Ашық сабақ "Үй жануарлары" тақырыбында

Меркі ауданының психологиялық – педагогикалық түзету кабинеті

Ашық сабақ

Дайындаған олигофренопедагог маманы:

Асанова Зейнекуль Даутбековна.

Аңғарымы: Ақыл – есі кенжеленген (жеңіл түрі)

Сабақтың тақырыбы: «Үй жануарлары »

Сабақтың мақсаты:

1.Үй жануарлар туралы түсініктерін толықтыру, аттарын дұрыс атай білуге үйрету.

2. Танымдық қабілетін, сенсорлық қабылдауын дамыту.

3. Сөздік корын байыту, сөйлеу тілін түзеу.

4. Балалардың жануарларға деген сүйіспеншілігін, қызушылығын арттыру.

Сабақтың әдістері: түсінік беру, ойын ойнату, әңгімелесу, сұрақ-жауап.

Сабақтың көрнекіліктері: суреттер, үй жануарлар муляжі,ойыншықтар, пазл математикалық, магнитафон, карточкалар.

Сабақтың түрі : аралас сабақ

Жұмыс түрі: топтық

Сабақтың барысы:

I. Үйымдастыру кезеңі. Сәлемдесу.

• Балалар казір кандай жыл мезгілі?(қыс)

• Қыста неше айы бар? (3 ай)

• Бүгін ауа райы қандай?

• Ал сендердің көңіл күйлерің қандай?

Дидактикалық ойын: « Кім жылдам? »

Мақсаты:Түстерді ажырата алу,ірі моторикасын дамыту

Шарты: Екі себетке, түстеріне қарай шарларды жинау

III. Жаңа сабақ. Оқушыларға сабақтың тақырыбы мен мақсатың айту.

А) Балалар бүгін біз үй жануарлар туралы өтеміз. Балалар мынау не? –деген сұраққа жауап береді.

• Мынау не?- сиыр, ат, ешкі, қой, түйе, мысық, ит.

• Сендер барлық жануарларды атадыңдар, ал бұлар не деп аталады?( үй жануары)

• Үй жануары қайда турады? (үйде)

Б) Есік кағады. Үй қожасы келеді.

- Сәлеметсізбе, балалар. Мен сендерден көмек сұрауға келдім. Менің үй жануарларым орманға қашып, аңдармен араласып кеткен. Егерде сендер оларды дұрыс дауыстарынан танып аттарың айтсандар, олар үйге қайтып келеді.

Д/ойын: « Даусымнан таны? »

Мақсаты: Есту зейіні мен елестету қабілетін дамыту.

Шарты:Оқушылар үй жануарлармен, жабайы аңдарды дауыстарынан танып, аттарың айтып, екі жаққа бөледі.

В) Мұғалімнің сөзі:

• Балалар, біздің қонағымыздың үй жануарлары түгел мекен соны санап берейік. Қарапайым математикалық ұғымды қалыптастыру

• Математикалық пазлды құрастыру. Ұсак моторикасын дамыту

• Балалар, біздің қонағымыздың үй жануарларының төлдерін тауып қосайық.

Сергіту сәті:

• Бойды бүкпей тік ұста,

• Жай сол қолды, сол жақа,

• Жай оң қолды, оң жақа,

• Осылай бір байқада

• Он шақты рет қайтала.

Д/ойын: «Анасын тап» (суретті жапсыру)

Мақсаты: Ойлау қабілеті мен ұсақ моторикасын дамыту

Шарты:Үй жануарлары жапсырылан қағаз беріледі және қиылған жануарлардың төлдері беріледі.Төлдерді өз аналарының қасына жапсыру.

Үй қожасы: балаларға рахметін айтып, қоштасады.

ІҮ. Оқушылар көрініс көрсетеді:

Ертегі: Бір күні, сиыр, ат, ит үшеуі таласты.

Сиыр: Қожайын мені жақсы көреді. Мен сүт беремін, май, айран беремін. Менің пайдам өте көп (оқушы)

Ат: Мені жақсы көреді. Менің етімнен қазы, қарта, шұжық жасайды. Сүтімнен қымыз жасайды.Менің пайдам өте көп.(оқушы)

Ит: Жоқ, кожайын мені жақсы көреді. Мен үй күзетемін. Қасқырды жолатпаймын. Менің пайдам өте көп.( оқушы сөзі)

Қожайын: Сендер босқа таласпандар. Маған бәрін керексіндер.

Мұғалімнің сөзі:.

Тарбиелік жұмыс Балалар, осы жануарлар бізге көп пайда әкеледі. Мысалы: сиыр сүт береді, ит – үй күзетеді , қойдын пайдасы –жүннен қолғап тоқийды, мысық –тышқан аулайды, ат- байгеге қатысады.

Ү. Қорытынды: - Балалар біз сабақта не істедіқ, не туралы айтық?

- Кім бізге қонаққа келді?

- Қандай жақсы тірлік жасадық?

ҮІ. Үй жұмысы: Ермексаздан бір үй жануарының мүсінін жасап әкелу.