Білім беру саласы:
Қатынас.
Бөлімі:
Сауат ашу және жазу негіздері
Тақырыбы:
Г дыбысы мен әрпі
Мақсаты: Дыбыстар
туралы балалардың ұғымдарын кеңейту
Міндеттері:
- балаларға Г дыбысы мен әрпін таныстыру;
- сөздік қорын молайту, ойын ойнау барысында
игерген білімдерін дамыту;
- жазуға қолын жаттықтыру, ептілікке,
ұқыптылыққа тәрбиелеу;
Әдіс-тәсілдері: түсіндіру,
көрнекілік, жұмбақ, ойын, сұрақ-жауап.
Қолданылатын көрнекті құрал:
суреттер, текшелер, жұмыс дәптері.
Билингвальды компонент:
гүлдер-цветы, .
Сабақ
барысы
Шаттық шеңбері
1. Армысың алтын күн!
2. Армысың көк аспан
3. Армысың туған жер
4. Армысың дос құрбым.
- Балалар, қазір жылдың қай мезгілі?
- Көктемде қандай өзгерістер болады?
- Енді мына бір өлеңге құлақ түріңдерші.
«Гүлдер, гүлдер көп гүлдер, Қызыл гүлдер,
көк гүлдер» деген өлең жолдарында не туралы айтылған?
-Гүлдер.
- Гүл сөзінің басында қандай дыбыс естіп
отырмыз?
- «Г».
- Өте жақсы. Енді Г дыбысыдауысты ма
дауыссызба?
Дәптермен жұмыс.
Гитара, егін, кереге сөздеріне дыбыстық
талдау жасатып, г дыбысының орның ажыратқызады.
Жазу жұмысы. Г
әрпін ауада және тақтада жазып көрсетеді.
Дәптерге үлгі бойынша г дыбысының кіші
және бас әрпін бастырып жазады. Сергіту сәті.
Сөзжұмбақты шешкізеді. Ай+нұр, Гүл+сім,
Ай+гүл.
«Кім зейінді?» дидактикалық ойыны. Шарты:
педагог фланеленграф тақтасына г дыбысы бар суреттерді іліп, «Қай суретте аталған
г дыбысы кездеседі?» - деп сұрайды. Балаларда г дыбысы қай сөзде бар екенің
анықтайды. Г дыбысын кім бұрын атаса, сол жеңімпаз аталады.
Топтық жұмыс.
Гүл, гитара сөздеріне г дыбысы сөздің қай жерінде кездесіп тұрганынанықтату.
Сөздік жұмысын жүргізу.
Г дыбысы кездесетін сөздерге мысалдар
келтіру және дыбыстық талдау жасау. Мысалы: Гүл, галстук, гитара, т.б.
«Адасқан әріптер» дидактикалық ойыны.
Шарты: орындары ауысқан әріптерді түзету. Мысалы: лүг-гүл, ешег-шеге, т.б.
Қорытындылау.
Жұмбақ
жасыру
Жұпар исі еседі
Жайнап бақта өседі
Қайсы әріптен басталған,
Аты не, кім шешеді? (Гүл, г әрпі)
- Сонымен бүгін біз қандай дыбыспен
таныстық?
- Г дыбысы қандай дыбыс?
- Қандай текшемен белгіледік?
- Яғни г дыбысы қандай дыбыс екен?
Оставьте свой комментарий
Авторизуйтесь, чтобы задавать вопросы.