Ашық сабақ "Көңіл күйімізді басқара білейік" .2 сынып

Өзін- өзі тану сабағының жоспары

                                                    № 4 сабақ

Тақырып:  Көңіл күйімізді басқара білейік

Құндылық: Сүйіспеншілік

Қасиеттер: Жауапкершілік,  сезім,  сүйіспеншілік , құрмет

Сабақтың мақсаты:   «Махаббат», « бақыт» адамгершілік құндылықтары туралы түсініктерін кеңейту. Міндеттері:  - жағымды қарым қатынастар туралы түсінік беру.  - өзін өзі ұстай білу іскерліктерін дамыту;  - ұстамдылыққа, сабырлыққа, ризашылыққа тәрбиелеу.	Ресурстар: ( белсенді тақта, кітап, дәптер, ғаламтор желісінен жаңа ақпараттар, сюжетті суреттер)
Сабақ барысы: Ұйымдастыру кезеңі: Тыныштық сәті. Жайлы,баяу музыка қойылады. Нұрға бөлену Ыңғайланып отырыңыздар, денелеріңізді түзу ұстаңыздар. Аяқ – қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады.Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек – қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі.Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды. Одан әрі нұр сіздің ауызыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздеріміздерге де жетті, көзіміз тек жақсыға қарап, бәрінен жақсылықты  ғана көреді.Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте – бірте қарқынмен шұғылана бастайды, сіздің денеңізден шығып, жан – жағыңызға сәуле шашады. Осы нұрды туысқандарыңызға,мұғалімдеріңізге,достарыңыға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардыңда жүрегі нұрға толсын. Осы нұр бүкіл әлемге: барлық адамдарға, жан – жануарларға,өсімдіктерге, барлық тірі жанға таралсын.....Ғаламның барлық түкпір – түкпіріне нұр бағыттаңыз.Ойша айтыңыз: «Мен нұрлымын.... Нұр менің ішімде....Мен Нұрмын». Осындай Нұр, Махаббат және Тыныштық отыра тұрыңыз.... Енді осы нұрды жүрегіңізге орналастырыңыз.Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. 1.Үй тапсырмасын тексеру.     Б. Ысқақовтың « Қуаныш» атты өлеңімен танысу.
2.Дәйексөз     Өмір деген жарыста,      Шаттанғын, дос, қалыспа! Ш. Смаханұлы
3.Әңгімелеу    Тиін мен қасқыр  Тиін бұтақтан бұтаққа секіріп жүріп, ұйықтап жатқан қасқырдың үстіне құлап түседі. Қасқыр ұшып тұрып, оны жемекші болады. -         Қоя бер мені! –деп, тиін жалына бастайды. -          Жақсы қоя берейін , бірақ осы тиін біткен неге сонша көңілді боласыңдар, соның себебін айтшы маған. Мен үнемі жабығып жүремін, ал сендер төбемізде асыр салып ойнайсыңдар да жүресіңдер.    Қасқыр тиінді қоя береді. Ол ағаштың басына шығып алып:    -Сен өзің зұлымсың, содан ылғи жабығасың да жүресің... Оқылған әңгімеге сұрақ- жауап: 1. Тиін неліктен үнемі көңілді жүреді? 2. Ренжіген немесе қуанған кездеріңде өздеріңді қалай ұстайсыңдар?        3.Адамдардың көңіл күйі сендерге қалай әсер етеді?
4.Шығармашылық жұмыс, топтық жұмыс.    « Мен әртіспін» атты тақырыпта сахналық көрініс көрсету.
5.Топпен ән айту    Көңілді балалар әні Е. Өтетілеуұлы Жабырқауды былмейміз, Жалқаулықты сүймейміз. Біз талапты жас ұлан, Үлгі аламыз жақсыдан. Жазда гүлдер тереміз, Қыста шаңғы тебеміз. Думандатып өңірді, Демаламыз көңілді.
6.Үй тапсырмасы    Жұмыс дәптеріндегі,  3сабақтың 2- тапсырмасын орындау.
7.Соңғы тыныштық сәті. Баяу әуен орындалып тұрады. Бүгінгі сабақтан алған әсерлеріңізді жүрегімізге саламыз.Бәріңізге үлкен рахмет!!!