Ашық тәрбие сағаты: "Сыйынар ем,ана деген тәңірге!"

Ақтөбе қаласы

№37 орта мектебінің бастауыш класс мұғалімі

Утенова Г.Е.

Тақырыбы: «Сыйынар ем, ана деген тәңірге!»

Мақсаты:Оқушыларға 8-наурыз туралы түсінік беру.Балаларды барлық аналарға деген сүйіспеншілікке баулу,ана еңбегін ардақтап, құрметтей білуге тәрбиелеу. Аналар мен әжелерді, қыздарды халықаралық 8-наурыз мерексімен құттықтау.

Көрнекі құралдар: плакат, шар, сөздер, магнитофон,суреттер, альбом, буклет.

Сабақтың барысы:

Бастаушы:Адам бойындағы барлық жақсы қасиет күннің нүрынан, ананың сүтінен таралған.Сондықтан құрметті асыл аналар, қадірлі апалар, қызғалдақ қыздар бүгінгі “Cыйынар ем ана деген тәңірге” атты ертеңгілігімізді сіздерге арнаймыз.

1-жүргізуші:

Қуанышы баланың-

Қуанышы ананың.

2-жүргізуші:

Қуанышы ананың-

Қуанышы баланың.

1-жүргізуші:

Бізді өсірген анашым,

Еңбегің де зор екен.

2-жүргізуші:

Құтты болсын, анашым,

Құтты болсын мерекең!

Хор : «Құттықтаймын, ана, туған күніңмен!»

Айгерім

1.Жан анам, құттықтаймын, мейрамыңмен,

Көктемнің құлпыра бер нарт гүлімен.

Өрлесем елің берген бақыт бағың,

Жазбасын шат көңілің, шат күйінен.

Әділжан

2.Бала, бала, бала деп,

Түнде шошып оянған;

Түн ұйқысын төрт бөліп,

Түнде бесік таянған;

Аялы қолды талпынтқан,

Қаймақты сүттей қалқытқан;

Суық болса жөргегін,

Қорғасындай балқытқан;

Айналасына ас қойып,

Изенді көлдей шалқытқан;

Қолын қатты тигізбей,

Кірлі көйлек кигізбей,

Иісін жұпар аңқытқан

Бұл кім?

Бәрі: - Ана

Аңсаған

3. Сөздерді ең аяулы,

Жақсы көріп жаттадым.

Енді білдім оларды

Кімнің ойлап тапқанын.

«Ана» деген сөзді де,

«Аға» деген сөзді де,

«Әке» деген сөзді де,

«Тәте» деген сөзді де,

«Ата» деген сөзді де,

«Апа» деген сөзді де, -

Ойлап тапқан балалар!

Аружан

«Жаным, күнім» дегенді,

«Құлыншағым» дегенді,

«Ботақаным» дегенді,

«Қошақаным» дегенді,

«Айналайын» дегенді,

«Толған айым» дегенді,

Ойлап тапқан аналар!

Ардақ

4.Анам мені: «Айым» - дейді,

Мен мұңайсам, уайым жейді,

Анам мені: «Күнім» - дейді,

Мен қуансам, күлімдейді.

Арман

5. Әлемдегі ақылды адам,

Бәрінен сол жақын маған!

Ол жанымда жүрсе ,мен де,

Батырларша батылданам.

Саида

6. Мәпелейсің мені, анам,

Қолыңдағы құсыңдай.

Құлпыра өсіп дем алам,

Құшағыңда қажымай.

Нұршат

7. «Күнім»,- дейсің мені,

Күн мейірі сенде.

Күннің ыстық лебі,

Құшағыңа тең бе?

Айналайын ,ана! (бірге)

Бейбарыс

8. «Жаным»,- дейсің мені,

Жаратушым бір сен.

Жалғыз өзің тегі,

Жанашырым білсең.

Айналайын ,ана! (бірге)

9. «Құлыным», - деп мені,

Құрақ ұштың дәйім.

Қамқоршым-ау, сені

Қалай ұмытайын.

Айналайын ,ана! (бірге)

Нұрмұхан

10. Таусылмайды өлеңі,

Күнде айтып береді.

Барған сайын бір жаққа

Кәмпит алып келеді.

Әжем мені, өйткені,

Өте жақсы көреді.

Көрініс

1-жүргізуші:

Болар күнде алаң,

Жанашыр кім саған?

Бәрі:Анам

2-жүргізуші:

Болсаң егер жаман,

Кейитін кім саған?

Бәрі:Анам

1-жүргізуші:

Таң қалғандай ғалам,

Кім ең сұлу адам?

Бәрі:Анам

2-жүргізуші:

«Боташым» дер саған,

Кім сүйікті адам?

Бәрі:Анам

Т.Димаш

11. Жамандықтан сақтандырып,

Жақсы ісімді мақтан қылып.

Мәпелелеген ақ мамамды,

Жүрсем деймін шаттандырып.

Динара

12.Еркелесем, күлімдейтін,

Ұрысқаны білінбейтін.

Маңдайымнан иіскеп менің,

«Құлыншағым, күнім», - дейтін.

Диас

13. Айналайын, анашым,

Көкте нұр боп жанасың.

Ет жүрегің елжіреп,

Құшағыңа аласың.

Әділғазы

14. Көктемде көңілді,

Құстар кеп жатқанда.

Құлпыртып өңірді,

Гүл ектік бақтарға.

Ильнура

15. Гүл ектік аулаға,

Көктемде көңілді.

Бақта да, бауда да,

Ақ гүлдер өрілді.

1-жүргізуші:

Сен жалықпай жетектеп,

Мен жаттыға жетермін.

Айтқаныңды екі етпей

Ақ сүтіңді өтермін.

2-жүргізуші:

Көрсетемін күллі елді,

Жарық етем түндерді.

Өсіріп мен сыйлаймын

Жұрт көрмеген гүлдерді,- дей отырып 8-наурыз мерекесіне арналған концертімізді аяқтауға рұқсат етіңіздер.

Ән:  “Әрқашан күн сөнбесін!”

Бәрі:

Бәрі жақсы ананың,

Бәрі де оның керек-ау...

Бірақ әрбір баланың

Өз анасы бөлек-ау!