Ашық сабақ "Түлкі мен шәркей ертегісі"

Білімділік саласы: «Шығармашылық»

Кіші саласы: «Мүсіндеу»

Тақырыбы: «Түлкі мен шәркей» ертегісі бойынша сюжетті мүсіндеу (ұжымдық жұмыс)

Мақсаты: мүсінделетін дененің қозғалысын беру тәсілін өз бетінше ізденуге бағыттау (басы төмен түскен, құйрығы көтеріңкі, аяқтар қозғалыста); балалардың 5-6 бөліктен тұратын, пішіні және көлемі бойынша әртүрлі орман жануарларын мүсіндей алу дағдыларын арттыру; ұжымда жұмыс істей алуға үйрету. Тілдерін дамыту. Саусақтың ұсақ бұлшық еттерінің қозғалысын жетілдіру. Халық ертегілеріне деген сүйіспеншілікке тәрбиелеу.

Қолданылатын көрнекі құралдар қажетті құрал-жабдықтар: түрлі түсті ермексаз, ермексаз кескіш, сулық, үлестірмелі материалдар, ертегінің сюжеті.

Сөздік жұмыс: шәркей

Билингвальді компонент: түлкі-лиса, шәркей-лапти.

Оқу іс-әрекетінің кезеңдері	Педагогтің іс-әрекеті	Балалардың іс-әрекеті
Мотивациялық қозғаушышылық Ұйымдастырушы ізденушілік  Рефлексифті түзетемдеуші	Педагог: -Балалар, біз сендермен бүгін «Түлкі мен шәркей» ертегісін еске аламыз. Сөздік жұмыс: шәркей -Балалар, ертегінің неден басталатынын еске түсірейікші. -Әдетте, ертегілерде түлкіні қалай суреттейді?Ол қандай? -Ол қандай қулық ойлады? -Таңертеңгісін түлкі қаттты дауыстап жылап, қояннан шәркейінің орнына тауығын беруді сұрайды. Қоян түк те істей алмай, оған сүйікті тауығын береді.Содан соң түлкінің ойына не келді? -Иә,ол түнде тауығын орманға жасырып, ұйықтауға жатты. -Ал таңертең, тауығын жоқтап, оның орнына қасқырдан сүйікті қозысын беруді сұрайды. -Содан соң ол кімнен үйіне түнеп шығуды сұранды? Ол аюды қалай алдады? -Иә ол осындай қу аң. Содан кейін не болғаны естеріңде ме? -Түлкі інге тығылды. Құйрығы інге сыймай,далада қалып қойды. Иттер оны құйрығынан суырып алып шықты. Міне,біз ертегіні есімізге түсірдік. Біз бүгін мүсіндеу жұмысын шағын топтармен орындаймыз.Бір-біріңмен келісіп,кім қандай жануарды мүсіндейтінін анықтап алыңдар ( түлкі,қоян, қасқыр,аю,ит) -Үстелде түрлі түсті ермексаздар тұр, алдарыңдағы үлестірмелі материалда ертегі көрінісі суреттелген. -Біз ненің қай үйде тұратынын қалай білеміз? -Жануарлар денесін бірнеше бөлшектен біріктіру тәсілімен жасаймыз. Дене бөліктерін атаңдаршы. -Содан соң ұсақ бөлшектермен толықтырамыз (көз,құлақ,мұрын, т.б) Педагог тақтаға жұмыстың орындалу реті көрсетілген плакатты іледі. Педагог ойын түрінде жануарлардың қозғалысын берудің мүмкіндіктерін көрсетеді: түлкінің құйрығын көтереді, түсіреді, аяқтарын қозғалысқа келтіреді, басын төмен түсіреді немесе көтереді, құлақтарын жылмитып, қулығын көрсетеді. Балалармен жеке жұмыс жүргізеді. Билингвальді компонент: түлкі-лиса, шәркей-лапти. Педагог балалардың бір-бірін тыңдап бірге жақсы мүсіндер жасағанын айтып мадақтайды.	Балалар ертегіні естеріне түсіріп, ертегінің мазмұны бойынша сұрақтарға жауап береді. Қайталайды: шәркей. Тақтаға ілінген иллюстрация бойынша жауап береді. -Алдымен түлкі шәркей тауып алады. -Түлкі қу аң ретінде сипаттайды. -Ол қояннан үйіне түнеп шығуды сұрайды да,өзі түнде шәркейді лақтырып жіберіп,ұйықтауға жатады. -Ол қасқырдың оның сүйікті қозысын сұрады. -Содан соң түлкі бұзауы бар аюдың үйшігіне келді.Түнде ол қойды орманға тығып қойып, таңертең орнына бұзауды беруді сұрайды. -Содан соң оның артынан иттер қуды. Ол қорыққанынан жолда тауықты да, қозыны да, бұзауды да қалдырып кетті. Балалар топтарға бөлініп отырады.Кім нені мүсіндейтіндіктерін келіседі. -Үйдің алдында әтеш,қозы, бұзау бейнеленген. -Денесі, басы, аяқтары,құйрығы құлағы. Балалар қажетті материалды таңдайды, өзіне бөлінген жұмысты мүсіндеп,үлестірмелі материалдағы панноға тиісті орнына қояды. Қайталайды: түлкі-лиса, шәркей-лапти. Балалар мүсіндеу жұмысын аяқтағаннан кейін,мүсіндерін қолдарына ұстап, ертегіні сахналап көрсетеді. Балалар ұжымдық жұмысты қарау кезінде өздеріне ерекше ұнаған кейіпкерлерді атап көрсетеді,бір-бірінің жұмысын, сахналық көріністерін бағалайды.

 Күтілетін нәтиже:

 Жаңғыртады: 5-6 бөліктен тұратын,пішіні және көлемі бойынша әртүрлі орман жануарларын мүсіндейді.

Түсінеді: ұжымда жұмыс істей алуды.

Қолданады: мүсіндеу тәсілдерін, оқу іс-әрекеті барысында алынған дағдыл