Ашық сабақ,Әдебиеттік оқу: "Туған ел" 3 сынып

Әдебиеттік оқу

№ 32 сабақ

Күні: 26.10.2015  жыл

Сабақтың тақырыбы: С.Сейфуллин   «Туған ел»
Сабақтың мақсаты:
Білімділік: С.Сейфуллина өмірінен мәлімет беру. Туған ел өлеңнің оқыту барысында тақырыбы мен идеясын ашу. Өлеңнің мазмұнын түсіндіру арқылы өзінше ой түюге баулу.
Дамытушылық: шығармашылықпен жұмыс жасауға жұмылдыру арқылы таным түсініктерін сөйлеу мәдениетін қалыптастыру. Сөздік қорын байыту, тіл байлығын молайтып ойлау, көру, сезіну, қабылдау қабілеттерін дамыту.
Тәрбиелік: Оқушыларды Отанын, жерін, елін сүюге, байлығын қорғауға, елін халқын құрметтеуге, елжандыққа, әсемдікке жауапкершілікке тәрбиелеу. Елге, жерге деген патриоттық сезімдерін ояту.
Көрнекілігі: С.Сейфуллиннің портреті, сызбалар, суреттер, жылжымалы тақта.

Типі: Жаңа ұғымды қалыптастыру

Сабақтың түрі:  аралас сабақ.
I. Ұйымдастыру кезеңі:
- Балалар, бүгінгі сабағымызға қонақтар келіп отыр. Сондықтан біз өзіміздің білімді, мәдениетті, үлгілі оқушылар екенімізді көрсетейік

Қол алысып, қәне, біз,

Достасайық бәріміз.

Айтарым бар сендерге,

Тез тұрыңдар шеңберге.

Қандай жақсы бір тұру,

Достарменен бір жүру!

Қандай жақсы дос болу!

Оқушылар тез шеңберге тұрып бір – біріне сиқырлы таяқша беру арқылы сәттілік тілейді.

Топқа бөлу: оқушыларға  әр түстегі ұшақ билетін беру арқылы, түс – түспен топқа бөлінеді.

Топ жетекшіні таңдау және оған көк пилотка кигізу

II. Үй тапсырмасын тексеру.
А) Үйге берілген тапсырма  «Үш бақытым»,  «Туған тілім» өлеңін  жатқа айту.
IІІ. Үй тапсырмасын  бекіту:

 Оқушыларға өлеңнің мазмұны бойынша сұрақтар қою

- Мұқағали Мақатаевтың   «Үш бақытым»  өлеңін неге теңеген? (Халық, Тіл, Отан)
- Дихан  Әбілевтің өлеңі не туралы? (туған тіл)
- Екі өлеңнің ұқсатығы  неде? (Екі өлеңде де ақын ұлтжандылыққа, Отан

сүйгіштікке, тілді құрметтеуге  шақырады.)
- Өлеңнің негізгі ойын,  идеясын бір мақалмен қорытындылап көріңдерші. (Өзге тілдің бәрін біл, өз тіліңді құрметте)

«Сөзжұмбақ» шешу

1.     Рәміз    ( ту )

2.     Көрінбейді көзіңе, тіл қатпайды өзіңе,

Жығады ол күн сайын ең  күштінің өзінде.    ( уақыт )

3.     Ата - баланың .....    ( қорғаны )

4.      Екінің орысшасы  ( два )

5.     Ас қорыту мүшесі  ( қарын )

6.     Заттардың қимылын, іс – әрекетін  білдіретін сөз табын қалай атаймыз? ( етістік ), (не істеді? қайтті?  не қылды?)

7.       5 * 10  ( елу )

IV. Жаңа сабақ: - сонымен  біздің шешкен сөзжұмбағымыздан қандай сөз шықты (туған ел)
- Бүгін біз С.Сейфуллин атамыздың «Туған ел» өлеңін өтеміз:

     Туған жерін, елін жырламайтын ақын-жазушы жоқ.Туған жерін сүймейтін адам жоқ. Тек өз сезімін әркім әр түрлі жеткізуі мүмкін. Суретшілердің тілі - бояу, музыканттардың тілі - музыка, ал ақын, жазушылардың тілі - сөз. Сондай бір туған елін тебірене жырлаған аса көрнекті ақын, жазушы, мемлекеттік қайраткер

С.Сейфуллиннің өмір баянына тоқталып өтейін.

    Сәкен Сейфуллин – 15 қазан 1884 жылы Жезқазған өңіріндегі бұрынғы Ақадыр ауданындағы Қарашілік қыстағында дүниеге келген. 1905 – 1908 жылы Ақмоладағы бастауыш приход мектебінде оқып білім алған, 1913 – 1916 жылдары қалалық үш классты училищеде оқыған.  Қазақ жаңа әдебиетінің негізін салушы, мемлекеттік қайраткер.

V. Оқулықпен жұмыс: «Туған ел» (68 бет)
- Мұғалімнің оқуы мәнерлеп;
- 2-3 оқушыға мәнерлеп оқыту;
- Мәтін бойынша сұрақтар:

А) Ақын туған даласын кімге теңейді? (Анаға)

Ә) Берілген суретті пайдаланып, ақын ойын түсіндіріп көр; (Жайқалған туған ел)
В) Табиғат адамға не береді? (Сән, жылу, нәр, сұлулық)

Суретпен жұмыс:

- Суреттен не көріп тұрмыз?
- Елік, гүл, бұлт, шөп, көбелек, ағаш.

- Енді осы заттардың атын маған  2  тілде айтып беріңдерші? (Олень, цветы, облака, трава, бабочка, дерево)

Сергіту сәті:

Орнымыздан тұрайық.

Алақанды ұрайық,

Оңға қарай бұрылып

Солға қарай бұрылып

Бір отырып, бір тұрып

Бір тынығып алайық.

VI. Дәптермен жұмыс: 

Қазанның жиырма алтысы
«Туған ел,Отан»  туралы 2-3 сөйлеммен эссе жазу.

VII Бекіту: постер құру
-  Ақынның қандай шығарма өлеңдерімен таныстыңдар?
-  Туған ел, Отанды неге теңейсің? (Анаға, күнге, гүлге,  қамқоршыма)

-  Сәкен Сейфуллин дегеніміз кім?( Жазушы, ақын, ғалым, қоғам қайраткері, драматург, педагог, сазгер)

VIII Қорытынды:
    -  Бүгін балалар, біз қандай тақырыппен таныстық?

   - Туған ел өлеңін кім жазған?

   - Сәкен Сейфуллин дегеніміз кім?

Үйге тапсырма:
1. «Туған ел» өлеңін жаттау.

Бағалау: Топ жетекші бағалау парақшасы арқылы бағалайды

Рефлекция: Сабақ басында үлестірілген билетке  сабақта не білдім, нені білемін, не білгім келеді кестесін толтырып  вагондарға орналастырады.

р\с	Оқушының аты	Үй тапсырмасы	Үй тапсыр бекіту	Оқулықпен жұмыс	Суретпен жұмыс	Дәптермен жұмыс	Қорытынды
1
2
3
4
5

р\с	Оқушының аты	Үй тапсырмасы	Үй тапсыр бекіту	Оқулықпен жұмыс	Суретпен жұмыс	Дәптермен жұмыс	Қорытынды
1
2
3
4
5

р\с	Оқушының аты	Үй тапсырмасы	Үй тапсыр бекіту	Оқулықпен жұмыс	Суретпен жұмыс	Дәптермен жұмыс	Қорытынды
1
2
3
4
5

р\с	Оқушының аты	Үй тапсырмасы	Үй тапсыр бекіту	Оқулықпен жұмыс	Суретпен жұмыс	Дәптермен жұмыс	Қорытынды
1
2
3
4
5

Сәкен  Сейфуллин

(1894 – 1938)

Сәкен  Сейфуллин

                           Шығармалар                                             Повес – романдары                    

 

                    Өлеңдері                                                    Поэмалары

 

Біздің жақта

(Сүргінде жүргенде шет елде айтылған өлеңнен үзінді)

Шалқыған біздің жақтың көлдері бар,

Ағашты биік таулы жерлері бар.

Өзен, су, көлдер жайлап, тау қыстайтын

Меймандос, берекелі елдері бар.

Думанды шалқар көлдері-ай,

Еркін дала белдер-ай.

Каздай қатар мыңғырып,

Тізіліп көшкен елдер-ай.

А-ай, Сарыарқа,

Елің алыс,

Қалды шалыс,

Жат жерде талай елмен болдық таныс.

Жеріне біздің, жақтың лайық ері,

Ер палуан, аңшы-мерген, әншіл, сері.

Жасынан жүйрік мініп өскен бұлан,

Жау жүрек, ер көңілді жігіттері.

Сілтеуші ек құлаш тұлпардай,

Жазушы ек қанат сұңқардай,

Асауменен алысып,

Қашағанды құтқармай.

 Жазушы, ақын, ғалым, қоғам қайраткері, драматург, педагог, сазгер

Шығармалар:  Тар жол, тайғақ кешу; Ақсақ киік, Дала дауылпазы

Өлеңдері: Асау тұлпар,  Домбыра, Экспрес,  Тұрмыс толқынында, Көкшетау, Сыр сандық, Асығып тез аттандық, Далада, Кел, жігіттер; Біздің жақта, Сағындым

(Анаға, күнге, гүлге,  қамқоршыма)

Сағындым

(Қамауда, 1918 жыл 23 февраль)

Туғалы қапас көрмеген,

Көкіректе кектер кернеген,

Талпынып құлаш сермеген

Айтайын ішкі сырымды:

Қайрымды қалың елі бар,

Сарыарқа сары белі бар,

Өрісті шалқар көлі бар

Сағындым мен кырымды.

Өзенді, көлді жайлаған,

Кермеге тұлпар байлаған,

Хабарсыз арам ойлардан

Сағындым мен аулымды.

Жібектей шашы оралған,

Қыпша белі кыналған,

Еркесі қырдың бұралған

Сағындым мен сәулемді.

Айналып-толғап өсірген.

Ақ сүтін беріп кешірген,

Тастамайтын есінен

Сағындым ғаріп анамды.

Мал бағып, шауып ойнаған,

Үйреткен асау байлаған...

Көк жасыл шебі жайнаған

Сағындым еркін даламды.

Қымызы бал шараптай,

Жігіті бағлан манаптай,

Тұлпары тарпаң қанатты

Сағындым бейбіт елімді.

Таулары биік қиялы,

Орманы шалғын миялы,

Жылқы, қой, сиыр, түйелі

Сағындым Арқа - жерімді.