Ашық сабақ 4 сынып Математика "Санды 10 – ға, 100-ге, 1000-ға көбейту және бөлу"

Сабақтың тақырыбы: Санды 10 – ға, 100-ге, 1000-ға көбейту және бөлу

Сабақтың мақсаты: Сандарды 10-ға, 100-ге, 1000-ға көбейту мен бөлудің тәсілдерін үйрету, білім, білік, дағдыларын қалыптастыру. Ойлау, есте сақтау, есептеу қабілеттерін дамыту.

Оқушыларды тапқырлыққа, еңбекшілдікке, бірлікке тәрбиелеу.

Көрнекілігі: интерактивті тақта, суреттер, үлестірме тапсырмалар.

Сабақтың түрі: сайыс сабақ. Сабақтың типі: жаңа білімді меңгерту.

Әдіс-тәсілдері: топпен жұмыс, ойын, сұрақ-жауап, түсіндіру ,ұжымдық жұмыс, жеке жұмыс, СТО т.б.

Пәнаралық байланыс: әдебиеттік оқу

Сабақтың барысы: І Ұйымдастыру кезеңі. Сәлемдесу рәсімі:

Бүгін күн қандай тамаша,

Күн күліп тұр жараса.

Бізге келген қонақтарға

Сәлем бердік жарыса.

Сабаққа психологиялық дайындық

Сәлем, достым, сәлемімді қабыл алшы,

Жабырқамай күлімдеші, тамаша ғой бүгін деші.

Балалар, бүгінгі сабағымыз сайыс түрінде өтеді.

Оқушыларды топқа бөлу (геометриялық фигуралар арқылы)

І топ «Білім» Ұраны: Білімнен бақыт табамыз. ІІ топ «Еңбек» Ұраны: Еңбек түбі-береке. ІІІ топ «Достық» Аққуды атпа, досыңды сатпа.

Әрбір дұрыс жауапқа бір ұпайдан беріледі. Ендеше сәттілік тілеймін!

Топ ережесі: Бірін-бірі тыңдау

Бірлесіп шешу

Өзара көмек көрсету

Ойды ашық айту

Тыныштықты сақтау

Уақытты үнемдеу

І Қызығушылықты ояту. «Кім жылдам?» ойыны:

1. Білім ордасы не? (Мектеп)

2. Тәуліктің үштен бір бөлігі неше сағатқа тең? (8)

3. Оңынан да, солынан да бірдей оқылатын, жазылатын сандар қайсы?(11,

4. 9-дан 100-ге дейінгі сандарда қанша 9 саны кездеседі? ( 11 )

5. Ойлаған санға 119-ды қосқанда 800 шықты. Ойлаған санды тап.(681)

6. 5 тоннаның екіден бір бөлігінде қанша килограмм бар? (2500 кг )

7. 1000теңгенің 711 теңгесіне сауда жасасаң, қанша теңгең қалады? (289)

8. 1килограмм алма 360 теңге тұрса, 3кг алма қанша тұрады? (1080тг)

9. Ұшақтың жылдамдығы 850км. Ол 3сағатта неше км ұшады? 5 сағатта ше?(2550км, 4250км)

ІІ Үй тапсырмасы 116-бет № 8 тапсырманың орындалуы тексеріледі

900: 3 *2=600 (900+100) :2=500 (8000-400) :4=1900 (900-100) *2=1600

900: (3 *2 )=150 900 + 100 :2=950 8000- 400:4=9900 900 – 100 *2=700

ІІІ Жаңа сабақ.

А) Оқулықпен жұмыс 116-118 бет. ІІ Мағынаны тану.

№ 1 (а) Ауызша есептеу. Мысалдарды және нәтижелерді салыстыр

2*10 23*10 234*10 (І топ)

2*100 23*100 234*100 (ІІтоп)

2*1000 23*1000 234*1000 (ІІтоп)

Кез келген санды 10, 100, 1000 сандарына көбейту үшін не істеу керек?

(ә) Әр бағандағы мысалдарды және нәтижелерді салыстыр

20:10 230:10 2340:10

200:100 2300:100 23400:100

2000:1000 23000:1000 234000:1000

Санды 10, 100, 1000 сандарына бөлу үшін не істеу керек?

№2 (а) Қандай сандарды 10-ға қалдықсыз бөлуге болады? 100-ге ше? 1000-ға ше? Топтық жұмыс Бірнеше өрнек құрып мысалдар келтіріңдер.

(ә) 98 санын 10-ға қалдықсыз бөлуге бола ма? Неліктен?

б)987 санын 100-ге қалдықсыз бөлуге бола ма? Неліктен?

Дәптермен жұмыс Күннің ретін және айды жазу.

№3 Тақтамен жұмыс. Мына сандардың ішінен 10-ға қалдықсыз бөлінетіндерін – бірінші бағанға, ал 100-ге қалдықсыз бөлінетіндерін – екінші бағанға, 1000-ға қалдықсыз бөлінетіндерін – үшінші бағанға теріп жазыңдар: 3784, 3780. 3700, 3000, 4873, 4870, 4800. 4000.

№4. Қалдықпен бөлуді орында және тексер:

48:10 438:10 4839:100

76:10 765:10 7658:1000

ІҮ Сергіту сәті (Көңілді күн) Музыкамен би жаттығуларын жасау.

№5 Әрбір бөлінгіште бөліндінің мәнін білдіретін цифрлардың астын сыз:

359:10 647:100 12894: 1000

72:10 4389:100 8536:1000

Мына сұрақтарға жауап бер:

Санды 10-ға бөлгенде бөлінгіштің қай цифры қалдықты көрсетеді? 100-ге бөлгенде ше? 1000-ға бөлгенде ше?

№6 Есепті шығар:

Бірдей бес орамда 360 м. Шыт, ал бірдей үш орамда 108 м сәтен бар. Бір орамдағы шыт сәтеннен неше метр артық? Бір орамдағы сәтен шыттан неше есе кем?

Бірдей 5 орамда- 360м шыт -? артық

Бірдей 3 орамда – 108 м сәтен -?есе кем

360: 5 = 72 м 108: 3 = 36м(артық) 72-36 =36м 72:36=2(есе артық)

Жауабы: 1орамдағы шыт 1 орамдағы сәтеннен 36 метр артық және ол 2 есе артық, ал сәтен шыттан 2 есеге кем.

№9 Өрнек түрінде жаз және мәнін тап:

а) 860 және 160 сандарының айырмасын 8 есе арттыру;

(860-160)*8 =5600

ә) 90 және 5 сандарының көбейтіндісінен 370-ті азайту;

90* 5 – 370= 80

б) 1000-ның 2-ге бөліндісін 120-ға арттырып, қосындыны 2 есе кеміту;

( 1000: 2 + 120) :2 = 310

Үлестірме қима материалдармен жеке жұмыс. Деңгейлік тапсырмаларды орындайды.

ІІІ Ой толғаныс Шығармашылық тапсырма І топқа:

Бір өсімдіктің 400 дәні 5 г тартса, екінші өсімдіктің 40 дәні сонша тартады. Осы өсімдіктердің әрқайсысының 100 грамында неше дәннен болады?

400:5*100=800(дән) 40: 5*100=80(дән)

ІІ топқа: Әнуарда 20 кәмпит бар. Ол кәмпиттерді өзіне қарағанда қарындасына 2-еуі артық тиетіндей бөлгісі келді. Әнуар кәмпиттерді қалай бөлуі тиіс?

ІІІ топқа: Үш дос бала үстелде жатқан жаңғақтарды қалай бөлісуді ойластырды. Серік айтты: «Егер әрқайсымыз 8 жаңғақтан алсақ, екеуі артылып қалады, ал егер 9жаңғақтан алсақ, 1 жаңғақ жетпей қалады» Үстелде неше жаңғақ жатыр? (26 жаңғақ)

Әр топ өз тобының атауына сәйкес қандай нақыл сөздер мен мақалдар немесе өлеңдер білетінін айтсын. Постер құруға да болады.

Топаралық бағалау, топтық бағалау.

Жарайсыңдар , балалар! Ал, енді жинаған ұпайларыңды санап, қорытындысын шығарайық. Жеңімпаз топты анықтайық.

ІҮ Сабақты қорытындылау. Бүгінгі сабағымыздан не үйрендіңдер? Қандай ой түйдіңдер?

Кері байланыс. « Екі жұлдыз, бір тілек» (Оқушылар сабақтан алған әсерлерін стикерлерге жазып, тақтаға іледі)