Ашық тәрбие сағаты 7 сынып

        16 Желтоқсан - Тәуелсіздік күні (Тәуелсіз елім – тірегім)

Сынып сағат мақсаты: Оқушылардың ойында елжандылық сезімін қалыптастыра отырып, туған елі мен жеріне деген сүйіспеншілігін тәрбиелеу, тіліміз бен тарихымызға құрметпен қарауға тәрбиелеу;

Сынып сағат көрнекілігі:  Нақыл сөздер , желтоқсан оқиғасының құрбандарына, желтоқсан оқиғасына байланысты жасалған буклеттер,Ту,елтаңба суреттері

Армысыздар, құрметті ұстаздар, оқушылар және қадірменді қонақтар!
Сынып сағат барысы:
Әнұраным жанұраным
Айтар әнім, сөйлер сөзім.
Туған жерім – сағынарым
Мәңгі бақи шырқалады, 
Республикам әнұраны, - дей отырып әнұранды шырқаумен сабақ басталады. Ортада Сөзі:Ж.Нәжімиденов,Н.Назарбаев;Әні:Ш.Қалдаяқов «Менің Қазақстаным» ойналады. 
         Тәуелсіз елім тірегім тәрбие сағатын бастамас бұрын,сіздерді бұл мерекенің маңызымен таныстырып өтейін. Алтайдан Алатауға дейін ұлан-ғайыр жерді мекен еткен ата-бабаларымыз тәуелсіздікті арман еткен.Осынау кең даланы көк найзаның ұшымен,сом білектің күшімен қорғаған бабаларымыздың аманатын орындау үшін талай боздақтар жанкештілікке барған.Қаракерей Қабанбай,Қанжығалы Бөгенбай батырлардан бастап,Иса Досан,Шотан батырлар,беріректе Бауыржан,Мәншүк,Әлия сынды батырлар сол ел қорғауды ұран еткен,сол үшін құрбан болып,ел құрметіне бөленген батырлар.

 Ресейдің езгісінде болып,тіліміз бен дініміз безіп,орыстанғалы тұрғанда Қайрат Рысқұлбеков,Ләззат Асанова сияқты қыршын жастардың құрбандыққа баруы арқасында ғана тәуелсіздік алып,егеменді ел болдық.
Ерлерді ұмытса да ел, сел ұмытпас,
Ерлерді ұмытса да ел , жел ұмытпас,
Ел үшін жанын қиып, жауды қуған
Ерлерді ұмытса да ел, бел ұмытпас
Ел үшін төккен ерлер қанын жұтып, 
Ерлерді ұмытса да ел, жер ұмытпас
Арқаның селі, желі, шөлі, белі, - 
Ерлерді ұмытпаса ел ұмытпас, - деп Мағжан Жұмабаев ағамыз айтқандай дүниені дүр сілкіндіріп, Қазақ елінің бостандық туын көтерген ерлеріміз мәңгі есте қалары сөзсіз. 
Бүгінгі «Ұлытаулар аласармайды, 
Ұлы есімдер ұмытылмайды», деген рубрикамен өтілетін «Тәуелсіз елім тірегім» атты тәрбие сағатымызды ашық деп жариялаймыз. 

1-оқушы:
Тәуелсіздік түскен жоқ қой аспаннан,
Тарихы оның тым әріден басталған.
Бодандықтан құтқарам деп елімді,
Талай боздақ қара жерді жастанған.
2- оқушы:
Жазалаушы қара құрттай қаптады,
Қазағымды қырып – жойып таптады.
Сонда елімнің ұл – қыздары ардақты,
Қарсы шығып ел сенімін ақтады.
3- оқушы:
Жалғыз Отан –адамның жүрегі ғой,
Ер жігіт туған жерін сүйеді ғой.
Ел үшін Желтоқсанда құрбан болған,
Ербол, Қайрат – нағыз ердің бірі еді ғой.

4 – оқушы:
Сәбира, Ләззат сынды жауқазындар,
Жетілмей ерте солған гүл еді ғой.
Болашаққа даңғыл жол салып берген,
Боздақтар мәңгі айтылар жыр еді ғой.
5- оқушы:
Желтоқсан – тарихымда әйгілі күн,
Ерттеп мініп ар – ождан сәйгүлігін
Ерлерім елдік үшін атой салып,

Еншілер қайтарған бәйгелі күн.

6-оқушы

Қуаныш аралас қасіретпен,
Ерлік жолда қаншама ғасыр өткен.
Еркіндік, ерлігін сақтау үшін,
Талай ердің бұл жолда басы кеткен.

Желтоқсан құрбандарын еске алып 1 минуттық үнсіздік жарияланады.

Мұғалім сөзі:

 Тәуелсіздік-тірегім алмас үнді,

Тәтті үміті халқымның сан ғасыры

Көк байрақты,кемеңгер кемел ойлы

Келбетіңнен көремін жалғасымды

Көрініс: «Егемендік деген не?» (Атасы мен немересі Ақырын басып қарт шығады. Орындыққа келіп дем алып отырады. Осы кезде жүгіріп немересі келеді.)

Немересі: - Ата, не ойлап отырсыз?

Атасы: - Ә, балам, атаң не ойлайды дейсің! Сенің болашағыңды ойлаймын, еліміздің болашағы жайлы, өткен өмір жайлы ойлаймын.

Немересі: - Ата, өткен өмір деген не?

Атасы: - Ә, балам, «Өткен өмір» сонау ежелгі ата-бабаларымыздың ерте кезден белгілі өткен өмір жолы, тарихы емес пе?

Немересі: - Ал, ол қандай болған?

Атасы: - Ендеше, тыңда балам, атаң бір сөйлесін. Болмаса да оқыған тарихшы атам, Жинады ескілерден тарих хатын. Мақсатым, кейінгі ұрпақ ұмытпаса, Айтылған аталардың аманатын. Сондықтан балам, сен де өз тарихыңды білуге тиістісің, сонау ерте кезде біздің ата-бабаларымыз Қазақ руларының басын қасып, халық болып қалыптасуынан басталады бұл тарих. Ал, балам, тарихты тыңдайық.

Бейнефильм

2-жүргізуші: (Бейнефильм салынған жылдар бойынша, өткен өмір туралы әңгімелейді.)

Атасы: - Бұған да тәубә. Егемендік алып, әлем таныды ғой елімізді.

Немересі: - Ата. «Егемендік» деген не?

Атасы: - Егемендік – «иесә мен» деген сөз, Көптен бері естілмеген ерен сөз, Екі тізгін, бір шылбырын өзі алған, Көркем жігіт болып өссе көген көз. Егемендік ел болудың белгісі. Басқа жұртпен тең жұлдызы,тең күні, Егеменді деген сөзден естілер, Ата жұрттың арғысы мен бергісі – Міне «Егемендік» деген осы. Енді міне, желбіреген көк байрағымыз, айбынды ән ұранымыз, жарқыраған елтаңбамыз төрімізде ілулі тұр. Егемендік Еліміздің келешегін өзің сияқты ұрпақтарыма тарих етіп баяндап аталарың тұр. Ұмытпаңдар айналайын ұрпақтарым!

Мұғалім сөзі: Балалар,өткенге шолу жасайықшы? Өткен жылдар қандай ерекшелктерімен есімізде қалды?Сол туралы ойымызды ортаға салсақ.

1991 жылы 1-желтоқсанда Республика жұртшылығы тұңғыш рет Н.Ә.Назарбаевты республикамыздың президенті етіп сайлады.

1991 жылы 16 желтоқсанда Қазақстан республикасының жоғарғы сессиясы «Тәуелсіз демократиялық және құқылы»мемлекет деп жарияланды.

1992 жылы 4 маусымда Президент Қазақстан Республикасының мемлекеттік жалауы,елтаңбасы,әнұраны туралы ҚР-ның заңдарына қол қойды.

1995 жылы 30 тамызда Тәуелсіз ҚР-ның тұңғыш Ата заңы қабылданды.

1993 жылы 12 қарашада төл теңгеміз дүниеге келді

1996 жылы 16 желтоқсанда Алматыда Тәуелсіздік ескерткіші ашылды

1997 жылы  Астана Ақмола қаласына көшірілді.
Би: Қазақ биі

Мұғалім сөзі: Отан дегеніміз-әр адамның туып өскен жері,туған туыстарымен,жақындарымен бірге тұратын атамекені. Ендеше Тәуелсіздік деген сөзді қалай түсінесіңдер?

 

Тәуелсіз елім – тірегім, туған тілім – жүрегім!

Қорытынды:

Бір ата,бір ананың түлегіміз

Бір болсын қайда жүрсек тілегіміз

«Бірлік барда,тірлік бар» деген бабам

Бірлік деп бірге соқсын жүрегіміз!-дей отырып,ашық тәрбие сабағымызды қорытындылаймыз!