Ашық сабақ. Г, Ө, З әріптерін қайталау

Сабақтың тақырыбы: Қайталау. (Г, Ө, З әріптерін қайталау)

      Сабақтың мақсаты: 1.  Бұрынғы сабақтан алған мәліметтерді тереңдету.  2.Ұқыптылыққа тәрбиелеу. 3.Білімдегі олқылықты жою, жетілдіру.

Сабақтың көрнекілігі:  Бауырсақ ертегісінің желісімен алынған суреттер, ақ қағаз, стикер, кеспе әріп,  кеспе буын, дыбыстық схемалар, тапсырмалар карточкасы,  суреттер.

Оқыту әдісі: сын тұрғысынан ойлау стратегиялары

Тәсілдер: ауызша талдау- жинақтау, өзіндік, топтық жұмыс   

Сабақтың мазмұны:

І. Ұйымдастыру:  

Психологиялық жағымды ахуал туғызу. Әр бала өз атын айтып, өзін 3 сын есім арқылы сипаттайды.  Оқулық, қалам, дәптерлеріміз түгел ме?

ІІ. Мақсат қою: Ендеше,  сабаққа дайындықтарыңды тексеру үшін мен сендерге жұмбақ жасырғым келіп тұр.

Егіз десе екінші,

Сегіз десе үшінші

Бұл қай әріп екенін

Өзің қарап түсінші!                (Г)

Қаздан көре аласың

Қағаздан да табасың

Байқамасаң анықтап

«Үш» екен деп қаласың                  (З)

Өрікте сөздің басында

Бөрікте «б-ның» қасында

Бұл қай әріп көріңдер

Енді айтып беріңдер              (Ө)

Ендеше Г, З, Ө дыбыстары мен әріптері туралы еске түсірейік. Диск, видео көрсету. 

ІІІ. Өткен сабақта алған білім дағдысын тексеру.

Балалар бұл не екенін білесіңдер ме? Бауырсақ. Бауырсақ жегілерің келе ме? Ендеше бауырсақ ертегісін еске түсірейік. Соңында не болушы еді. Ендеше бүгінгі сабағымызда ертегінің соңын өзгертуге тырысайық. Өйткені түлкінің жеп қоятыны өкінішті. Бауырсақты құтқару үшін аңдардың берген тапсырмаларын орындауымыз керек. Бауырсақты құтқаруға дайынбыз ба?

Бауырсақ келе жатса алдынан аю шығыпты. Аюдың тапсырмасы мынандай екен:

1.«Адасқан әріптер стратегиясы»  берілген әріптерді орнына қойып, сөз құра. 1 – топ  «Өрмекші»  2-топ  «Қазақстан»  3 - топ  «Дәрігер »  Осы сөзден тағы қандай сөздер шығады?

Бауырсақ қашып келе жатса алдынан қоян шығыпты.

2. «Дыбыстар сөйлейді» стратегиясы.

Берілген сөздегі дыбыстардан басталатын  сөздер жазу.

Сергіту жаттығуы:

Секіреміз топ-топ,

Шапалақтап көп-көп.

Қолды көтер аспанға

Саусақты соз, жасқанба.

Бауырсақ қашып келе жатса алдынан қасқыр  шығапты.

3. «Жоғалған дыбыстар» стратегиясы. Берілген сөздерден түсіп қалған әріптерді орнына қою.  Дыбыстық талдау жасату.

 Бауырсақ қашып келе жатса алдынан түлкі  шығыпты.

4. «Ыстық орындық» стратегиясы.

1 оқушы ортаға келіп орындыққа отырсын. Мен оған тапсырмалар айтамын дейді. 3 топтан 3 оқушы шығарып мәтін оқыту.

Жарайсыңдар балалар сендер түлкіден де құтқарып алдыңдар. Ал, ендеше бауырсақ сендердікі. Өйткені сендер оны еңбектеніп, құтқардыңдар.

ІҮ. Бекіту кезеңі:Дыбыс.  Буын  дегеніміз не? Сөз.  Сөйлем. Сөздегі буын саны қай дыбысқа байланысты?

ҮІ. Сабақты қорытындылау: Біз өткен сабақтан алған білімімізді тиянақтадық.