Әдіс-тәсілі: Слайд арқылы түсіндіру,өлең жолдарын тәрбиеші көмегі арқылы желілі бейнелі рөлге бөліп айтқызу.Ойын түрінде ,сұрақ-жауап арқылы.

Алдынала жүргізілген жұмыс: Ұннан бауырсақ тағамын илеп көрсетіп күнделікті ас мәзіріне қосу.

Қонақтармен амандасу.

Шаттық шеңберде: Армысыз - Аспан ана!

                                  Армысыз – Жер ана!

                                 Армысыз – Жарық күн!

                                   Сәтті болсын,

                                   Бейбіт болсын,

                                   Барлық күн!

Тәрбиеші: (Ой тастау) Балалар ертеңгісін үйде ас ішкенде, жалпы күнделікті өмірде қандай тағам түрін, қандай асты көп пайдаланамыз немесе сорпаға нені қосып жеп тамақтанамыз?

Халқымыз қандай ассыз дастархан берекесі болмайды деп жатады?

Балалар жауабы: Нанды сорпаға қосып жейміз.Нан тәтті.

Тәрбиеші: -Әрине балалар сондықтан «Ас атасы нан»- деп бекерге айтпаса керекті. Міне , біз осы нан тағамы туралы тереңірек біліп,біздің дастарханымызға келгенше қаншама ағаларымыздың ,әкелеріміздің  маңдай терімен үлкен еңбегімен келетінін  түсінетін боламыз.Ендеше, мен өлең жолдарын оқимын,сендер зейін қойып тыңдап отырыңдар.

Тосын жағдай: Топқа қолында бауырсағы бар Айгерім қуыршақ кірді. (абыржулы)

Сәлематсыздарма балалар! Менің атым Айгерім мен ақылды және тәртіпті қуыршақпын. Мен сендерден көмек сұрағалы келдім.Мен мына бауырсақты сондай жақсы көріп сүйіп жеймін, ал бірақ оның жасалу жолын , қандай еңбекпен келетінін білмеймін.Соған қатты ашуланамын және қатты ұяламын.Ал,сіздер маған көмектесіп айтып бересіздерме, бауырсақты кім жасайды, қалай жасайды?

Тәрбиеші: Сәлематсызба Айгерім қуыршақ! Сен біздің топқа жақсы келдің, біз бүгін сенің білгің  келген «Ас атасы нан» туралы мағұлмат алып, үйренгелі жатырмыз ендеше,кел,сенде  тыңда.

Айгерім қуыршақ: Алақай.Жақсы болды (отырады)

Тәрбиеші: «Қайдан келдің бауырсақ?» (оқу)

 Дастарханда шашылып,

Жатты аппақ бауырсақ.

Бауырсаққа қызығып,

Қарап тұрдым көзім сап.

Қайдан келдің бауырсақ?

-деп сұрады қуыршақ.

Дүкеннен келдім нан сатқан.

Дүкенге келдің қай жақтан?

Наубайдан келдім нан жапқан

Наубайға келдің қай жақтан?

Дирменнен келдім ұн тартқан,

Дирменге келдім кең жатқан.

 Жер-анам менің көсілген,

Дихандар мені өсірген.

Өлеңде  не туралы айтылды?

Балалар жауабы: Бауырсақ туралы.

Тәрбиеші: Дұрыс айтасыздар. Түсініктірек болу үшін

Балалар,енді назарларыңызды алдарыңыздағы интерактивті тақтаға аударайық.

Бидайдың өсу жолдарын, нанның дастарханға келу жолдарын слайд арқылы түсіндіріп көрсету, әңгімелеу.

Балалар , Айгерім қуыршақ әліде түсінбей отырған секілді,бауырсақтың қандай жолмен дастарханға келгенін біздің зерек балаларымыз менің көмегімммен желілі бейнелерге сомдап айтып берсінші.

Балалар:Үш бала бейнелерге тәрбиеші көмегімен сомдап айтады.

Айгерім қуыршақ (қуанып)Мен түсіндім енді өзім әзірлей аламын.Рахмет сіздерге балалар!

Балалар сендер мен пісірген бауырсақты жеуге маған қонаққа келіңдер.Қоштасып шығып кетеді.

Сергіту сәті:

Жайқалады ақ бидай,

Басын иіп аққудай.

Трактормен комбайн,

Жүргізуге мен дайын.

Балалар тақырыбымызды қаншалықты ұғына алдыңдар екен,оны дидактикалық ойын ойнау арқылы пысықтап көрейік.

Д/О: «Артығын тап»

Әр балаға  үш  түрлі көрсетілімдегі бейнелер салынған қағаз карточкалар таратылып берілді,оның ішінде бір бейне ұн тағамына сәйкес келмейді,яғни ұн тамағына жатпайды,бала сол тағам түрін зейіні жеткенше тауып,артық тағамды жауып белгілеуге нұсқау берілді.Бала берілген нұсқау бойынша тапсырманы орындайды.Тәрбиеші тапсырма нәтижесін бақылайды , мадақтайды.

Балалар сіздердің зеректіктеріңізді байқау үшін сұрақ қоя отырып оқу іс әрекетімізді қорытындылайық.

Сұрақ –жауап: Балалар жерді трактормен жыртып не себеміз?

Балалар жауабы: Бидай дәнін.

Жаз бойы оны қалай күтіп,баптайды?

Балалар жауабы: Суарады,су құяды.

Өскен өнімді,бидайды немен жинайды?

Балалар жауабы: комбайнмен ,камазбен.

Дұрыс айтасыздар балалар,бидайды дирменге тартып одан ұн жасайды.

Ал  ұннан не жасайды?

Балалар жауабы: нан,бауырсақ,торт,печенье,тәтті бөлке ,тоқаш.

Жарайсыздар балалар сіздер нан туралы көп мағұлматты ойларыңызға тоқыпсыздар.Рахмет сіздерге.Міне балалар, сіздер нанның үлкен еңбекпен келетінін түсіндіңіздер.Демек нанды қадырлеуіміз керек, жерде жатса баспай жоғары көтері қою керек,қоқымын шашпай жеу керек,нанмен ойнауға болмайды.Нан аса қадірлі тағам.

Біз оқу іс-әрекетімізді халық мақалы «нан болса,әнде болады»,«еңбекпен келген нан

 тәтті » деген әдемі сөзбен аяқтайық. Мақалды балалар ұжыммен қайталады.