Ашық тәрбие сағаты "Әдептілік-әдемілік"

Тәрбие сағатының тақырыбы: Әдептілік - әдемілік.
Тәрбие сағатының мақсаты:

Білімділік: оқушыларды кішіпейілдікке, үлкендерді сыйлауға, адам бойындағы ұнамды қасиеттерді сіңіріп, ұнамсыз қылықтардан жирену сезімін тудыру арқылы әдеп әліппесін бойларына дарыту.
          Дамытушылық: тіл байлықтарын, таным белсенділіктерін арттыру.
          Тәрбиелік: адамгершілікке, кішіпейілділікке, әдептілікке, сыпайылыққа тәрбиелеу. Өз - өздерін басқаруға, еркіндікке машықтандыру.
Сабақтың түрі: тәрбие сағаты.
Типі: өнеге сабақ.
Сабақтың көрнекілігі: интерактивтi тақта, слайдтар.
Сабақтың барысы:

1.     Ұйымдастыру кезеңі.

Ой толғау (видео арқылы)
         Бүгінгі біздің тәрбие сағатымыздың тақырыбы: Әдептілік - әдемілік!
- Олай болса, әдептілік деген не?
- Әдепті бала қандай болу керек?
- Әдептілік туралы қандай мақал - мәтел білесіңдер?
- Әдептілік неден басталады? (сәлемдесуден)
«Білер қазақ баласы,
Сәлем - сөздің анасы»
Алдымыздан кезіккен,
Көп танысты көреміз.
Бәріне де ізетпен
Біздер сәлем береміз.
- Сәлеметсіз бе, ағай!- деп
- Сәлеметсіз бе, апай!- деп
- Есенсіз бе, әжей!- деп
- Амансыз ба атай!- деп
- Ұл - қыз сәлем береміз,
Өнегелі өренбіз.

Сәлемдесудiң түрi:
Ойын: «Не істеуге болмайды?» «Не істеу керек?»

1-топ:

Сабақтан...(кешігуге болмайды.)

Үлкендерді..(сыйлау керек)

2-топ:
Амандасуды... ( ұмытпау)

Ата - ананың...(тілін алу керек )

3-топ:
Оқу құралдарды... (күтіп, таза ұстау тау )

Көлікте өзіңнен үлкен адамға... (орын беру)

1. Сұраққа – жауап:

1-топ:
1.Көшеде біреу жөн сұраса не істейсің?
- Асықпай түсіндіріп беру.

2.Автобуста өгде адамдарды көргенде не істейсің?
- Үлкен кісілерге әрдайым орын беру керек.

3. Көркіне, киіміне, ақшасына қарап әдепті деп айтуға бола ма? Не ақшаға сатып алуға бола ма?
Жоқ.
2-топ:
1.Үлкен кісімен қалай сөйлесу керек?
- Үлкен кісімен «сіз» деп сөйлесу керек.
2. Күнде таңертең мектепке келгенде не істейсің?
- Мұғалімдермен, достарыңмен амандасамын.

3. Сіз дүкенде кезекте тұрсыз. Сізден кейін егде тартқан қарт адам келіп тұрды. Қайтер едіңіз?

3-топ:
1.Тамақ ішіп болғаннан кейін не істеу керек? 
- Аспазшыға, анама рахмет айтамын.
2.Әдептілік қайдан басталады?
- От басынан, кішкентай кезден басталады.
3. Әдепсіз адам бола ма? Болса дұрыстауға бола ма?
Болады. Бірақ көп уақыт кетеді. Өзін - өзі жеңе білу қажет.
Орнына қою.

Әдептілікке жататын қызыл жүректер белгілерін тастап, қара жүректерді алып тастау. Орнына қою.
          Шыншыл, инабатты,тәртіпті, әділ, тәрбиелі,өнегелі, кішіпейіл, ұқыпты, әдепті, өтірікші, ұрлық жасау, өсекші, ешкімді тыңдамау, амандаспау, өркөкірек, мақтаншақ, қызғаншақ – бұл сөздерді өздері тауып айту қажет. 

«Құпия хаттарға» жауап беру
Әр топқа құпия хаттар жазылған конверттер таратылып беріледі. Жауабын әр топ ойланып , ақылдаса отырып айтады.
Хаттардың мазмұны:
1 хат. Құрметті достар! Менің көршімнің бір баласы бар. Өзі өтірікші көзбе - көз өтірікті айта қояды. Маған күнде келіп ойнағысы келеді. Мен онымен дос болып бірге ойнайын ба?
2 хат. Құрметті достар! Менің де бір досым. Өзі мақтаншақ. Ойнап жүргенде үй ішін айтып, нәрселерін айтып, бөсіп мақтанады. Мен онысын ұнатпаймын. Бірақ ойынды жақсы ойнайды. Мен осы баламен дос болайын ба, айтыңдаршы?
3 хат. Құрметті достар! Партада менімен бірге бір бала отырады. Ойнап - ойнап тапсырмасын орындамай, жазбай келеді. Мұғалім сұрағанда қысылады. Сабақты менің дәптерімнен көшіріп алады. Мен бермесем, «Сен сараңсың» - дейді. Мен не істеуім керек?

Қане, ойланайық:
1. Айнұр көрші апайға күнде көріп жүрмін ғой, бүгін амандаспайыншы,- деп ойлап қасынан өте шықты. Жалғастыр...
2.Көшеде келе жатқан атаға бір бала әдейі соқтығысты. Жалғастыр...
          Әдемi билеген де, әдептiлiкке жатады. Олай болса, «Қара жорға» биiн тамашалаңыздар.

Оқушылар, бүгінгі тәрбие сағатының үлкен тәрбиелік мәні мен мазмұны бар. Барлықтарың «әдепті бала» қандай болу керек екенін жақсы ұқтыңдар. Алдағы уақытта тәртіпті де, тәрбиелі ұл - қыз болып, адамгершілік қасиеттерді биік ұстап, мектеп ішінде, үйде, қоғамдық жерлерде өздеріңді де, өзгені де сыйлайды деп сенемін!

Осымен, «Әдептiлiк – әдемiлiк» атты ашық тәрбие сағаты аяқталды. Сау болыңыздар!