Ашық тәрбие сағаты. Тақырыбы: "Үстел үстіндегі ойын түрлері"

Оңтүстік Қазақстан облысының ББ «Шымкент №1 саңырау балалапрдың мектеп-интернаты» КММ-ң тәрбиешісі Тауасарова Лаззат

Тақырыбы: Үстел үстіндегі ойын түрлері.

Мақсаты:

1.     Оқушыларға ұлттық ойынын таныстыра отырып, негізгі ережелерді түсіндіре отырып, ойын тәсілін толық меңгерту.

2.     Оқушыларға үстел үстіндегі ойындардың негізгі шарттарын түсіндіру арқылы логикалық ойлау қабілетін, ой-өрісін толық дамыту ұқыптылыққа, жылдамдыққа үйрету. Оқушылардың дене бітімін дұрыс қалыптасуын жетілдіру.

3.     Оқушыларды ұйымшылдыққа, достық қарым-қатынасқа, ұлттық рухта саналы тәрбиелеуге бейімдеу. Қазақстан Республикасының Президенті Н.Ә.Назарбаевтың жыл басындағы халыққа Жолдауында рухани жаңғыру деген ұғымның өзі ұлттық сананың кемелдеуін білдіреді деген.

4.     Балалардың сөздік қорын молайту. Дыбыстардың дұрыс айтылуын қадағалау.

Меңгерілетін сөздер: жеңімпаз, дойбы ойыны, тоғыз құмалақ, шахмат, теннис.

Барысы:

Сәлемдесу.

-         Балалар, тәрбие сағатының тақырыбын бәріміз бірге оқимыз.

-         «Үстел үстіндегі ойындар».

-         Тәрбие сағатын мына бір өлең шумағымен бастаймыз.

Жабырқауды білмейміз,

Жалқаулықты сүймейміз.

Біз талапты жас ұлан,

Үлгі аламыз жақсыдан.

-         Балалар, үстел үстіндегі ойындардың қандай түрлерін білесіңдер?

-         (Шахмат, дойбы, қол күрес, теннис, тоғыз құмалақ.)

-         Дұрыс, балалар. Осының барлығы спорттық ойын түріне жатады. Олай болса спорттық ойын жайлы мақал-мәтелдер оқиық.

1.     Тәні саудың – жаны сау.

2.     Асық ойнаған азар, до ойнаған озар.

3.     Шынықсаң шымыр боласың.

4.     Спорт денсаулық кепілі.

-         Жарайсыңдар, балалар. Сендер спорт жайында көп мақал-мәтелдер біледі екенсіңдер. Енді тақырыпқа байланысты өлеңдер оқиық.

Спорт біздің досымыз

Күш қайраты сыналған.

Спорт біздің досымыз,

Бала кезден шыңдалған.

Денсаулық ол күлуің

Көңіл-күйің жадырай.

Денсаулық ол жүруің

Ешбір жерің ауырмай.

Басты байлық денсаулық

Бабаң айтқан даналық

Сақта жолын сен тауып

Осы шақтан балалық.

-         Ал, балалар, енді сергіту сәті.

-         Орындарымыздан тұрып, бәріміз бірге бой жазамыз.

-         Балалар, сендер спорт жайлы өлеңдер оқып жатырсыңдар.

-         Сендер спортты жақсы көресіңдер ме?

-         (Ия. Біз спортты жақсы көреміз.)

-         Балалар, сендер біздің мектебімізде қандай спорт үйірмесіне қатысасыңдар?

-         (Мен теннис үйірмесіне қатысамын.)

-         (Мен футбол үйірмесіне қатысамын.)

-         (Мен дойбы үйірмесіне қатысамын.)

-         (Мен күрес үйірмесіне қатысамын.)

-         (Мен би үйірмесіне қатысамын.)

-         Дойбы – бір жағынан ежелгі, екіншіден жас ойын. Ежелгі болатын себебі, ойынға арналған құралдар, сонау ерте заманда қазба жұмыстары кезінде табылған. Жас болатын себебі, ойын тәртібі уақыт ағысымен өзгеріске ұшырап, тұрақтандырылады.

-         Ойынның мақсаты – қарсыласының тастарын түгел жою немесе жүріс жолдарын бөгеп тастау.

-         Дойбы (орысша - шашки) – спорт ойын түріне жатады.

-         Олай болса, дойбы ойынын ойнайық. Екі шаршыға бөлінген тақтада он екі немесе жиырма таспен ойнайды.

-         Жарайсыңдар, балалар! Сендердің ойлау қабілеттерің өте жоғары екен. Енді үстел үстінде күш сынасамыз.

-         Күш сынасып, қол күрестіріп көрейік.

Қорытынды.

-         Үстел үстіндегі ойын – бұл күрес, ақыл-ой күресі. Егер сен жеңбесең, ол сені жеңеді. Үстел үстіндегі ойындарды ойнау арқылы алдымен жеңіле білуді, сонан соң жеңе білуді үйрену керек. ол үшін шыдамдылық қажет.