Ашық сабақ."Обал мен сауап"

                                                                                                                                                                    Бекітемін                                                                               Ермекова С   

Өзін- өзі тану  пәні сабағының жоспары

Мектеп      Мұнайлы  ауданы  № 5 орта мектеп   Мерзім 08 .02.2016 жыл

Мұғалім      Тұрғанбаева  Баршын    Сынып   2 «Б»   Оқушылар  саны  24

Тақырыбы   Обал мен сауап    Құндылық   Дұрыс  әрекет  

Қасиеттер  Қарапайымдылық, әдептілік, ынтымақтастық

Сабақтың мақсаты:  Оқушыларға  адами  қарым-қатынастағы ең басты  әдептілік   екенін үйрете отырып, дұрыс әрекет  құндылығының  мәнін  ашу. Міндеттері: Білімділік. Оқушыларға адами қарым-қатынастағы игі әрекеттерді  жан-жақты  аша   отырып  ұғындыру; Дамытушылық: Оқушылардың  қарапайымдылық, әдептілік, ынтымақтастық  қасиеттерін  дамыту; Тәрбиелік: Оқушыларды  қарапайымдылыққа, әдептілікке, ынтымақтастыққа тәрбиелеу

Ресурстар күнделік, дәптер,оқулық

Сабақтың барысы: Ұйымдастыру кезеңі.  Т-5 ережесін сақтау   (Тәртіп,  тазалық, талап, татулық, тыныштық) Тыныштық сәті. Нұрға бөлену. Ыңғайланып  отырыңыздар,  денелеріңізді түзу ұстаңыздар.  Аяқ- қолыңызды   айқастырмаңыз. Қолыңызды тізеңізге, немесе үстелге қоюға болады. Көздеріңізді жұмуларыңызды  өтінемін.      Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек қалауыңызды  шайіп, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп,сәуле шашуда. Қолыңыз тек жақсы, ізгі істер істейді және  баршаға көмектеседі. Нұр аяқтарыңызға тарады.Аяқтарыңыз тек жақсылық жасау үшін жақсы жерлерге апарады.Олар нұр мен махаббат құралына айналады. Одан  әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды  құлақтарыңызға бағыттаңыз, құлақтарыңыз тек жақсы сөз бен әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек  ізгі, сәулелі ой келеді.    Нұр бірте-бірте қарқын және шұғылана бастайды, сіздің денеңізден шығып, жан- жағыңызға  сәуле шашады. Осы нұрды туысқандарыңызға, мұғалімдеріңізге, достарыңызға бағыттаңыз. Нұрды уақытша түсініспей, ренжісіп жүрген адамдарға бағыттаңыз, олардың да жүрегі нұрға толсын.  Осы нұр бүкіл әлемге: барлық адамдарға, жан- жануарларға, өсімдіктерге, барлық тірі жандарға таралсын. Ғаламның барлық түпкіріне  нұр бағыттаңыз: Ойша айтыңыз «Мен нұрлымын, Нұр менің ішімде, Мен Нұрмын»       Осындай Нұр, махаббат және тыныштық күйінде  отыра тұрыңыз. Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рахмет! Оқушылар өз әсерлерімен бөліседі. 2. Үй тапсырмасы: №19 А.Естеновтың «Көк алма» өлеңін оқып, мазмұнын айтып беру. Қойылатын сұрақтар: ·        Обал дегенді қалай түсінесіңдер? ·        «Обал болды», «сауап болады» деген сөздер қандай жағдайларда айтылады? ·        Обал мен сауаптың айырмашылығын қалай ажыратуға болады? ·        Сіздің  өзіңіз қандай сауап немесе обал істер жасадыңыз? Міне оқушылар біз әрқашан  тек жақсылық жасап жүрсек сауап істер жасайды екенбіз. Олай болса біздің бүгінгі  сабағымыздың тақырыбы да «Обал мен сауап» екен. 3. Дәйексөз                       Обалды  біліп  өссең, сауапқа кенелесің                                                                            (Халық даналығы) -Дәйексөздің мағынасын қалай түсінесіңіздер? Дәйексөздерді  ұлдарға  бөлек, қыздарға бөлек оқыту соңында хормен  оқыту. Дәйексөзді  дәптерлеріңізге жазып алыңыз.   4. Әңгімелеу Торғай                  Сен бақша арасындағы жолмен келе жаттың, қасыңда итің бар. Итің алдыңда  кетіп бара жатыр еді. Кенет ол жүрсін тежеп, құстың иісін  сезгендей-ақ  төрт тағандап бұға бастады. Ілгері жол  бойына қарасаң, торғайдың сары жағал, ақ үрпек балапанын көрдің. Ол ұясынан құлап түсіпті.... Сенің әрекетің....? Мұғалім: Ия балалар,балапанға көмектескендерің үлкен сауап болды, өйткені адамның, жануардың, табиғаттың қиналғанын көре тура, оған жақсылық жасамау обал болады. Сауап-табиғатқа қамқорлық көрсету, адамға жақсылық жасау, жақсы іс істеу дегенді білдіреді екен. Егер обал, сауап сөздерінің айырмашылығын білсек, біз жақсы тәртіпті оқушы болып өседі екенбіз. Сұрақ – жауап Бейнефильм көрсету 7. Шығармашылық жұмыс І-топ  «Обал болады» сахналық қойылым ІІ-топ  «Сауап болады» сахналық қойылым ІІІ-топ  Обал мен сауап туралы өлең жазыңыз 8. Топпен ән айту Болайықшы мейірімді Көктем етіп көркейтсе де маңайын,  Көріп жүрміз өкпешілдің талайын.  Өшігуді қояйықшы өзгеге,  Кешірімді болайықшы, ағайын! Көк нөсерін көл етсе де жауындар,  Көк пен жерді сел етсе де дауылдар.  Пейілдерді пенделікпен тарылтпай,  Мейірімді болайықшы, бауырлар! Болашаққа қол ұстасып барайық,  Ақиқаттың ауылын іздеп табайық.  Кішірейіп кетпес ғазиз басымыз,  Кішіпейіл болайықшы, халайық! Ел болғанмен емеспіз ғой онша көп,  Сонда дағы бөлінумен шаршап ек.  Өзімізге қалайтұғын нәрсені,  Тілейікші өзгеге де, болса деп! Ұлттың қамын жүректермен ұғынып,  Жұрттың жүгін көтерейік жұмылып.  Қаратайық Құбылаға жүздерді,  Таратайық адамзатқа жылылық! Үйге тапсырма  № -сабақтың   бетіндегі «» мәтінді оқып келу. Дәптермен жұмыс Өздеріңіздің бойыңыздағы жақсы қасиеттерді жазып келу. Соңғы тыныштық сәті (Баяу музыка қосылады) Тыныштықта бүгінгі сабақты есімізге түсірейік. Бүгінгі сабақтан алған жақсы қасиеттерімізді жүрегімізде сақтайық. Келесі кездескенше сау болыңдар!