Ашық сабақ "Жатыс септік"

Бекітемін:

Күні: 26.01.2017

Пәні: қазақ тілі

Тақырыбы: Жатыс септік

Мақсаты:

Білімділік: Зат есімнің септелуі туралы білімдерін нығайту. Жатыс септіктегі сөздердің қандай сұрақтарға жауап беретінімен және оның жалғауларымен таныстыру.
            Дамытушылық: Жаттығулар орындата отырып, жатыс септіктегі сөз сөйлемде тұрлаусыз мүше болатынын аңғарту, оқушылардың сын тұрғысынан ойлау қабілеттерін дамыту.
            Тәрбиелілік: Сауатты таза жазуға, тілін сыйлай білуге, денсаулықтарын сақтай білуге тәрбиелеу.

Әдісі: сұрақ жауап, ой қозғау, семантикалық карта, т.б

Көрнекілігі: слайд, плакат, парақшалар

Жүру барысы:

І. Ұйымдастыру

Психологиялық дайындық

Қазақ тілі – өз тілім, ана тілім.

         Абай, Мұхтар сөйлеген дана тілім.

         Қастерлейді ұл-қызың мәңгі сені,

         Болашағым, бақытым, дара тілім.

  Өз тілімізді құрметтей отырып, қазақ тілі сабағын бастаймыз.

ІІ. Үй тапсырмасын тексеру.

53 , 54 – жаттығу, ереже

Сұрақ қою арқылы қорытындылау.

   Зат есім дегеніміз не? Оның қандай түрлері бар?

   Қазақ тілінде қанша септік бар?

ІІІ. Жаңа сабақ

Қызығушылықты ояту

   Ертегі айту арқылы септіктерді қайталау

Ой қозғау

   Анаргүл...   қызықты оқулықтар бар.

Көп нүктенің орнына тиісті жалғауды қой.  -дің, -де, -да, -мен, -нен

        Ережемен таныстыру.

Жатыс септік кімде? неде? кімдерде? нелерде? қайда? деген сұрақтарға жауап береді. Жатыс септігі атау септікке -да, -де, -та, -те жалғаулары жалғану арқылы жасалады. Бұл жалғауларды жатыс септік жалғаулары деп атайды.

Оқулықпен жұмыс:

55 - жаттығу. Ауызша жаттығу орындау.

Шөлде гүлдейді, құлпырады

Суда өмірі қырқылады.  ( сексеуіл)

                     Тапсырма :

Қарамен жазылған сөздерге сұрақ қой. Олардың қай септікте тұрғанын айт.

56 - жаттығу.

Тапсырма : Мақалдарды оқып жатқа жаз.Жатыс септіктегі сөздердің астын сыз.Оларға сұрақ қой.

   Күш білімде. Балапан ұяда не көрсе, ұшқанда соны іледі.

57- жаттығу.

          Тапсырма : Мәтінге ат қой.

                        Арша өсімдігі

Арша тасты жерлерде, таулы аймақтарда өседі. Дәрі жасау үшін оның жемісін пайдаланады. Құрамында эфир майлары, қант,алма қышқылдары, минералды тұздар бар.

58- жаттығу.   (оқушыларға барыс септігі мен жатыс септігінің айырмашылығын түсіндіру)

Б.с  Кімге? Неге? Қайда?     -ға, -ге, -қа, -ке

Ж.с  Кімде? Неде? Қайда?   -да, -де, -та, -те

     Мұражайға,  Астанада,  ауылда, мектепте, қалаға, кітапханаға, үйде

Сергіту сәті

59- жаттығу.

               Өзенде, жайлауда, қыста, көгенде, бесікте.

     Өзенде көптеген балықтар бар.Жайлауда мал өріске шығады.Қыста балалар әдемі аққала жасайды.

Көгенде ұсақ малдарды байлайды.Бесікте баланы тербетеді.

             Топқа тапсырма:

І - топ: Мақалдар құрастырып, оның ішінен септікте тұрған сөздерді тауып, қай септікте тұрғанын айту.

Жақсы адам — елдің көркі,
Жауқазын гүл — жердің көркі.

   Адамның құлқы түзелмей,
Өмірдің құлпы түзелмейді.

    Дауды елемеген төлейді,
Ауруды елемеген өледі.

ІІ - топ: Кітап, мектеп, қала сөздерін септе 

А.с	кітап	мектеп	қала
І.с	кітаптың	мектептің	қаланың
Б.с	кітапқа	мектепке	қалаға
Т.с	кітапты	мектепті	қаланы
Ж.с	кітапта	мектепте	қалада

ІІІ –топ: Семантикалық карта   Кестемен жұмыс.

	Атау септік	Ілік септік	Барыс септік	Табыс септік	Жатыс септік
Күресте					+
Тауда					+
Қарияның		+
Балмұздақты				+
Жануарға			+
Азамат	+
Дәптердің		+
Оқушыны				+

IV – топ: Берілген сөздерді сөз құрамына талда.

Оқушылардың,  кітаптардың,өзендерге, мұражайларды,  бесіктерде,  қалаларда

 ІV. Қорытынды:

     - Қандай септікпен таныстық?

     - Сұрақтары мен жалғаулары

     - Оның сөйлемде атқаратын қызметі қандай?

V. Үйге тапсырма: 60. 61 – жаттығу, ереже жаттау

VI. Бағалау

VII. Кері байланыс: «Бағдаршам»