Ата-ананын баланын өміріндегі ролі. Баяндама

Баяндама:

Адам ортаға қарап тәрбиеленеді.

     Бала тәрбиесі ана сүтінен басталып өмір бойы қалыптасқан күрделі құбылыс. Адам баласы шыр етіп жерге түскеннен бастап, дүниеге, қоғамға, өзі өсетін тіршілік ортасының мүшесі болады. Ол дүниеге келісімен өзі көріп отырған адамдардың іс-әрекетіне, қимылына, ас ішуіне, киінісіне, жүріс-тұрысына, сөйлесуіне, ойнауына, әңгімелесуіне таңдана әрекет жасайды.

Бала дүниені тұтас білу үшін өзі қызыққан құбылыстарды өзінен үлкеннен үстеме сұрақ беру арқылы түсінгісі келеді. Мұндайда баланы қайтарып тастамай, сұрауына толық, тура, әділ жауап беріп, егжей-тегжейлі түсіндіру керек.

     Осының еске алып « Ұяда не көрсең, ұшқанда соны істерсің » дейді халық.

Сондықтан оның не әуелгі өсетін ортасы, отбасы тәрбиесіне өте көңіл бөлу керек. Егер отбасында жақсы тәрбие алған бала өскенде де сол тәрбиенің ізімен баруы сөзсіз. Отбасындағы барлық адамдардың іс-әрекеті бала тәрбиесіне бірінші әсер ететін орта, бала сол ортаға қарап өседі. Одан әрі балбақшамен байланыс арқылы жалғасады.

      Бала бақшаға барады, өз жасындағы балалармен бірге ойнайды, бақша жасындағы балалар ортасына барады. Тәрбиешілер үйелмендегі тәрбиесін үйреніп, оны бақшадағы тәрбиемен ұштастырып алып барады, ол баланың күдізгі ата-анасы. Бала тәрбиелене отырып, оқу іс-әрекеттері барысында білім алады.

     Жүсіп Баласағұнның зерделі ойлары біздің өрбітіп отырған мәселелеріміздің түйінін шешкендей:

Балам білім жолын қусын десеңіз,

Бесігінде-ақ ілім шоғын көсеңіз.

Білім үйрет сәбиіңе сарыла,

Уыздай ұйыт, сүттей сіңір қанына!

     Бала тәрбиесіне бесіктен басталады деген зиялы тұлғалардың сөздеріне іспеттес: тек балабақша, мектеп, оны қоршаған орта ғана емес, сонымен қатар отбасы мүшелерінің бәрінің тигізер әсері мол.