Ашық сабақ "Қош бол Әліппе"

ҚОШ БОЛ, ҚҰТТЫ ӘЛІППЕ!

Мақсаты:
Білімділік: Оқушылардың сауат ашу барысындағы алған білімдерін тиянақтау. Әр оқушының іс-әрекеті арқылы икемділігін, шығармашылық мүмкіндігін ашу. Өнерлерін тамашалау. Әліппе оқулығының қадір-қасиетін ұғындыру.
Дамытушылық: оқушылардың іскерлік-дағдыларын дамыту, сөйлеу мәдениетін дамыту, ой-саналарының өскендігін көрсету.
Тәрбиелік: Отанын, мектебін, ұстаздарын, ата-аналарын құрметтеуге тәрбиелеу.

Көрнекілігі: сөздер жазылған шарлар, слайд, суреттер мен плакаттар, көрініске қажет заттар.
Мұғалім: Салеметсіздер ме құрметті қонақтар! Кеше ғана қыркүйек айы еді. Сіздер балаларыңызды біздің мектепке көңілдеріңізге үмітпен, сеніммен әкелдіңіздер. Ал біздер құшақ жая қарсы алдық. Арада өткен уақыт бойы біздер көп еңбектендік те, арасында біраз қиналдық та, жетістіктерімізге қуандық. Ал енді бүгін «Әліппемен қоштасу» мерекесі. Соңғы жылдары елімізде білім саласында көптеген жаңалықтар мен өзгерістер, жаңа бағдарламалар еніп жатыр. Бірақ сонда да Әліппе оқулығы сауатымызды ашқан ең алғашқа алтын кітабымыз болып қала береді. Біз Әліппемен қоштасамыз. Бірақ әлі алда әлі көп қызықтар, білім қоры, шығармашылық күтіп тұр.  Сонымен, мерекемізді бастайық.
Өсті міне ойларың,
Өсті, міне бойларың
Қуанышқа ортақпыз
Құтты болсын тойларың! 
1- жүргізуші:  Көз салып қараңызшы бойымызға,
Ортақ боп бүгін өскен ойымызға,
Хош келіпсіз ұзтаздар ата-аналар
Әліппемен қоштасу тойымызға!
     Баршаңызға салем бердік, қымбатты оқушылар мен құрметті ата-аналар, ұстаздар! Бүгінгі мерекеге бізді жинап отырған қандай кітап? (әліппе) 
2- жүргізуші:
Қыр гүлігдей жайнаймыз,
Ән сап билеп ойнаймыз,
Бүгін бізде мереке,
Қоштасуды тойлаймыз!
Біз бүгін өте қуаныштымыз! Себебі оқуды, жазуды үйреткен, алғашқы оқулығымыз – әліппемен қоштасамыз! Құрметті қонақтар ортаға 1 сыныбын шақырайық!

Баян
Баршаңызға иіліп сәлем берем
Мен қызымын Бағланның Баян деген,
Оқуды да, жазуды да тез меңгердім,
42 әріпі жатқа білем!
Аружан
Отбасының еркелеткен
Жарқыраған жұлдызымын,
Сабақты жақсы оқитын
Аружан деген бір қызымын.

Иманғали:
Жақсы әдепті, жақсы істі,
Бойыма әркез теремін
Қиын-ау деп қайыспайтын
Ер мінезді Иманғалимын.
Арай
Ай нұрынан жаралған
Ай мен күні анамның
Ақылдысы баланың
Кілең бестік сабағы
Арай деген сұлуың
Мен боламын ағайын.

Хормен:

Бойымызды қуаныш кернеп,

Баршаңызды, баршаңызды,

Бірінші сынып бірінші рет,

Мерекесіне шақырады!

Ән: Әліппе. 

1-Жүргізуші:

Бар білімнің бастауы,

Бар ғылымның бастауы.

Жас балаға нұр шашқан

Қандай кітап тіл ашқан?

Бәрі: Әліппе.

2- жүргізуші:

Біз оқи аламыз, жаза аламыз. Оны біз қайдай үйрендік?

Бәрі: Әліппеден үйрендік.

1-жүргізуші: Сонымен қатар өлеңдер, жұмбақтар, жаңылтпаш, мақал-мәтелдерді оқуды, әуелі жаттауды үйрендік. Осының барлығын бізге үйреткен сүйікті Әліппемізді ортаға шақырайық.

Слайд: Әліппе сөйлейді.

2- жүргізуші: Ал, балалар, Әліппеге арнаған өлеңдерімізді айтып берейік.

Дильназ:

Бар кітапқа бас болған

Әліппе ғылым анасы

Әліппеден басталған

Даналықтың данасы.

Рақымжан:

Қош бол құтты әліппем

Көп нәрсеге үйреттің

Тақылдатып сөйлеттің

Гүлжайна:

Келгенде алғаш мектепке

Білмеуші едік әріп те

Оқимыз қазір ертек те

Үйреткен оны әліппе

Мерей:

Партаға тұңғыш отырдым

Қалам алып қолыма

Сызықтарға толтырдым

Қалдырмай дәптер жолын да!

Жансұлтан:

Әліппе деген алтын жол

Апарар сені алысқа

Жеңіл емес аур жол

Тырысып бақ намысқа

Қымбат:

Әліппем, менің әліппем

Сені өолға алып мен

Есігін аштым мектептің

Ертеңгі сәуле жарықпен!

Бексұлтан:

Әріптерді жаттаймыз

Есте мықты сақтаймыз

Ұмытпаймыз бәрін де

Атын, затын түрін де

Бәріміз сүйіп өткен

Балаларға үйреткен

әліппе мен ұстазға

бас иеміз құрметпен!

Хормен:

Әліппем, менің Әіппем,

Өмірді келем танып мен.

Қайталап айтам мың рет,

Өзіңе көп-көп рахмет!

Ән: «Ардақты ұстазым»

Орындайтын: Нұрила

Көрініс: «Бауырсақ» ертегісі.

Қоянның тапсырмасы:

Көлден ұшты 7 қаз

Қайтып қонды 2 қаз

Қомбады оның нешеуі

Кәне, кім тез шешеді?

Қасқырдың тапсырмасы:

Маған санамақ айтып беріңдерші.

Аюдың тапсырмасы:

Тілі жоқ өзінде

Сөзі бар ізінде (қаламсап)

Жаза- жаза жалықпаған,

Жаза-жаза арықтаған. ( бор)

Түлкінің тапсырмасы:

Бірін – бірі қоштаған

Бір үйден көрдім

42 дос-жаран. (42 әріп)

Мақал айтып беріңдер маған.

(Балалар тапсырмаларды орындау арқылы бауырсақты аман алып қалады)

Ойын: Әр бала тақтаға ілінген кеспе суретті алып, анасына сұрақ қояды.

1-    жүргізуші:

Тал шыбықтай бойына

әдемі көйлек жарасар

шақырайық ортаға

Біздің биші қыздарды!

Би:  Қазақ биі «Қыздар» тобы.

1-    жүргізуші:

Ел басқарған ағам бар

Жасыл жайлау далам бар

Ел бірлігін, ел тірлігін тілеген,

Әкем мен анам бар

Сондықтан да елімде

Біз бақытты балалар!

Бүгінде біз кез келген ертегіні оқи аламыз. Анамыздың, апамыздың, әкеміздің, ағамыздың маған мынаны оқып берші деп есін шығармаймыз.

Ән:  «Ақ дидарлы анашым»

Орындайтын: Асылбек

Хормен:

Барлық әріп бағалы,

Айттық әділ бағаны.

Әріпсіз сөз болмайды,

Буын онсыз толмайды.

Адам барлық әріпті

Ардақтайды, қолдайды!

Көрініс: «Кім неден күшті?» ертегісі. 

Ортаға дорбасын арқалаған  түлкі келеді:- Сәлеметсіңдер ме, балалар! Бүгін сендердің әліппемен қоштасу тойы екендігін естіп сендерге қонаққа келдім.  Сендерге қызықты тапсырмалар алып келдім.(Слайдпен жұмыс, түлкінің тапсырмаларын орындау)

1-    жүргізуші:

Анамыздың мейірімі

Жүзіне біз қараймыз

Анамызды пейілді

Жомарт жанға балаймыз

2-    жүргізуші:

Бізге қарап елжіреп

Сүйсе беттен күнім деп

Құшақ ашса келші деп

Жүгіреміз кұлімдеп

Ән: «Ақсисса»

Орындайтын: Дильназ

2- жүргізуші:

Ең алғаш қолға алғанда әліппені

Қызығып қарай бердім әріптерді

Мен үшін сыры жұмбақ бұл кітаптың

Ұстазым маған кілтін ашып берді

Әліппе: Мен енді сіздерді жаңа достарыңмен таныстырайын. Ана тілін оқитын боласыңдар енді. Қош сау болыңдар балалар!

Бәрі: Қош келдің, Ана тілі!

Слайд: Ана тілі сөйлейді.

1 – оқушы: Нұрила

Ана тілің, біліп қой,

Еркіндігің, теңдігің.

Ана тілің, біліп қой,

Мақтанышың, елдігің.

2– оқушы: Аружан

Ана тілім – елдігің,

Ана тілім- ерлігім.

Ана тілім болмаса,

Бүтінделмес кемдігім.

3– оқушы: Бексұлтан

Ана тілің – арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте.

Мұғалім:  Құрметті ата-аналар, қонақтар, ұстаздар, осымен ертеңгілігіміз аяқталды. Зейін қойып тамашалағандарыңызға көп рахмет!

Құттықтау сөз беріледі.