Қасиетті Құран Кәрім туралы 5 сыныптарға арналған

Тақырыбы:        Қасиетті Құран Кәрім. Адамата.

Мақсаты:  Тақырыптың  мазмұнын өмірмен байланыстыра отырып түсінуге  мүмкіндік беру. Мәтін идеясындағы  мәселелерді  жан –жақты іздестіру арқылы баланың шындыққа көзқарасын айқындауға жағдай туғызу.

Жалпы мақсат: Тақырыпты  түсініп оқи білуге баулу. Тілін, сөздік қорларын дамыту арқылы сабаққа деген қызығушылығын арттыру

Күтілетін нәтиже:       Оқушылар сыни тұрғыдан ойлайды, өз бетінше ізденеді, өз-өздерін ретке келтіре отырып бағалайды.

7 модульдің қолданылуы:   АКТ”, “Оқыту мен оқудағы жаңа тәсілдер”, “Оқыту үшін  бағалау және оқуды  бағалау”, “Сыни тұрғыдан ойлауға үйрету”,  “Оқытуды басқару және көшбасшылық”.

Қолданылатын әдіс-тәсілдер:      Миға шабуыл, топтастыру, Балық қаңқасы, Венн диаграммасы, сөзжұмбақ, тест.

Қолданылатын ресурстар: маркерлер, портреттер, интербелсенді  тақта, стикерлер, ноутбук

Ұйымдастыру кезеңі: Оқушыларды стикерлер бойынша 4 – топқа бөліп, әр топ «Алтын ереже» құрады.

Өткен тақырыпты қорыту: «Шешендік сөздер»

Тест

1.     Шешендік сөздер дегеніміз не?

А) белгілі бір адамның атына, іс –әрекетіне байланысты туады.

Ә) елге белгілі адамдардың қайсыбір оқиғаға байланысты айтқан тапқыр сөздері.

Б) өмірде сирек кездесетін немесе мүлде кездеспейтін, ойдан шығарылған оқиғалар баяндалады.

         2. Тайкелтірдің болашағын болжаған би?

               А) Төле би

               Ә) Әйтеке би

               Б) Қазыбек би

         3. Байдалы би Шоқанның атасы Уалиханның үйіне не үшін келді?

              А) Шоқанға келді.

              Ә) Көңіл айтуға.

              Б) Айтысуға келді.

         4. Бұқар жырау Қазыбек биге қандай тапсырма береді?

              А) «Қонақ үйдегі екі кісіні таласып жүрген ер – тұманымен осында әкелші» дейді .

              Ә) Бірден онға дейінгі санның мағынасын айт дейді.

              Б) Әлімнің кісілері өлтіргелі отырған ердің құнын сұрап кел дейді.

         5. Сырым мен Малайсары әңгімесінде кездесетін мақал – мәтелді тап.

             А) «Басқа пәле - тілден»

             Ә) «Тіл – қылыштан өткір»

             Б) «Орынсыз сөз өзіңе тиер» (5 мин)

Жаңа тақырыпты түсіндіру:

         Оқушылар мен бүгінгі сабақтың эпиграфы ретінде Елбасымыз Н. Ә. Назарбаевтың сөзін алғым келіп отыр: «Саясат күнде өзгереді, ал дін тұрақты. Біздің тегіміз – түрік, дініміз – ислам екенін ұмытпауымыз керек. Ол үшін қасиетті кітап Құран Кәрімді насихаттауды естен шығармауға тиіспіз»

         Интерактивті тақтадан «Қасиетті құран кәрім» туралы видеоролик көрсету. (4 мин)

         Құран Кәрім туралы түсінік беру.

         Құран – Ислам негізінің ең басты кітабы. Ол діннің ғана емес, араб әдебиетінің классикалық үлгісі. Құранда тарих, әдебиет, шариғат, салт – сана, әдет – ғұрып, тазалық, әділдік, шипагерлік сияқты жан – жақты бай мазмұн қамтылған.

         Құранда 114 – сүре бар. Құран Кәрім аяттарын Алла Тағала Жәбірейіл періште арқылы пайғамбарымыз Мұхаммед ғалайhиссаламға 23 жыл ішінде әртүрлі тарихи оқиғаларға байланысты уахи (хабар) түсірген. Діни кітаптардың соңы Құран болса, пайғамбардың соңы – Мұхаммед болған. Құранда 25 пайғамбардың есімі аталған, бұл пайғамбарлар жеке қауымдарға, бөлек халықтарға жіберілген болса, Мұхаммед – тұтас дүниежүзі халықтарының ең соңғы пайғамбары.

         Мұхаммед пайғамбарымыз 570 жылы Меккеде дүниеге келген. Ол 23 жыл пайғамбарлық сүрелерін адамзатқа жеткізумен болды. 63 жасында көз жұмды. (8 мин)

         Сергіту сәті. «Мен қазақпын» әні. (3 мин)

         Әр топқа жаңа тақырыпты абзацтарға қарай 4 – топқа бөліп оқуға беру және әр топтан бір оқушы тұрып түсінгендерін айтады. (10 мин)

         Аңыз бойынша Адам Атадан әлемдегі барша адамзат ұрпақтары тараған. Алла тағала Адам Атаға ерекше ілтипат көрсетіп, кеудесіне жан кіргізген соң, ілім-білімге, зиялылыққа үйретеді. Барлық періштелерге оның алдында бас иіп, бағынуға бұйырады. Бірақ Ібіліс Адам Ата мен Хауа ананы өз үгітіне иландырып, ақыр соңында олардың пейіштен қуылуына себепші болады. Бір күні олар серуендеп келе жатқанда ән-жыр, зәйтүн (Тәуратша – ізгілік пен зұлымдықты тану) ағашының бұтағында ширатылып жатқан жылан – Ібіліс Хауа анаға қарап тіл қатып, не себепті мына ағаштардан дәм татуға тыйым салғанын сұрады. «Біз күнәһар болмасын дегені ғой (Тәуратша: «Өліп қалмасын»), – деп жауап қатады Хауа Ана. «Бұл ағаштың жемісін жеуден тыюы – Тәңір сендерді періште болып кетпесін, ұжымақта мәңгі қалып қоймасын дегеннен басқа түкте емес» («Әғраф» сүресі. 7:12). Сөйтіп ол әзәзілденіп, Алла тағаланың өзі жаратқан пендесін күнәдан сақтамақ болған ниетін тонын теріс қаратып басқаша түсіндірді... Ібіліс жемісті үзіп алып аузына салып, құмардан шыққандай сүйсіне талмады. Осы тұстарды көне кітаптар әр түрлі уәждейді: бірі – жемісті үзіп алып берген жылан не жылан кейпін киіп, жыланша сөйлеп тұрған Ібіліс десе, екіншісі – қол созып жемісті үзіп алған Хауа Ананың өзі дейді. Үзіп жатқанда Әзірейіл періштенің елесін көрген. Алайда көңілі шын құлап кеткендіктен нәпсісін тыя алмаған. Тыйым салынған ағаштан өзі жегенімен тұрмай, Адам Атаға да жегізген... Ауызекі әфсаналар Адам Ата жемісті талмап жұта бергенде, бір періште жұтқызбаймын деп тамағына жармасқан. Ер адамның кеңірдегіндегі түйіншек тұрып қалған сол жемістің дәні екен-мыс деп хикаялайды.

         Топтық жұмыс.

І топ: Сөзжұмбақ:  «Құран»

1.     Біздің ұлтымыз кім? қазақ

2.     Соңғы пайғамбарымыз кім? Мұхаммед

3.     Құранды жаттап, жеті түрлі әуенге салып оқитын адам? қари

4.     Құранды жаттап, үнемі есіне сақтаған адам? хафиз

5.     Құранды орыс тіліне аударған? Баранов

ІІ топ: Топтастыру;

                    114 сүре бар                                            араб тілінде жазылған           

Құран Кәрім

 

                    Тәрбие                                      ислам дінінің басты кітабы

ІІІ топ: Балық қаңқасы;

ІV топ: Дискуссиялық карта (Шығармадағы жақсылық пен жаман істерді талдай отырып, кестені толтыру)

+	-
Адамды артық етіп жаратуы	Адамның шайтанның азғыруына еруі
Адамға жұмақта жақсы жағдай жасау	Шайтанның адамды азғыруы
Адамның жерге түсуі оның көбеюі үшін жақсы болды	Ібілістің адамға бас имеуі

 Сөздікпен жұмыс:

Алла – Ислам діні ұғымында күллі ғаламды жаратушы. Бәрі де бір Алланың құдіретімен болмақ. Бәрін өзіне лайықты сипатпен білуші.

Уаһи – хабар (Тек Жәбірейіл періште арқылы пайғамбарымыз Мұхаммедке аян беріп, құлағына сыбырлап айтуы нәтижесінде ғана түсірілді).

Сахаба – пайғамбарымыздың әрдайым қасында жүріп, уағыздары мен соғыс жорықтарына қатысып, ислам дініне үлес қосқан серіктері.

Хафиз – Құранды жаттап, үнемі есінде сақтаған адам.

Қари – Құранды жаттап, оны жеті түрлі қырағатқа (әуенге) салып сезінетін адам.

Ғайып – көзбен көрмесек те жүрекпен, иманмен сезінетін әлем, яғни, ғайып әлемі. Бұл жерде періштелерге Алла тағала Адам атаны жаратпай тұрғанда, ол ғайып (беймәлім) болып саналатын еді.

Сапиолла – Адам атаның шын аты.

Уасуаса- азғыру.

Қорытынды:

Ислам діні – Алла тағаланың Мұхаммед пайғамбар ғалейһи-салам арқылы жіберген ақиқат жолы, дүние жүзіне ең ықпалды әрі кең тараған дін. Ислам арабша мойынсұну, амандық, татулық деген мағына береді. Мұхаммед пайғамбарға түсірілген Құран Кәрімді өзінен бұрынғы кітаптардың растаушысы (барлық пайғамбарларға бұрын жіберілген өсиеттерді түгел қамтиды.) және Жаратушының ең соңғы өсиеті деп санайды.

Үйге тапсырма:

Бағалау: (топ басшылары тобындағы оқушыларды бағалайды)

Рефлекция: оқушыларға таратылған стикерлермен кері байланыс жасау.

Мұнайлы ауданы «№7 жалпы білім беру орта мектебі» КММ

 

Тақырыбы:  Діни әңгімелер. Қасиетті Құран Кәрім. Адамата.

                                                                  Өткізген: Тұрымова А. К.

                                                                  Күні: 26.11.2015ж.

                                                                  Сыныбы: 5 «д»

2015-2016 оқу жылы