Дәптермен жұмыс
Дәптерімізді ашайық
Қолға қалам алайық
Салалықтан қашайық
Әдемі етіп жазайық
Көркем жазу минутасы
Қ қалам
Балалар әріпке анықтама береді.
Сөз тіркестері құрастырады, дәптерге жазылады.
Деңгейлік тапсырмалар. Әр оқушыға өз деңгейі бойынша тапсырма беру.
І. Тапсырмада мынандай сөздердің ауыстырылып қате сөйлемдер жазылған. Сендер дұрыс сөйлем құрастырып айтуларың керек.
1. келдім, мектепке, мен, сегізде, сағат.
2. болады, алты, бізде, сабақ, бүгін.
3. бар, сенде, кестесі, сабақ, ма?
ІІ. Жоқ әріптерді жаз.
Ж...қсы, ...найды, к...сте, д...птер, қ...лам, ...шіргіш, с...нып, м...ктеп, қ...бат, ...демі.
ІІІ. Буынға бөл, буын санын анықта.
Қоңырау, үзіліс, кезекші, асхана, кітапхана, ереже, тәртіп.
4. Топтық жұмыс.
1- топ. Мектеп тақырыбы бойынша оқушылар өзара диалог дайындайды.
2- топ. «Мозаика» оқыта үйрету ойынын ұйымдастыру.
сөйлемдерді жеке – жеке параққа жазып, олардың әрқайсысын жеке хатқалта салады. Хатқалтаны сөйлемнің әр сөзі жекелеп қиылған. Тапсырма: оқушы берілген сөздерді ретімен орналастырып, сөйлемдерді қалпына келтіреді. Осылайша барлық сөйлем дұрыс құрастырылып, тақтаға жазылады. Ендігі кезекте оқушылар сол сөйлемдерді мағынасына қарай нөмірлеп, мәтін құрастырады.
Құрастырылған мәтінді толық оқытып, мазмұнын айтқызу.
Айша мектепке келді. Қоңырау соғылды. Мұғалім сыныпқа кірді. Сабақ басталды. Бірінші сабақ – қазақ тілі болды. Оқушылар жаттығуды оқыды. Айша өлең оқыды.
3-топ. Мәтінмен жұмыс жасайды. Аударады және 3 сұрақ құрастырады.
Менің мектебім!
Менің атым Ерали. Мен төртінші сыныпта оқимын. Біздің мектебімізге жиырма жыл.Жуырда біздің мектептің туған күні. Біздің мектеп үш қабатты, іші үлкен, жарық. Менің сыныбым екінші қабатта, іші кең,жылы және жарық. Менің мұғалімім өте жақсы адам. Маған мектебім ұнайды.
4-топ. Сұрақтарға жауап береді:
1. Қазақ тілі сабағы аптасына неше рет болады?
2. Сендерге қазақ тілі қиын ба?
3. Қазір қазақша қалай сөйлейсіңдер?
4. Қазақша сұрақ қоя аласыңдар ма?
5. Қазақ тілі сабағы қалай өтеді?
6. Сабақта қандай тақырыптар өтесіңдер?
7. Сабақта қандай талдаулар жасайсыңдар?
8. Бүгін сабаққа кім кешігіп келді?
9. Қателеріңді кім түзетіп береді?
Сергіту кезеңі.
«Мектебің мынау класың,
Осында он жыл тұрасың,
Тарыдай боп кіресің,
Таудай боп шығасың».
Кластер құру.
Мектеп
1 оқушы тақтада жұмыс істейді, қалғандары дәптерге жазып отырады.
үш қабатты, спорт зал, акт зал, асхана, кітапхана, аула.
ІХ. Үйге тапсырма:
Күнделікті енді ашайық
Үй тапсырмасын жазайық
Сабақтан алған білімді
Ұмытпай есте сақтайық
Білім, оқу туралы мақал-мәтел жазып келу.
Х. Бағалау. Мұғалім өз ойын айтып, қорытынды баға қояды.
Көңіл-күй рефлексиясы
Сабақ соңында өзінің көңіл-күйі көрсетеді.
Көңіл күйі тамаша! Көңіл күйі нашар.
Енді бүгінгі сабағымызды
мына өлең жолдарымен қорытындылайық.
Біздің мектеп көркейіп,
Жылдан-жылға жаңарды,
Сыныптары үлкейіп,
Күн нұрындай ағарды.
Көргенде біз қуандық
Сырлы парта, тақтаны,
Мұндай мектеп көрікті,
Әр баланың мақтаны!
Қосымша тапсырмалар:
а)Сөмкелеріңдегі оқу құралдарының аттарын ата, жаз.
Дәптер, қалам, қарындаш, сызғыштар, оқулық, қаламсауыт, күнделік.
Оставьте свой комментарий
Авторизуйтесь, чтобы задавать вопросы.