Ашық сабақ Тақырыбы: "Көктемгі құстардың әндері"

Білім беру саласы: Таным

Бөлімдері: Экология

Тақырыбы:  Көктемгі құстардың әндері  (табиғатқа саяхат)

Мақсаты: 

Білімділік: құстардың түрлерімен, олардың аттарымен таныстыру;

Тәрбиелік: құстарды қорғай білуге, оларды аялай білуге үйрету;

Дамытушылық: құстардың түрлерімен, олардың аттарымен таныстырып, балалардың осы тақырып жөніндегі мағлұматтарын дамыту.

Көрнекіліктер: Дала құстарының суреттері, құстарының суреттері салынған короналар, қонып отырған құстар, түлкі, тырна бетперделері, табақ, құмыра, мата, құс мүсіні.

Әдіс-тәсілдер: Сұрақ беріп, жауап алу.

Қостілдік компонент: құстар-птицы.

Сергіту сәті: Қане, қанат жазайық,

                        Қарлығашқа ұқсайық.

                        Қарлығаш боп ұшайық,

                        Ұшып-ұшып алайық.

Іс-әрекет кезеңдері	Тәрбиеші әрекеті	Балалардың іс-әрекеті
Мотивациялық-қозғаушылық	Жылулық шеңбері: Шеңбер болып тұрайық Алақанды ашайық, Күннің нұрын алайық, Таза ауаны жұтайық. Жүрекке жылу салайық, Мейірімділік шоғын алайық. Жиналған жылы шуақты, Қонақтарға шашайық.	Екі қолды жоғары көтереді. Қолдарын сермейді. Терең тыныс алады. Қолды кеудеге қояды. Қолдарын алға созады. Қолдарындағы шуақты қонақтарға шашады.
Ұйымдастыру-іздестіру	Балалар, қазір жылдың қай мезгілі? Көктем айларың кім айтып береді? Қазір қандай ай? Үнтаспадан құстардың дауысын естірту. Тәрбиеші: Балалар, мынау ненің дауысы деп ойлайсыңдар? Дұрыс, құстардың дауысы. Қандай құстарды білесіңдер? Құстар екіге бөлінеді: дала құстары, үй құстары. Дала құстары күн суытқанда жылы жаққа ұшады, көктемде біздің жаққа ұшып келеді. Олар ұя жасайды, жұмыртқа басады, балапан шығарады, тамақтандырады. 2 рет құстардың дауысын естірту. Неге олар түрлі дыбыс шығарады? Міне, мынау бұлбұл құс өзімен бірге бірнеше құстарды ала келіпті. - Мынау қандай құс? - Дұрыс, қарлығаш –адамның досы. Ол шатырдың астына, қораның ішіне ұя жасайды. - Мынау қай құс? - Дұрыс, аққуды атуға болмайды. Аққу көлдің сәні. - Мынау құстың аты қалай аталады? Қарғалар қарқылдайды. Мынау - сауысқан деген құс. Сауысқан шиқылдайды. -          Мынау қандай құс? Торғай шиқылықтайды. -          Дұрыс. Мынау – тоқылдақ.  Тоқылдақ – орман дәрігері. -          Жақсы. Құстар туралы толығырақ танысу үшін құстарға сөз берейік. Тәрбиеші: Құстар – біздің досымыз. Оларды қорғап, қамкорлық жасауымыз керек. Құстар ағаштарды құрттардан қорғайды. -          Балалар, енді «Түлкі мен тырна» ертегісін тамашалайық. -          Тырна қандай құс? Сергіту сәті Балалар құстардың бәрінің тұмсығы болады. Құстардың тұмсығы не үшін қажет? Тағыда құстардың несі бар? Көгершін ұшып кіреді. Балалар, біз көгершіндер бейбітшілік белгісіміз. Елімізде, әлемде тыныштық болғанын қалаймыз. Сондықтанда құстарды,табиғатты қорғап, аялаңдар. Оларға зиянын тигізбеңдер. -Мына құсты танисындар ма? Бұл құс біздің ауылымызда жүреді. Көгершінің түсі қандай болады?  Сендер бейбітшілік болғанын қалайсыңдар ма? Ендеше, біз де өз көгершіндерімізді бояйық.	Көктем. Наурыз, сәуір, мамыр. Мамыр. Балалар мұқият тыңдайды. Құстардың дауысы. Қарлығаш, тоқылдақ, қарға, торғай, сауысқан, тырна. Өзара тілдеседі. Қарлығаш. Аққу. Қарға. Торғай. Тырна- Саяжан: Сирағы ұзын тырнамын, Тырнағы ұзын тырнамын. Балықты сүзбей, Ұстайтын шоқып, Тұмсығы біздей тырнамын. Торғай – Бекнар: Мен торғаймын, торғаймын, Кел, сенімен ойнайын. Ұлпа мамық жинаймын, Аязда да тоңбаймын. Қарға – Лунара: Тысқа шықсам аула қар, Басып  қапты маңайды. Тал басынан қарғалар, Тамашалай қарайды. Сауысқан/Мұхамедрахим: Ала қанат сауысқанмын, Жауыр атқа жабысқанмын. Ұзын құйрық сауысқанмын, Құртты шұқып тауысқанмын. Тоқылдақ-Ескендір: Тоқ, тоқ етіп ағашқа, Тұрған ол мен тоқылдақ. Ешбір тыным таппаймын, Тұмсығыммен шоқып-ақ. Ертегіні сахналайды. Ақылды құс. Қимылмен жасайды. Тамақ ішу үшін, ұя жасау үшін, тазарыну үшін. Қанаты, мойыны, көздері, аяқтары, құйрығы, жүні. Иә, көгершін. Ақ, қара, сүр, қоңыр, көк. Иә. Бояйды.
Рефлексивті-түзетушілік	Жарайсыңдар балалар , сонымен біз қандай құстармен таныстық? Неге оларды дала құстары дейміз? Адамдар, көктемде құстарды қарсы алуға дайындалады ағаштан ұя жасайды. Құстар  туралы ән айтайық. Балалар, біз бүгін құстар туралы мынадай тыйым сөздермен танысамыз: құстың ұясын бұзба, жұмыртқасын алма, құсты таспен атпа. Ойын: «Ұшты-ұшты». Құстың ұясын далаға ілу. Ал, енді, бізде жемшашар мен құстарды тамақтандырайық. Осымен бүгінгі ұйымдастырылған ашық оқу іс-әрекетімізді аяқтаймыз. Сендер  жақсы жауап беріп, жақсы жұмыс  жүргіздіңіздер. Сау  болыңыздар!	Қарға, сауысқан, торғай. Олар далада тіршілік етеді. Ағаштың  үстінде ұя жасайды «Көктем вальсі» орындайды. Қайталайды. Ұшатын құстарға қолдарын көтереді, ұшпайтын заттарға қолдарын көтермейді. Жылулық шеңбері: Құстар – біздің досымыз, бау-бақшаны қорғайды, Ұя жасап қарсы алсақ, құстар бізді қолдайды. Сау болыңыз!

Күтілетін нәтиже:

Біледі: дала құстарының аттарын, түрлерін.

Игерді: құстар туралы тақпақтарды, тыйым сөздерді.

 Істей біледі: сурет бойынша әңгімелейді, құсты бояй біледі.