Ашық тәрбие сағаты, Тақырыбы: "Ұстаз деген -ұлағатты ұлы есім, Тек жақсылық ұстаздарға тіледім!"

Тақырыбы: "Ұстаз деген-ұлағатты  ұлы  есім,

                     Тек жақсылық ұстаздарға тіледім."

Мақсаты: Ұстаз ұлы  есім екенін ұғындыру, мәнін ашу, ұстаздарға деген  құрмет сезімін қалыптастыру, еңбегін бағалай  білуге, тәрбиелеу.

Көрнекіліктер: мақал-мәтелдер, суреттер, цитаталар

Барысы:

1) Ұйымдастыру  кезеңі.

2) Ойлан тап.

         Тәрбие  сағатының аты  шығады.

Ұ-ұлағатты

С-сыпайы

Т-талантты

А-ақылды

З-зейінді, зерек.

Адам өиіріндегі ең қымбат жанның  бірі-ұстаз. Ұстаз! Осы бір сөздің  өзінде  көп  мағына  жатыр. Өмірдегі  қоғам  қайраткерлері, небір данышпан адамдар бәрі бәрі  бір адамға  қарыздар.Ол -ұстаз.Ұстаз деген киелі, ардақты  үлкен құрметпен айтылатын сөз. Ол әр адамның  жастайынан сауатын ашатын, өнеге  үйретіп,  тәрбие  беретін, сені  білім кемесіне  отырғызып,  болашаққа  жол көрсететін  адам. Ол-ұстаз!

Ақырын жүріп  анық бас,

Еңбегің  кетпес далаға,

Ұстаздық еткен жалықпас

Үйретуден балаға,- дегендей,  шынында  ұстаз еңбегі ұлы  да ұлағатты еңбек.. Науан Еңлік: "Мұғаліммін"

Хор: "Ақылшым мұғалім" әні.

Ерзат:

Ұстаз деген ұлағатты  ұлы  есім,

Тек  жақсылық ұстаздарға  тіледім,

Құттықтаймын мерекеңмен бүгінгі

Ұстаздарға  басымды  мен иемін.

Нұрғасыр:

Ғылым иесі ғалымда,ел қорғаған батырда, тілінен бал тамған ақында,  диқанда,  шопанда бәрі  бәрі  ұстаздан  білім-тәлім алған. Сондықтан ұлағатты  ұстаздар сіздерге  бүкіл адам  баласы бас иеді.

Нұрай:

Ұстаз сөзі күн  нұрына  пара-пар,

Шәкірт оның  әр сөзінен нәр алар,

Ізгілікпен мейірімге  толы  ол.

Шуақ болып жүректерге  таралар.

Дариға:

Ұстаздықтан асқан қиында,  қызықты  мамандық жоқ.Өйткені  оның  жауапкершілік  өлшемі- адам тәрбиелеу.

Динара:

Мұғалім зор  тұлға, мен ұстаздарды  күннің  құдіретті сәулесіне  теңеймин.

Аяна:

Мұғалім әділ де турашыл,  жоғары  мәдениетті, салмақты сипатты да, әдепті, кішіпейіл, мәңгілік  нұрдың  қызметшісі. Ол барлық оймен қимыл әрекетіне ақылдың  дәнін сеуіп нұр  құйатын,  тынымсыз лаулаған жалын иесі.

Алия:

Сүйікті  ұстаз - баланың  өмірге  қарайтын мөлдір  де  таза  әйнегі.

Дильназ:

Мұғалім

Бұл адамның  ардақты  аты,

Білімді  бар биікке  шығар саты.

Ең  алғаш осы  адамнан басталады.

Сыйлайды  барлық қоғам,  барлық адам мұғалімді.

Әсем:

Үйретіп  өмір ұстағын,

Үлгілі іске нұсқадығң.

Ақкөңіл іскер қашанда.

Ақылшым менің-ұстазым.

Әлішер:

Анашымдай Сыр шерткен.

Ақыл білім үйреткен.

Ана  тілін оқимын.

Ерекше  зор құрметпен.

Алтынай:

Білім  беріп көзді  ашқан

Ақылшым  досым ұстазым.

Мейірімнен сен ашқан.

Адалдық жолын нұсқадың.

Диана:

Тәрбиелеп мәпелеп,

Өрлеткен өмір шыңына

Жөн сілтеп өзің  жетелеп.

Ғылымның  жаңа тыңына.

Ақтілеу.

Мектеп, сенсің адалдықты  үйреткен.

Мектеп сенсің жамандықты  күйреткен.

Мектеп сенсің  жақсылықты ұран қылып.

Мектеп сенсің  мені  жұртқа   сыйлы еткен,

Мектеп деген білім кені, жыр кені.

Мектеп деген  ғылымның  ең  үлкені,

Мектеп деген тәрбиеші  адамға.

Мектеп деген даналардың  мекені.

Елдар:

Болса менің  кішкене бір табысым,

Қорғағаным ұстазымның  намысын.

Ұстазымша  білсем деймін өмірді.

Ұстазымша  болса деймін әр ісім.

Әлішер:

Қамқор  болған жасымнан.

Сипалаған басымнан.

Қуанышта  қайғыда

Табылады қасымнан,

Кім еді,  ол балалар?

Мұғалім  туралы  шығарма оқу.

Еңлік:

Ұстаз біздің  анамыз.

Оянады  санамыз.

Жігерлі  бол жастан деп,

Үйретер ұстаз данамыз.

Айтқаныңды  ұғамыз,

ияға  қанат қағамыз.

Мерекеңмен құттықтап.

Жүректен жырлар  жазамыз.

Жүректен-жүрекке

Алтынай:

Ұстазымның әсерлі  үні,  сөйлеген сөзінен, қамқорлықтың  иісін сеземіз. Ұстаздар сіздерді  мейірімді  жүрекке  теңеймін. Ұстазым мейірімді де,  мерейлі  болсын.

Ерзат:

Ұстаздық еткен жалықпас 

Үйретуге  балаға,-деп Абай  атамыз айтқандай,  ұстаз еңбегінің  қыр сыры  мол,  қиында жауапкершілікті  жұмыс екенін мойындаймыз. Ұстазыма сабырлылық,  шыдамдылық тілеймін.

Аяна:

Ұстазыма шырақ болып жанып,  көшбасшы  болып жүруін тілеймін.

Ақтілеу:

Бала бойына  ата-анадан кейінгі ақыл-ой , адамгершілік, әдептілік, сана  сезімді сіңіруші адам мұғалім. Ұстаздарыма зор  денсаулық тілеймін.

Науан: Бұл күн мен үшін ерекше,  себебі білімнің  асқар шыңына  жетелейтін ұлы  ұстаздар мерекесі. Ұстаздар сіздерге  шығармашылық табыс тілеймін.

Нұрай:

Бұл күн  мен үшін ерекше күн. Себебі білімнің  асқар шыңына  жетелейтін  ұлы  ұстаздар мерекесі. Ұстаздар сіздерге  ұзақ өмір тілеймін.

Хор: "Жарқын жүзді ұстазым! әні.

Жеке нөмерлер.

"Қырманға  кел қалқатай" әні, Науан, Нұрғазы, Елдар.

"Ақжайнақ" биі, Динара, Әлия, Дариға.

"Қошақаным " әні, Ерзат, Ақтілеу, Әлішер.

"Жаяу" әні, Еңлік, Әсем.

"Ақылшым мұғалім" әні, Нұрай, Аяна, Алтынай, Динан, Дильназ.

"Көңілді күн" әні, Жанель, Нұрай.