Қатыгездіксіз және зорлық-зомбылықсыз балалық шақ республикалық ақпараттық науқанның анықтамасы

                «№ 14 орта мектеп»  мемлекеттік коммуналдық мекемесі

2016-2017 оқу жылының 15 қараша мен 30 қараша  күндері аралығындағы

«Қатыгездіксіз және зорлық-зомбылықсыз балалық шақ» 

республикалық ақпараттық науқанының  анықтамасы.

Қазақстан Республикасы Білім және ғылым министірлігінің БҰҰЮНИСЕФ балалар қоры және «Дағдарыс орталықтарының одағы» заңды тұлғалар бірлестігімен бірге әзірлеген жоспары мен хатын негізге ала отырып, 2016 жылдың 2 қараша күні мектепішілік «Қатыгездіксіз және зорлық-зомбылықсыз балалық шақ» республикалық ақпараттық науқаны 15 қараша мен 30 қараша аралығында  өткізу туралы № 396 бұйрығы шығарылып, жұмыс жоспары бекітілді.

 «Қатыгездіксіз және зорлық-зомбылықсыз балалық шақ» республикалық ақпараттық науқанының мақсаты: қоғамның назарын балаларға қатысты зорлық-зомбылық мәселелеріне ацудару, қоғамда балаларды қатығез ұстауға төзбеушілік қалыптастыру.

         2016 жылдың 15 қараша күні «Қатыгездіксіз және зорлық-зомбылықсыз балалық шақ» республикалық ақпараттық науқанының ашылуын 10 «А» сыныбының сынып жетекшісі Тобаева Назерке  ұйымдастырды. Оқушыларға ақпараттық науқанның мақсаты мен міндеттері айтыла отырып, балаларға қатысты жадынамалар таратылды.  

         «Қатыгездіксіз және зорлық-зомбылықсыз балалық шақ» тақырыбында оқушыларға ақпарат беру мақсатында 9 «А» сыныбының сынып жетекшісі А.А.Нургалиева  өз сыныбымен бірлесе отырып ақпараттық стенд жасап ілді. Ілінген ақпараттық стендте зорлық-зомбылықты алдын алу мәселелері және балалардың құқығы мен міндеттері жазылған.

         Мектеп психологы Э.Б.Кушимова мен Баязитова А.Р «Зорлық- зомбылықты алдын алу» 5-11 сынып оқушылары арасында жасырын сауалнама жүргізді. Алынған сауалнаманы тексере отырып, мектепте бопсалау, әлімжеттік күш көрген, ата-анасының қатыгездігін көріп отырған балалар анықталған жоқ.

         8-11 сынып оқушылары арасында «Әлемді зорлық-зомбылықсыз құру жолдары» тақырыбында эссе жазу байқауын қазақ тілі пән мұғалімі Кикаева Айжан Қасымханқызы ұйымдастырды. Эссеге 8-11 сынып оқушылары белсене қатысты. Эсселерін тексеру барысында 8 «А» сынып оқушысы Дүйсен Назерке, 8 «Ә» сыныбының оқушысы Берікқан Томирис, 9 «Ә» сыныбының оқушысы Нурмухамедов Азамат және 11 «А» сыныбының оқушысы Жумаханова Назым  мақтау қағаздарымен марапатталды.

         1-4 сынып оқушылары «Бақытты балалық шақ!», «Бақытты отбасы» тақырыбында сурет көрмесін ілді. Салған суреттеріне бейнелеу пән мұғалімі Жигитахметов Болат Кабышевич сыныптар бойынша орын ұйымдастырды. 1 орын  2 «А» сыныбы, 2 орын 4 «А» сыныбы, 3 орын 3 «Ә» сыныбына берілді.

         15 қараша мен 30 қараша аралығында 1-11 сынып жетекшілері «Өкпелеу және қорлаудан сақ балалар!» тақырыбында сынып сағаттарын  және ата-ана жиналыстарын өткізді.

2016 жылдың 21 қараша күні «Өмірдің қауіпті қырлары және олардан өту жолдары» тақырыбында 8 «Ә» сыныбының сынып жетекшісі Сакариева Н.К ашық тәрбие сағатын өткізді. Тәрбие сағатының мақсаты: балаларға зорлық-зомбылық, қатыгездікке жол бермеуге, өз-өздеріне сенімділікті тудыруды қалыптастыру. Осы мақсатты негізге ала отырып, сабақты ұйымдастырды. Оқушыларға әр-түрлі сұрақтар қойылды, жағдаяттарды шешті және зорлық-зомбылықтың түрлеріне тоқталды.

«Біз және әлем!», «Өмірдің жақсы қырлары» тақырыптарында видеороликтер көрсетілді.

6-7 сынып оқушылары «Бала құқығы» тақырыбынлда қабырға газеттерін шығарып ілді. 7 «Ә», 8 «Б» сыныптары «Қатыгездіксіз және зорлық-зомбылықсыз балалық шақ» тақырыбында буклет жасап көрмеге қойды.

26 қараша күні мектеп әкімшілігінен директордың тәрбие ісі жөніндегі орынбасары Г.К.Жетигенова мен мектеп психологы Кушимова Э.Б, дене шынықтыру пән мұғалімі Мамиев У.К «Түнгі рейд» жұмысына шықты. Рейд кезінде құқық бұзушылық және ата-анасыз жүрген жасөспірімдер ұсталған жоқ.

30 қараша күні «Қатыгездіксіз және зорлық-зомбылықсыз балалық шақ» республикалық ақпараттық науқанының жабылуы ұйымдастырылды. Ақпараттық науқанға белсене қатысқан оқушыларды мақтау қағазымен марапаттап, алғыс білдірілді.

15 қараша мен 30 қараша аралығындағы «Қатыгездіксіз және зорлық-зомбылықсыз балалық шақ» республикалық ақпараттық науқаны құрылған жоспарға сәйкес жүргізіліп материалдары жинақталды.

                                                                                                          ДТІЖО: Г.К.Жетигенова