Сабақтың тақырыбы:
Құстардың тіршілігі
Сабақтың мақсаттары:
Білімділігі: Құстардың қысқы тіршілігі туралы түсінік беру.
Дамытушылығы: құстарға деген қамқорлық көзқарасын және
тапсырмалар арқылы ойлау қабілеттерін дамыту. Тәрбиелілігі:
құстарға қамқорлықпен қарауға тәрбиелеу.
Сабақтың әдісі: әңгімелесу, сұрақ –жауап, ойын, сөздік, көрнекілік.
Сабақтың түрі: Жаңа білім беру
Сабақтың көрнекілігі: интербелсенді тақта,құстардың суреттері, магнитті
тақта, ағаш бұтағына орнатылған құс ұясы, тірек-сызба, Венн диаграммасы, бояу
қарындаштар, қағаз.
Сабақтың барысы:
I. Ұйымдастыру кезеңі.
Өткен сабақты еске түсіру.
II. Жаңа сабақ
Жаңа материалды оқып үйренуге дайындық.
-Үй құстарына нелер жатады?
-Қаз, үйрек, түйе құс, тауық.
-Жабайы құстарға: торғай, қарға, суық торғай, ұзақ, қара торғай, қарлығаш т.б.
-Үй құстарын неліктер үй құстары деп атайды.
-Себебі олар үйде өседі.
-Шанамен зырлап желетін,
Шаңғы коньки тебетін.
Аққала жасап ойнайтын,
Қай мезгіл деп ойлайсың?
-Ал, балалар айтыңдаршы, қай жыл мезгілінде болады?
-Дұрыс айтасыңдар. Балалар қыс мезгілі екенін қайдан білдіңдер.
-Қыс мезгілі суық, қарлы, боранды болады. Қыста суыққа төзе алатын құстар ғана
қыстап қалады. Олар мына құстар: торғай, қарға, кептер, сауысқан.
- Балалар! Мен сендерге ертек айтып берейін бе?
- Иә...
- Өте ерте кезде, ерте-ерте-ертеде.... Көктемнің бір кезінде... Туған
жерге келе жатырған бір топ қанатты достарымыз аңдаусызда бір торға оралып
қалыпты. Ол жалмауыз кемпірдің құстарға құрған тұзағы екен. Бұны көрген
жалмауыз кемпір құстарды торға қамап қойыпты. Олай-былай талпынса да, бірде бір
құс тордан босап кете алмайды. Алайда жалмауыз кемпірдің өте мейірімді қызы бар
екен. Құстар енді сол мейірімді қыздан өздерін босатуын жалынып сұрай бастайды.
Мейірімді қыз сонда: «менің балаларға бірнеше тапсырмам бар, балалар
сол тапсырмаларымды орындаса сендерді босатамын»- дейді.
-Кәне, балалар құстарға көмектесеміз бе?
-Мына тапсырмаларды орындаймыз ба?
-Иә...
Топпен жұмыс.
I топ Шебер.
II топ Құрылысшы.
ІІІ топ Өнер.
1-тапсырма.
Жұмбақтар:
Әрбір таңды көк орманда атырған,
Өмір бойы өзін-өзі шақырған. (көкек)
Бұдыр-бұдыр балшықты,
Жинады да талшықты.
Ұқсатып қамытқа
Үй салды жабыққа. (қарлығаш)
Көктемде ұшып
келеді,
Жаздай концерт береді. (бұлбұл)
Күндіз жоқ,
Түнде бар. (жарқанат)
Бұл не деген шебер
еді,
Ормандағы ағаштарды
Тұмсығымен шегеледі. (тоқылдақ)
2-тапсырма:
Ауызша есеп шығару.
Екі балапан тұр,
Екі балапан отыр.
Шатаспай тез ойлансақ,
Тура тауып атасақ
Тұрғаны бар, отырған
Барлығы қанша балапан?..
3-тапсырма:
Құс туралы нақыл сөздер:
«Ұяны бұзба!», «Құстың баласына тиіспе, қарғысына қаласың», «Аққуды атпа, досты
сатпа», «Құртақандай торғайда өз ұясын қорғайды», «Ананың ойы ұяда, баланың ойы
қияда», «Балалы үйрек көлден кетпес».
Сергіту сәті:
Кәне, қанат жазайық
Қарлығашқа ұқсайық.
Көк аспанға самғайық.
Ұшып-ұшып алайық.
4-тапсырма:
Қазақстанда сиреп бара жатырған, «Қызыл кітапқа» енген қандай құстарды
білесіңдер? Аққу, тырна, бұлбұл, кейбір жыртқыш құстар.
5-тапсырма:
Құстар туралы қандай тақпақ білеміз?
Шыр-шыр еткен торғайды,
Қорғамасаң, болмайды.
Кіп-кішкене торғайлар
Ағаштарды қорғайды.
Қарға-қарға қарғалар
Қар үстінде жорғалар.
Боран соқса бүрсиіп
Көзден жасы сорғалар.
Көктемді хабарлап
Ұзағым келдің бе?
Қойып ем даярлап
Ұяңды көрдің бе?..
Жақсы екен
қонысым,
Рахмет қамқоршым!
Мың алғыс сол үшін,
Мерейің зор болсын
Көлдің
көркі-еркесі,
Қанаттары-көрпесі,
Бойын күтіп, баптайды,
Ешкім оны атпайды.
Қар су боп
жөнелді,
Қалды дала жалаңаш.
Күн нұырна кенелді
Бүршік жарып бар ағаш.
Келіп көктем құстары
Бау бақшада ән салды.
Оларды жас достары
Ұя жасап қарсы алды.
6-тапсырма:
Өнер тобы: ермексазбен жұмыс;
Құрылысшы тобы: құсты құрастыру;
Шебер тобы: құс суретін салу.
Ойын: «Жақсы-жаман»
Қорытынды:
Тірек-сызба
Әдемі
Пайдалы Тірі
табиғат
Құрттарды
жейді
Ұшатын
құстар Ұшпайтын құстар
Ағаштарға
ұя салады
Венн диаграммасы:
Табиғаттағы бұлбұл мен тоқылдақтың ұқсастығы мен айырмашылығын диаграмманы
пайдалану арқылы айыру.
Бұлбұл
Тоқылдақ
Оставьте свой комментарий
Авторизуйтесь, чтобы задавать вопросы.