Қазақ тілі пәнінен "Тірек сөздердің көмегімен постер құрастыру" тақырыбында қысқа мерзімді жоспар 2 сынып

                                                         Қысқа мерзімді жоспар

Қазақ тілі

Сабақтың тақырыбы: Тірек сөздердің көмегімен постер құрастыру.			Мектеп: Шаған жалпы орта білім беретін мектебі
Күні, айы: 09.12.2016 ж.			Мұғалімнің аты-жөні:Мухамбетжанова С.О.
Сынып: 2 "А"			Қатысқан:		Қатыспағаны:
Осы сабақтың оқыту мақсаттары			2.3.4.1 мұғалімнің көмегімен тірек сөздерді, сөйлем, суреттерді пайдаланып, қарапайым постер құрастыру
Сабақ мақсаттары			Барлық оқушылар: Берілген тақырыптарға сурет бойынша сипаттау мəтінін құрастырып, жоспар құрады.
			Оқушылардың басым бөлігі: Мəтіндерді талдауда белсенділік танытады. Мəтінді каллиграфиялық талаптарға сай сауатты жаза алады. Өзінің таңдаған орнының суретін сала алады.
			Кейбір оқушылар: Бір қаланы жарнамалау барысында постер жасауда белсенділік танытады, шығармашылық идеяларымен бөлісе алады.
Тілдік мақсат			Дағдыларды дамыту: Мəтінді баяндау ерекшелігін түсіндіру; диалогке белсенді қатысу; сөздікті белсенді ету
			Негізгі терминдер мен сөз тіркестері: Постер, хабарлама, жарнама, жеті керемет.
			Сабақта диалог/жазу үшін пайдаланатын тіл: Талқылауға арналған сұрақтар: Саған қай қала ұнайды? Қала ішіндегі қандай орындар сенің көңіліңнен шығады?
Алдыңғы білім			Зат немесе құбылысты суреттеп, сипаттайтын мəтін «сипаттау  мəтіні» деп аталады. Оған қандай? деген сұрақ қойылады.
Жоспар
Жоспарланған уақыт	Жоспарланған жұмыс					Ресурстар
	Ширату.      «Бақыт шеңбері» ойсергегі арқылы оқушылар шеңбер бойына тұрып, бір-біріне тілектер айтады: Алдымен қимыл арқылы (үнсіз, тек қимылмен бір- біріне ілтипатын білдіреді). Балалар бір-бірінің басынан сипап, арқасынан қағып, күлімдеп қарау, т.с.с. арқылы білдіреді. Сосын бір ауыз тілек айтады. -  Тамаша, балалар! Мен де сендерге бүгінгі күн күндегіден ерекше, көңілді, ең бастысы пайдасы мол болсын дегім келеді. Мұғалім оқу  мақсатын  хабарлап, күтілетін нəтижемен таныстырады. - Бүгін сипаттау мəтіндерімен жұмысты жалғастырамыз. Ұжымдық жұмыс. - Балалар, бүгінгі күн сендерге пайдалы болсын дегенім – білімдеріңді көбейтіп, сауаттарыңды арттырсын дегенім еді. Оқулықтағы мына суретке қарайықшы... - Не көріп тұрсыңдар? - Олардың қандай ұқсастықтары, қандай айырмашылықтары бар? - Бұлардың барлығы балаларға арналған. Ойын алаңы, аттракциондар, кинотеатр, ойын аппараттары. - Олардың бірі далада орналасқан, бірі жабық ғимарат ішінде орналасқан. Сынып оқушыларын төрт топқа бөліп, əр топ бір сурет бойынша сипаттау мəтінін жазып көрсетеді. (Ж) «Миға шабуыл» əдісі бойынша балалар өз ойларын ортаға салып, талдайды. Оқушылар баланың əрекетіне өз пікірін айтып, ұнаған/ұнамағаны туралы ойларын білдіреді. (Т) 4 топ болып қала береді. Топ мүшелері өздеріне ұнаған бір қаланы таңдап алады. Сол қаланы жарнамалап, постер жасайды. І топ. Қаладағы өзіне ұнаған жердің суретін салады. ІІ топ. Өзіне ұнайтын бір жерді сипаттап,мəтін құрастырады. Мəтін қалада болмаған адам оқып танысатындай жазылуы тиіс. ІІІ топ. Бақылаушы топ. Екі топтың жұмыс барысын, орындаған тапсырмаларын бақылап, бағалайды. ІV  топ. Сарапшы топ. Оқулықтағы 3-жаттығу бойынша берілген тірек сөздерді пайдаланып, сипаттау мəтінін жазады. Ол үшін сипаттайтын сөздерді топ мүшелері топтастырып алады. Осы сөздерді қатыстырып, сипаттау мəтінін жазады. Сұрақ қояды. Ол мəтіннің бір қаланы сипаттап тұрғанын дəлелдейді. Сергіту сəті: сабақта қимыл көп болмағандықтан, қимылды сергіту түрін өткізген жөн. «Үнсіз жазу». Мұғалім айтып тұрады, балалар қимылдарды орындайды: Оң аяқпен «жол» деп жаз, Сол аяқпен «қол» деп жаз, Оң қолыңмен «бал» деп жаз, Сол қолыңмен «тал» деп жаз, Мұрыныңмен «мал» деп жаз, Оң құлақпен «сал» деп жаз, Сол құлақпен «жал» десең, Кіндігіңмен «қал» деп жаз. Топтық жұмыс       Қазақстан қалалары туралы бейнетаспаны интербелсенді тақтадан көрсетуге болады. Оқушылар өздеріне ұнаған қаланы алып, сол қаланы жарнамалау мақсатында постер жасайды. Постер жасау кезінде оқулықтағы берілген нұсқауды басшылыққа ала отырып іске асыруға болады. Əр топ өзінің постерін қорғап шығады. Басқа топ оқушылары жарнама постеріне қойылатын талаптардың орындалуын қадағалайды. Бір-біріне қол соғу арқылы демеу көрсетеді. - Бүгін біз, балалар, өзімізге ұнаған нəрсені жарнамалауды үйрендік. Өздік жұмыс «Еркін жазу» əдісі бойынша үйден «Таңдап алған қалам» тақырыбында сипаттау мəтінін жазып келуді ұсынуға болады. Қалыптастырушы бағалау. Тапсырма Тірек сөздер мен суреттерді қолданып, «Туған өлкем» тақырыбына таныстырылым дайындаңыз. Тірек сөздер: кең дала, биік таулар, өзен-көлдер, зәулім үйлер, жануарлар әлемі, өсімдіктер, әсем қалалар. Дескриптор: Білім алушы − берілген сөздер мен суреттерді орынды қолданады;  − тақырыптың мазмұнын толық ашады; − тақырыпқа сәйкес қосымша сөздер, сөйлемдер, суреттер пайдаланады; −  өз жұмысын түсіндіреді.					Ақ парақ, фломастер, маркер Интербелсенді тақта, ақ парақтар, маркер, фломастер
Сабақтың аяқталуы	Рефлексия "Мәңгілік ел" идеясынының құндылығын ашу. Туған өлкеге деген сүйіспеншілік сезімдерін оята отырып, елінің гүлденуіне  өз үлесін қосуға үндеу. -Бүгінгі сабақ сендерге ұнады ма? -Саған қиын болған жері болды ма? -Саған өте ұнаған сәті қай жері?
Саралау		Бағалау		Денсаулық пен қауіпсіздікті тексеру. АҚТ-мен байланыстыру.
Дарынды оқушылардың шығармашылық тапсырма кезінде білгенін ортаға салып, ақпарат іздеуде басқаларға бағыт      бере білуі маңызды.		Сұхбат кезіндегі белсенділік. Өз бетімен жəне топта жұмыс істеу білігін бағалау. Рефлексиялық бағалау.		Интербелсенді тақта, ғаламтор желісі, ақпараттық анықтамалық əдебиеттер