"Ата-ана-алғашқы ұстаз" (ата-ана клубы)

«Ата-ана алғашқы ұстаз»

Ата – аналарға арналған ашық есік күнінің жоспары

І.Ұйымдастыру барысы:

• Клуб төрайымы және ата – аналармен сәлемдесу.

• Жоспарланған кездесудің тақырыбымен таныстыру.

• Үй жағдайында ерте жастағы балаларды дамытуға арналған бірқатар ойын түрлерін ұсыну және орындалу реттілігін түсіндіру.

ІІ.Негізгі бөлім

Құрметті ата-аналар! Балалардың жан-жақты дамуында ойын ерекше рөл атқарады. Ойын арқылы балалар қоғамдық тәжірибені меңгереді, өзінің психологиялық ерекшеліктерін қалыптастырады.Ойын үстінде бала өзін еркін ұстайды,ал еркіндік дегеніміз барлық дамудың баспалдағы. Сондай –ақ ойын баланың болашақ өміріне есік ашып, оның ізденімпаздық, тапқырлық қабілетін оятады. Осы тұрғыда баланың байқағыштық, зерттеп салыстыру, сезім қабілетін дамытуға, баланың заттарды белгілері бойынша тану, түйсіну қабілетін ұштап қана қоймай, сонымен қатар сөздік қорын молайтуға көмектеседі. Ерте жастағы балаларды дамыту үшін бірнеше ойын түрлерін ұсынып отырмыз. Алдымен біз өзіміз ата-ана үйренеміз. Содан соң меңгерген білімімізді балаға үйде жаттықтырып үүйретеміз.Әдетте ерте жастағы балалар пирамида құру, мұнара жасау және заттарды көлеміне,пішініне, түсіне қарай ажырата білуі тиіс. Ол үшін біз үй жағдайындағы қарапайым тұрмыстық заттарды қолдана отырып, балаларды ойын әрекеті арқылы дамытамыз.

Бірінші ереже: сәбидің қызығушылығын жоймау үшін дидактикалық ойынға арналған ойыншықтарды үнемі қолдануға бермеңіз.

Екінші ереже: ойын барысында бала басқа, өзге заттарға көңіл аудармауы үшін артық заттарды көз алдынан алып тастаңыз.

Үшінші ереже: ойындардың қарапайым да, қысқа болғаны жөн. Тіпті 5 минут та жеткілікті! Бірақ баланың бастаған істі аяқтауына көңіл бөліңіз. Содан соң ойынды басқа жаңа ойындармен алмастыруға болады – сол сәтте баланың зейіні қайтадан жанданғанын байқайсыз.

Әрбір екі-үш күн сайын ең болмағанда бір затты ауыстырып тұрған абзал.

Сосын адам бетінің суретін салып, іліп көріңіз.

Баланың назарын қозғалатын заттармен аудару оңай.

1. Ұсақ моториканы дамыту ойындары

Жаттығулар алдымен бір қолмен орындалады (егер де жаттығу екі қолдың бірге қатысуымен қарастармаса), содан кейін екінші қолмен, сосын екі қолмен бір уақытта.

Бірінші ең жеңілі орындалады. Жаттығу саусақтың қимылын, әсiресе қарама-қайшы әрекеттер жасағанда – заттарды кигiзiп-шығаруда қол қимылдарының үйлесiмдiлiгiн дамытуға ықпал етедi. Қуыс ойыншықтармен iс-қимылдар жасау барысында балалар сондай-ақ саусақ ұштарын жаттықтырады, бас бармақ пен орта және сұқ саусақтардың рөлi дараланады.

Үйде баланың жаттығуды дұрыс қайталауын, білектердің саусақтарының қалпын дұрыс сақтауын және бір қозғалыстан екіншісіне дұрыс ауысуын қадағалау керектігін айтады. Алайда балалар тапсырманы оңай орындаған жағдайда бiртiндеп қиындату ұсынылады.

Ересек адамның қадағалауымен ұстап көруге арналған ойыншықтар

Мақсаты:

Еліктеу қабілетін дамыта отырып, баланың ұсақ моторикасын дамыту; бір қозғалыстан екінші қозғалысқа ауысуға үйрету.

2.Фонематикалық есту қабілетін дамыту ойындары

Ата – анаға: Баланы үнемі тұрмыс заттарының дыбыстарын тыңдатып, оларды таныстырып отырғаны абзал. Балалардың назарын әртүрлi дыбыстар шығаратын түрлi материалдардан (ағаш, металл, қағаз, мата) жасаған заттарға аудару қажет; ақырын және қатты дыбыс шығаратын (дыбыстарды дауыстап қайталап отыру керек: бам-бам, тық-тық, дыз-дыз). Сiлкiлеген кезде, оның үлкен бөшкенiң iшiнде тықылдағанын тыңдаңыздар: “Тық-тық! Iшiнде бiрдеңе тықылдайды”. Балаға шашылған ойыншықтың iшiне өзiнiң қалауы бойынша кез келген затты жасыруына мүмкiндiк берiңiз. Кәмпит беріңіз.

Сырнай «ду-ду», қоңырау «динь-динь» деп сыбдыр «Кімнің дауысы екенін тап» деген сияқты ойындарды ойыншы ұтармен жүргізуге болады. ойынында балалар алдымен үлкен аю мен кішкентай қонжықты қарап алады. Содан кейін балаларға қатты дауыспен (топ-топ-топ) – үлкен аю келе жатыр және ақырын (топ-топ-топ) қонжық келе жатыр деп айтады. Тәрбиеші балалардың біреуіне аюды немесе қонжықты ойнап беруді ұсынады.

Баламен бірлесе отырып, қораптарға моншақ салынады және бос кораптарды да көрсетеді. Ата - ана балаға көрнекі түрде қораптарды бірнеше рет сілкіп көрсетеді. Балаға қораптардың айырмашылықтарын көрнекі түрде көрсетіп шығады. Екі жаққа бос ыдыс қойып дыбыстарды ажыратып салуды үйретеді. Келесі қадамды балаға орындауды ұсынады. Қажет болса, бала ойынды меңгергенше ата – ана көмектеседі.

Мақсаты:

Сөзсіз рефлекс әдісінің көмегімен, есту өткірлігін дамыту; жануарлардың дауысын ажырата білуге және еліктеп дауыстарын сала білуге үйрету; айналадағы заттардың дыбыстарын бір-бірінен ажырата білуге үйрету; қатты және ақырын айтылатын дауыс ырғағын ажыратуды үйрету

3.Танымдық қабілетін дамыту ойындары

Мақсаты:

Түстерді ажырата білуге дағдыландыру, заттарды түсіне, көлеміне қарай іріктеуге үйрету.

Түстер туралы түсінік беру

Жаңа дүниелер мен жаңа сезiмдер iздеуде өмiрiнiң екiншi жылындағы балаларды алуан түрлi заттар қызықтырады – бұл жақсы таныс жеке заттар, тұрмыс бұйымдары және басқа да жақын айналасындағы объектiлер. Танымдық белсендiлiгiн ынталандыру үшiн арнайы заттар – дидактикалық ойыншықтардың мәнi зор.Айқын да қарапайым түсiнiктер бередi.Шағын жаңалықтар ашуына жол ашады.

Аталған заттар мақсатты түрде iс-қимыл жасауға, түсi, үлкендiгi немесе пiшiнi бойынша топтауға және салыстыруға арналған. Мысалы, пiшiнi мен үлкендiгi әртүрлi заттарды қорапқа салу мен шығару, белгiлi бiр пiшiнi мен өлшемi бар тесiктерге тығу, бiрiктiру және айыру, үстiне қою және жанына қою, домалатып кiргiзу және т.с.с.Өмiрiнiң екiншi жылындағы балаларға арналған барлық ойыншықтар – бiр түстi, суретсiз.

Шағын сюжеттiк ойыншықтар: машина, қуыршақ

Бұл кезеңде балаларды заттармен өзара байланысты тура және керi әрекеттер жасауға үйрету қажет:шарларды шашу және жинау, шығару және салу, қорапқа, шелекке ауыстырып салу, арықшамен домалату;

Қораптан заттарды бiр-бiрлеп алуды үйретiңiз. Кiшкентай затты үлкенiмен жабуды және керi iстеудi үйретiңiз.Сақиналар мен шеңберлердi пайдаланыңыз, фигураларды алып, оларды баламен қосыла зерттеңiз: домалатуға болады, сақинаның тесiгiн тауып алыңыз және оның тегiс және жазық бетiн қолмен сипап өтiңiз.

Бiртектi заттарды бiр қасиетiне (түсiне, пiшiнiне, көлемiне) бағыттала отырып iрiктеуге үйретiңiз.Мәшинемен ойнаңыздар, оларды өздерiнiң гараждарына қою керек.

Ұқсас заттарды, суреттердi iрiктеуге үйретiңiз.

Түрлендiру үшiн бiрдей заттары бар 2 целлофан пакеттi қолданыңыз. Сiз өз пакетiңiзден затты шығарасыз да, баладан сондай затты өз пакетiнен табуын өтiнесiз.

Балаға бiр зат бейнеленген суретке сондай затты тауып алуды үйретiңiз

сол қолмен де, оң қолмен де жүргiзуiн қадағалаңыз.

2. Баладан үйдегi үлкен және кiшкентай заттарды табуды өтiнiңiз.

3. Осы ұғымдарды қимылмен бекiтiңiз: балаға үлкен және кiшкентай қадамдар, үлкен және кiшкентай секiрулер жасауды, үлкен және кiшкентай орындыққа отыруды ұсыныңыз.

ІІІ. Қорытынды

• Дефектолог – мұғалімнің ойын түрлерінен күтілетін нәтижені айтуы.

• Ата - аналардың пікірлерін тыңдау.