Ашық сабақ Ии дыбысы мен әрпі

Сабақтың тақырыбы: И дыбысы және әрпі.

Сабақтың. мақсаты: 1. И дыбысы мен әрпін таныстыру. И дыбысы бар сөздерге дыбыстық талдау жасау. 2. Балаларға и дыбысы бар сөз, сөйлем ойлап табуына назар аудара отырып сөздік қорларын байыту. 3. Балаларды таза, ұқыпты жүруге тәрбиелеу.

Әдіс-тәсілдері: Сұрақ-жауап, сөздік, үйрету, тіл жаттықтыру.

Көрнекіліктер: Суреттер, кеспе әріптер, текшелер.

Сабақтың барысы:

Ұйымдастыру кезеңі: суреттер көрсету арқылы ой-тұжырым жасау арқылы басталады.

Ойын: «Алма ағашы»

Ойын шарты: Алмаларда жазылған дыбыстарды атап, сөз ойлап табу.

— Суретте не көріп тұрмыз?

— Ит, ине, инелік,кит.

— Иә, осы ит,ине,инелік, кит сөздерінде қай дыбыс көп қайталанады?

— И дыбысы дауысты дыбыс, қызыл текшемен белгілейміз. И дыбысы сөздің басында, ортасында, соңында кездеседі.

Тәрбиеші "И" дыбысы мен "й" дыбысының айырмашылығын айтып түсіндіреді.

Ойын "Кім зейінді?"

Тәрбиеші өлеңді оқып шығады. Балалар зейін қойып тыңдап отырады. Өлең аяқталған соң и дыбысы кездескен сөзді балалар кезекпен айтады.

Ұшып кетті инелік,

Бізден қорқып именіп,

Тікұшаққа ұқсайтын,

Инелікке тимелік,

Балаларға қол шапалақтау арқылы дыбыстату.

И-не-лік, ти-ме-лік.

Буынға бөлінбейтін "и" дыбысы бар сөздер:

Ит, кит, ши, би, қи,бит.

Сөйлем құрату.

Тақырыбы "Шие".

Мысалы: Болат пен Ислам бақшаға шие екті. Оны суарды, баптады. Шие жақсы өсті.

Шие сөзіне дыбыстық талдау жасату.

Сергіту сәті: Қанат жаям жалма-жан,

Талпынғандай ұшуға.

Иіліп келіп қол созам,

Аяғымның ұшына.

Ойын: Сөйлемді жалғастыр.

Ойын мақсаты: Балалардың сөздік қорын молайту, ойлау қабілеттерін дамыту. Асан ойнап жүріп, көптеген ........ ұстап алды.

Анам базардан ........ сатып әкелді.

Менің ........ үй күзетеді.

Қорытынды: Жұмбақ

Адамға серік,

Күзетке берік. ( Ит )

Бұтадан – бұтаға секірген

Кішкентай ғана шапшаң аң. ( Тиін )

- Балалар, бүгін біз қай дыбыспен таныстық?

— И дыбысын қандай текшемен белгілейміз?

Тәрбиеші:

Исатайдай батыр болам,

Иса атамдай ақын болам.

Игі істе батыл болам,

Игілікке жақын болам.

Осы өлең жолдар арқылы сабақты корытындылау.

Тәжен мектеп – балабақша кешені

Ашық сабақ

Тақырыбы: И и дыбысы мен әрпі.

Мектепалды даярлық тобының тәрбиешісі:С.Кадамова

2015 оқу жылы