Ашық сабақ математикадан тақырыб "Теңге" даярлық тобы

Сабақтың тақырыбы: Теңге.

Сабақтың мақсаты: Ұлттық ақшамыз теңге туралы түсінік беру.Ақша түрлері (қағаз, темір, ірі, ұсақ) туралы ұғымдарын тереңдету. "Теңге" ұғымын қалыптастыру. Теңгедегі бабалар өмірінен мағлұмат беру.

                                  Сабақтың барысы:

I. Ұйымдастыру кезеңі. Оқушылардың назарын өзіне аудару.

II. Жаңа сабақ мазмұны. Теңге - ұлттық ақшаның атауы. Оның түрлері: ұсақ теңгелер темір күйінде болатыны, 1,2,3,5,10 және т.б. болып ірілене беретіндігі, олардың ірі болған сайын құны артатындығы, ұсақталған сайын құны кемитіндігі туралы мағлұмат беріледі.

Ірі теңгелердегі ұлы адамдар бейнесі Абылай, Әл-Фараби туралы қысқаша мағлұмат беру.

Абылай қазақтың ханы, ақылды, батыр болған. Ол үш жүздің басын біріктірген. Шын аты - Әбілмансур. Ол Түркістанда құл Қожахмет Иассауи мавзолейінде жерленген.

Әбу Насыр Әл-Фараби Отырар қаласында дүниеге келген. Жастайынан оқу-білім, ғылым іздеген ақылды да зерен еді. Ол ғылым іздеп Мысыр, Шам елдеріне кетеді, ақыры өз мақсатына жетеді. Ол дүниедегі екінші данышпан, ғұлама ғалым, ғылымның бірнеше саласын қатар меңгерген. Әл-Фараби Сирияның Дамаск қаласында жерленген.

Әр ұлттың өз ақшасы бар. Мысалы, көрші елдерде: қырғызда - сом, өзбекте - сум, орыста - рубль, немісте - марка, қытайда - юань, америкада - доллар т.б

Олардың құны әрқалай, бірі-бірінен жоғары-төмен болып келеді. Содан соң, оқулықтағы көрсетілген теңге түрлерімен 1,3,5,10 теңгеліктермен балаларды таныстыруға болады. Олардың ара қатынасы: 3 теңге үш бір теңгеліктен, 5 теңге бес бір теңгеліктен, 10 теңге он бір теңгеліктен тұратындығы, т.о.с туралы мағлұмат беріледі.

3,5,10 теңгеліктердің құрамын анықтату.

3=1+1+1;

5=3+1+1;

10=5+5;

10=5+3+1+1;

10=3+3+3+1.

Балалардың күнделікті қолданатын құралдарының бағасымен таныс­тыру. Теңгелерге амалдар қолдану (қосу, азайту) арқылы есептеу дағ-дыларын жетілдіру жұмыстары жүргізу.

Сергіту сәті:

Оқулықтағы суреттер мен белгілерге қарап есеп құрастыру, оны шығару. мысалы, бір стакан шай 5 теңге, бір күлше де 5 теңге тұрса, барлығы қанша тұратынын табу тапсырылады. Ол үшін, 5+5=10 (тг) барлығы 10 теңге тұрады деген жауап алынады. Сол сияқты бір күлше 5 теңге екені белгілі болып, сол күлше мен 1 стакан шай 10 теңге турса, шай қанша турады?

Ол үшін 10-5=5 (тг), шай 5 теңге тұрады.

Қорытынды: «Дүкен» ойынын ойнау. бір қарандаш 5 теңге, бір қалам да 5 теңге тұрса, барлығы қанша тұратынын табу. Ол үшін, 5+5=10 (тг) барлығы 10 теңге тұрады деген жауап. Сол сияқты бір қалам 5 теңге екені белгілі болып, сол қалам мен 1 қарандаш 10 теңге турса, қарандаш қанша турады?

Ол үшін 10-5=5 (тг), қарандаш 5 теңге тұрады.

Сабақта теңге ұғымымен, теңге түрлерімен, олардың арақатынасы­мен таныстыру, теңгелердің қолданыс орнын біліп бағалау, үнемдік тәрбие беру көзделеді