"Қайырымдылық-адам жанының нұры" танымдық сабақ

Тақырыбы:    Қайырымдылық — адам жанының нұры

Мақсаты: оқушыларға қайырымдылық  туралы түінік беріп, олардың бойында жанашырлық , қайырымдылық сезімдерін дамыту.

Міндеттері;

§  оқушыларға қайырымдылық, жанашырлық  ұғымы туралы түінік беру;

§  оқушылардың бойындағы сезімталдық, қамқорлық, жанашырлық сезімдерін дамытуға ықпал ету;

§  оқушыларды ниеттес, тілектес, сыйлас болуға тәрбиелеу;

Әдісі:  әңгімелесу, сұрақ-жауап.

Көрнекіліктер:   үлестірме қағаздар, шарлар, слайд

Барысы:

1.      Сәлемдесу. “Амандасу” тренингі

Оқушылар дөңгелене отырады. Барлығы тақтаға қарайды. Егер тақтада күлкі бейнеленсе, онда бір — бірімізге күлімсірей қараймыз, қол бейнеленсе — қолымызды қысып амандасамыз, күн бейнеленсе — жақсы ықыласпен сәлемдесеміз.

II. Негізгі бөлім.

Ой шақыру:
     Мейірімділік деген сөздерді қалай түсінесіңдер?

«Қайырымдылық», «жанашырлық» деген сөздерді қалай түсінесіңдер?

Жүргізуші:

Қайырымдылық — мейірімділіктің іс жүзіндегі бір көрінісі. Қайырымдылық — мүдделі, кіріптар, көмекке құштар адамдарға іс жүзінде жақсылық жасау.

Қазіргі заманда байыған дамдар «қайырымдылық қауымдастығын» ұйымдастырып, сол арқылы жеке адамдарға, әрі асса, бүкіл елге қайырымдылық жасайды. Халқымыз көмекке мұқтаж адамға көмек көрсетіп, қайырымдық жасау,кіріптарға қайыр беру, қарттарды аялау, мүгедектерді қорғап қоршау әрбір қайырымды адамның адамгершілік борышы деп есептейді.

Күннің көзін бұлттан ашу

Тақтада берілген күннің көзін бұлт торлаған. Әрбір бұлттың артында жасырылған  тапсырмаларды орындап күннің көзін ашуымыз керек.

1. Қайырымдылыққа кластер құру

2. Ең мейірімді жан  кім деп ойлайсың?- өз ойын жеткізіп айту

3. Мен  қоршаған ортаға қандай қайырымдылық жасай аламын?

4. Видео роликті көріп, өз ойларын айтып, әңгімелеу.

5. Қайырымды бала » мәтінін оқып, талдау.

Айдос мектептен үйіне келіп   әкесіне сабағын тыңдатты.Баласының сабағын білгеніне әкесі риза болып   балмұздақ сатып алуға ақша берді. Баласы әкесінің берген ақшасына бірдеңе сатып алу үшін дүкенге жүгіре жөнелді. Жолдан автобусқа төлейтін ақшасын жоғалтып алып, жылап тұрған баланы көрді. Оның жылағаннан екі беті албырап, беті –қолы тоңып кеткенін байқады. Қолындағы ақшасын балаға беріп, үйіне тез қайтып кетуін айтты. Бала қуанып автобусқа мініп кетті. Айдос бұрылып үйіне қайтты..

1.      Мәтін мазмұнына байланысты оқушылардың пікірін тыңдау.

Сұрақтарға жауап беру.

Баланың қайырымдылығы неде ?

Өзің   Айдостың орнында болсаң не істер едің? деген сұраққа жауап алу.

6. Адам баласы өзінің жан дүниесін қайырымдылық пен қайғыны түсіне білу қасиеттерімен нығайтып, шынайы өмір сүре білу керек.

Сара Алпысқызы

Жүргізуші:

Мінеки, оқушылар, сендердің қайырымдылық көмек көрсетулеріңнің арқасында күніміз жарқырап шыға келді.

Күн көзі бүкіл әлемді өзінің жылы   шуағымен аялап, ғасырдан –ғасырға жеткізуде адам баласы бір-бірін аялап қадірлеп, қиналған сәттерінде қайырымдылығын жасап, өздерінің иман жүзді адам екендігін білдіре білсе, жерімізде бақытты жандар көп өмір    сүрері анық. Бір — бірімізді қадірлей білуіміз керек.

«Ойың ұшқыр болғанда...»

Бұл тренингте оқушылар өз ойларынан,ертегі немесе әңгіме құрауы қажет.

Тақырыппен байланысы болу керек.Қайырымдылық жасау,ізгілік,қамқорлық  туралы жазылады.

Игі тілек, адал жүрек

Оқушылар бір-біріне деген жақсы тілек лебіздерін білдіреді.

Жүргізуші:

Бақыт жайлы пікір айтып қызулы топ таласты

Бірі оны үйден іздеп, бірі қырдан әрі асты.

Бірі айтады: бақыт деген­ барлық байлық емес пе?

Керегінше киіп, ішсең «бақыттысың» демес пе?

Бірі айтады: «Жоқ, бақыт деген – қолың жетпес мансап қой»

Жұрттан гөрі жүрсең ерек, соның өзі жақсы ат қой.

Бірі айтады: «Бақыт деген­ жүйрік мініп той тойлау»

Ісің болмай күйбеңменен, қарын тойса, қарт ойнау.

Бірі айтады: «Бақыт деген­ адал жар мен перзент қой!»

Ынтымаққа ырыс келген, ол да саған келмек қой

Пікірлердің таласына осылай мен жолықтым

Бақыт адам баласына келмес оңай соны ұқтым.

Безбеймін мен баладан да, байлықтан да, жардан да

Мансап жетпес бар адамға үлестіріп алғанда

Үміт үзбей іздейді олар, таңдап сол бір уақытты,

Оны алыстан іздемелік, жүректен тап бақытты!­ деп ақын ағамыз

айтқандай бір бірімізге бақыт сыйлар жүрек жылуымыз, мейірімділігіміз

сарқылмасын!

қол ұшымызды созып,

қайырымдылық жасап, көмек қолын күткен әрбір жанның жүрегіне

жылылық ұялатып, өмірге деген көзқарасын өзгерту осы отырған барлық

азаматтың борышы.

Ендеше болашағымыз бақытты болсын десек, бір бірімізге қолдан келер

қамқорлығымызды аямалық ағайын!

Краткое описание документа:

Қайырымдылық — адам жанының нұры

оқушыларға қайырымдылық туралы түінік беріп, олардың бойында жанашырлық , қайырымдылық сезімдерін дамыту.

• оқушыларға қайырымдылық, жанашырлық ұғымы туралы түінік беру;
• оқушылардың бойындағы сезімталдық, қамқорлық, жанашырлық сезімдерін дамытуға ықпал ету;
• оқушыларды ниеттес, тілектес, сыйлас болуға тәрбиелеу;