Қазақ тілі пәнінен 3 сыныпта Қысқы киім деген тақырыпқа сабақ жоспары

3 класс

Сабақтың тақырыбы: Қысқы киім

Сабақтың мақсаты:

1.Б. Сөйлесім әрекеттерін жүйелі түрде жүргізу мақсатында бағдарлы жұмыс жүргізу.

2.Д. Байланыстырып сөйлеу дағдысын айтылым әрекетіне берілген тапсырмалар арқылы жалғастыру.

3.Т. Ойын және практикалық жұмыс барысында оқушылардың әдептілік сақтауын талап ету ж/е әдептілікке баулу.

Сабақтың барысы:

І. Ұйымдастыру кезеңі.

Шаттық шеңбері:  - Орнымыздан тұрамыз, шаттық шеңберін құрамыз.

Ауадан қуат алайық,

Алақанға салайық.

Жерден нәр алайық,

Алақанға салайық.

Күннен шуақ алайық,

Алақанға салайық.

Күн шуағын бір бірімізге сыйлайық!

ІІ. Сабақтың мақсатын, барысын айту:

• Балалар бүгін біз жаңа сөздермен танысамыз,

ІІІ. Сөздік жұмыс: Оқу, қайталау, ойын арқылы пысықтау.

Тон-шуба пәлте - пальто

Құлақшын – ушанка етік - сапоги

Қолғап – варежки пима – валенки

ІV. Тапсырмалармен жұмыс:

1-тапсырма; қысқы киім атауларымен жұмыс жүргізу. Тыңдалым әрекетін оқылым әрекетімен ұштастыру. Қазақ тіліне тән дыбыстарды дұрыс айта білуге баса көңіл бөлу. Киімдердің суретін салдырып, танымдық әрекетті жандандыру.

Сызба бойынша жұмыс.

пәлте

құлақшын Қысқы киім

пима

қолғап

тон етік

2-тапсырма: Мәтінмен жұмыс жасау.

А) Жақшаны аш:

Атам үстіне (шуба) киді, әжем (пальто) киді. Ағам басына (ушанка) киді, апам аяғына (сапоги) киді.

Ал мен (валенки) кидім.

Ә) Хабарлы сөйлемнен сұраулы сөйлем жасаңдар.

Тапсырманы айтылым әрекетімен аяқтау.

Сергіту сәті: Қыс келді, алақай!

Аяз соқты, бетімай!

Мен киемін тымақты

Анам берді жылы тонды

Қолға киемін қолғапты

Етікті тартамын аяққа

Мен дайынмын аязға!

• Рахмет, балалар отырыңдар!

3-тапсырма: сұрақ-жауапты оқылым әрекетінен бастап жеке жұмыспен жалғастыру.

• Бір жылда неше мезгіл бар?

• Бір жылда төрт мезгіл бар.

• Қазір қай жыл мезгілі?

• Қазір қыс мезгілі

• Қыста сендер не киесіңдер?

• Тон, құлақшын, қолғап, етік, пима киеміз.

4-тапсырма: жазылым әрекетін аударма жұмысымен жандандыру.

V. Сабақты бекіту.

VІ. Сабақты қорытындылау.

VІІ. Үй тапсырмасын беру: жаңа сөздерді, өлеңді жаттау.