Ашық сабақ.Баубек Бұлқышев "Ана"

Сабақтың тақырыбы: Б.Бұлқышев «Ана»

Сабақтың мақсаты:

Білімділік: Оқушыларға ананың балаға деген махаббатының шексіздігін, ана деген есімнің ұлылығын, ананың адам өміріндегі орнының ерекше екендігін түсіндіру,

Дамытушылық: Оқушылардың сын тұрғынан ойлау қабілеттерін дамыту, шығармашылықпен, топпен жұмыс істеуге, өз ойларын дәлелді тұжырымдап жетілдіруге үйрету.

Тәрбиелік: Оқушылардың анаға деген сүйіспеншілігін сезімдерін ояту, ананы құрметтеуге, қадірлеуге, сыйлауға тәрбиелеу. Сабақтың типі: Дәстүрлі ашық сабақ

Сабақтың әдіс-тәсілдері: Сын тұрғысынан ойлауын дамыту технологиясы. Топпен жұмыс жасау, түртіп алу әдісі (инсерт әдісі), бес жолды өлең құрастыру, тірек – сызба, топтастыру, ойын

Сабақтың көрнекілігі: интерактивті тақта, Баубек Бұлқышевтың портреті, шығармалары, ананың, апаның суреті.

Пәнаралық байланыс: ана тілі, қазақ тілі, әдебиет, сурет

Сабақтың барысы:

І. Ұйымдастыру кезеңі.

Оқушыларды түгендеу, сабаққа зейіндерін аудару.

«Шаттық шеңбері » арқылы сабағымызды бастау. Оқушыларды топтарға бөлу.

Оқушылардың барлығы: Сыныптас біз ұл – қыздар

Тату – тәтті ойнаймыз

Сыйластықпен өмір сүріп,

Тек жақсылық ойлаймыз,

Амансың ба, алтын күн

Амансың ба , көк аспан!

Амансың ба достарым,

Амансыз ба қонақтар!

Амансыз ба ұстазым!

Сіздерді көріп қуанам.

Өте жақсы отыра қойыңдар. Сендерді көргенімізге бізде қуанамыз, балалар, көңіл - күйлерің қалай? – Жақсы.

ІІ. Үй тапсырмасын сұрау:

- Балалар үйге қандай тапсырма берілді? (үй тапсырмасын 3 – 4 оқушыдан сұрау)

- Оралхан Бөкейдің «Апамның астауы» мәтіні берілді және әжемізге хат жазып келу тапсырылды.

- Әжемізге жазып келген хаттарын оқыту (3-4 оқушыдан сұрау)

Үй тапсырмасын пысықтау мақсатында сұрақтар қою.

- Оралхан Бөкеев кім?- Ол қайда дүниеге келген?

- Оралхан Бөкеевтің қандай шығармаларын білесің?

- Оның қандай оқулықтары бар?

ІІІ. Үй тапсырмасын бекіту. Әр топтан оқушылар шығып жазады.

- Автордың апасына берілген мінездемесі.

- Ең алдымен мінездеу дегеніміз не?

- Мінездеу дегеніміз – адамның сыртқы келбеті, жүріс - тұрысымен бірге ішкі жан дүниесін, мінезін, жақсы – жаман қылықтарын суреттеу.

ІV. Жаңа сабаққа кіріспе Мұғалім сөзі: Зейнолла Қабдолловтың «Жалын» романынан үзінді.

Ана !

О дариға, аспан астында ананың барын, жер басып жүретінін сезінуден асқан бақыт бар ма? Күн нұры, таң самалы, гүл иісі..... Жер үстінен анаң кетті дегенше осынау жарық дүниеге деген жан жылылығының жарымы қараң қалды десейші.... Ана....! Сен дүниеге келдің, айғай сала жылап бұлданып келдің, кімге жылап, кімге бұлдандың? Әрине, анаңа жылап, анаңа бұлдандың. Ана ...! Саған жарық дүние сыйлап, өмір берген құдірет қой ана дегендей бүгін біз Баубек Бұлқышевтың өз анасына деген сезімін, сүйіспеншілігін, сағынышын көрсететін «Ана» деген әңгімесімен танысамыз.

Манолог дегеніміз –   (гр. monos - дара, гр. logos - сөйлеу) кейіпкердің көпшілікке қарата немесе өзіне арнап айтқан сөзі, толғанысы, өсиет-уағызы. Монолог – сөйлеуші өз ойын, ішкі жай-күйін, толғаныс-тебіренісін бір, бірнеше, көп адамдарға арнап айтатын ауызша сөйлеу әрекеті.

V. Жаңа сабақ. Баубек Бұлқышев (1916 – 1944ж) Әдебиетте жарық етіп көрініп, тез сөнген, жастай кеткен Баубек Бұлқышевтың шағын өмірі әрі аянышты, әрі қызықты. Жаңа сілтеп келе жатқан қаламы еске түссе өкініш келеді, дауылды өмірі, ерлік ісі еске түссе бойыңды мақтаныш билейды. Оның өмірі – нағыз совет жасының өмірін елестетеді. Баубек Бұлқышев – жазушы. Ол қазақ және орыс тілдерінде шығармалар жазған. 1916 жылы Қарағанды облысы, Ұлытау ауданында дүниеге келген. Баубектің әкесі А.Иманов басқарған ұлт-азаттық қозғалысына белсенді қатысқан. Баубек Бұлқышев 1935 жылы Қарсақбайдағы ФЗО мектебін бітірген. .Алматы сауда-қаржы техникумында оқыған (1937). Студент кезінде көптеген өлең, «Балалық шақ» поэмасын, «Ауылдан Алматыға» атты әңгімесін жазды. 1939 жылы «Лениншіл жас» (қазіргі «Жас Алаш») газетінде әдеби қызметкер болған. «Қазақстан пионері» (қазіргі «Ұлан») газетінде бөлім меңгерушісі қызметін атқарған. Оқулықпен жұмыс. Музыка қосылып тұрады. Оқушыларға мәтінді тізбектей дауыс ырғағымен оқыту Оқушылар түртіп алу әдісімен жұмыс жасайды. (Инсерт әдісі) Білемін, Білмеймін, Мен үшін жаңа Сөздікпен жұмыс: Құндақта – жөргекте жатқан уақыттан бастап Топтастыру. Балалар біз анамызды неге теңейміз? (Күнге) Не себепті? ( Себебі анамыз күн сияқты шуағын, нұрын, жылуын шашып тұрады.

Сергіту сәті: Музыка қосылып тұрады. Интерактивті тақтаға қарап, оқушылар жаттығуларды қайталайды. «Жалғасын тап» ойыны Ата – аналарға байланысты мақал – мәтелдер айттыру. Әр топтан бір – бір оқушыдан шығып, бір – бірінікін жалғастырып айтады. Дүниеде не тәтті ? Не жұмсақ ? Кім жақын ? Не қымбыт Не тәтті? Ананың сүті Не жұмсақ? Ананың қолы

Кім жақын? Тату болса ағайын жақын,

Бауырмал болса , інің жақын

Не қымбат? Алтын ұяң Отаның қымбат

Құт – береке атаң қымбат

Аймалайтын анаң қымбат

Бәрінен де ұят пене ар қымбат VІ. Жаңа сабақты қорыту Шығармашылық жұмыс:

1 – топ: «Ана» тақырыбына 5 жол олең құрастыру.

2 – топ: «Ана» тақырыбына эссе жазу.

3-топ: «Ана» тақырыбына сурет салу.

4- топ: «Ана» тақырыбына жатқа өлең оқу Анаға тілек тренингі. Әр оқушы анасына тілектерін жазып, топта айту. «Үміт ағашына» тілектерін орналастыру. VII. Үйге тапсырма беру: Баубек Бұлқышевтың «Ана» тақырыбына берілген әңгімесін дауыс ырғағымен оқу. 1 – топ: “Менің анам” 2 – топ: “Ана бәйтерек” 3 – топ: “Ана - аққу” 4 – топ: “Ана жүрек” тақырыптарына шығарма жазу. VIII. Бағалау: Сабаққа белсене қатысқан оқушылардың білімдерін бағалау.