Ашық сабақ: "Саз өнері"

Қанапьянова Бақытгүл Мұқашқызы

Талдықорған қаласы

№ 16 мектеп-гимназиясының

қазақ тілі пәнінің мұғалімі

8-сыныпқа арналған сабақ жоспары

Сабақтың тақырыбы: Саз өнері

                                                         

Сабақтың мақсаты: 

1.     Оқушыларға саз өнері туралы түсінік бере отырып, сазгер Шәмші Қалдаяқовтың өмірбаянымен, әндерімен таныстыру. Мәтінге байланысты жаңа сөздерді меңгерту. Оқушыларды тыңдау арқылы түсінуге үйрету.

2.     Ауызекі сөйлеу тілін, өнер туралы білімін, түсіну қабілетін дамыту. Жұмыс істеу дағдыларын қалыптастыру.

3.     Өнерге, өнер адамдарына деген құрметті баулу, отансүйгіштікке тәрбиелеу.

Сабақтың түрі: аралас сабақ

Сабақтың көрнекілігі: Сазгер портреті, слайдтар, тірек схемалары.

Сабақтың әдісі: Тыңдалым, сөйлесім, жазылым.

Сабақтың формасы: топтық жұмыс, жұптық жұмыс

Сабақтың барысы:

I.                  Ұйымдастыру кезеңі

II.               Үй тапсырмасын тексеру

-         Көркемсурет өнері туралы не білеміз?

-         Қазақстанның тұңғыш суретшісі, көркемсурет өнерінің негізін қалаушы кім?

-         Қазақстанның қазіргі суретшілері туралы не білесіңдер?

III. Жаңа сабақ

1.     Сөздік жұмысын жүргізу: Жаңа сөздер мен сөз тіркестерімен таныстырып, оларды қатыстырып сөйлемдер құрату.

2.     Тыңдалым: Лингофон арқылы мәтінді тыңдату.

3.     Мәтін бойынша сұрақтарға жауап беру.

- Шәмші Қалдаяқов кім?

          - Қандай сазгерді ұлы сазгер деп атауға болады?

          - Шәмші Қалдаяқов қай жерде туған?

          - Мұхтар Әуезов оның әндерін қалай бағалаған?

          - Шәмші әндері жүрекке қандай сезімдерді ұялатады?

          - Сендер Шәмшінің қандай әндерін білесіңдер?

          - Отбастарыңда Шәмшінің әндерін орындайды ма?

     4. Шәмшінің өмірбаяны туралы қосымша мәліметтерді слайдтар арқылы

          көрсету

Шәмші әріптестерінің ортасында.

Шәмшінің әнін орындаушы әншілер.

       5. Шәмшінің әндерінен үзінділер тыңдау, бейнекөрініс тамашалау.

       6. Тақтамен жұмыс. 4 тапсырма.

           Берілген сөздерден дұрыс сөйлем құрап жазу, шылауларды табу.

       Сазгерлер, халық, болады, де, көп, әншілер де, ішінде.

       Шәмшінің, аударды, ел, бірден, назарын, әндері, сондықтан.

       Ол, кезінен, бастап, әндер, шығарды, жас, тамаша.

       Туралы, ғалым, жазушы, Мұхтар Әуезов, жазды, данышпан, Шәмші.

       7. Сергіту сәті: «Ана туралы жыр» әнін тыңдатып, қосылып айту.

VI. Сабақты бекіту: Жұптық жұмыс

      Диалогті жалғастырыңдар.

- Халық ішінде сазгерлер көп пе?

- Иә, халық ішінде әншілер де, сазгерлер де көп.

- Бір сазгердің әнін бүкіл халықтың айтуы қандай құбылыс?

- Бір сазгердің әнін бүкіл халықтың айтуы – сирек құбылыс.

V. Сабақты қорыту:  Тірек сызба бойынша тақырыпты қорыту.

VI. Бағалау: Оқушылардың жауаптарын бағалап, бағаларын қою.

VII. Үйге тапсырма: Өздерің ұнататын сазгерлерің туралы деректер жинап, әңгімелеңдер