Қазақ тілі Сабақ жоспары "Жұрнақ пен жалғау"

Пәннің аты	Уақыты:	Кабинет:	Мұғалім
Сабақтың атауы	Жұрнақ пен жалғау
Мақсаты	Сабақтың мақсаты: Оқушылардың қосымшалардың жұрнақ пен жалғау болып бөлінетіндігі туралы алған білімдерін кеңейту, пысықтау. Түбір сөзге жұрнақ жалғатып, жаңа сөз жасату, сол сөздермен сөйлемдер құрату. Оқушылардың сөздік қорын байыту. Сабақтың міндеттері: Білімділік: оқушылардың жұрнақ пен жалғау жайында алған білімдерін кеңейту; Дамытушылық: қисынды ойлау, алған білім, білік, дағдыны қолдану дағдыларын дамыту. Сөз, сөздердің жазылуы туралы алған білімдерін дамыту; Тәрбиелік: оқушыларды білімділікке, ұйымшылдыққа, еңбекқорлыққа, бірін-бірі сыйлауға тәрбиелеу. Күтілетін нәтиже: а) Оқушылар білуі тиіс: сөз, сөздердің жазылу емлесін, түбір мен қосымша туралы түсінікті білулері тиіс. Сонымен қатар, қосымшалардың жұрнақ пен жалғау болып бөлінетіндігін білулері тиіс. ә) Оқушылар игеруі тиіс: түбір сөзге алдымен жұрнақ, соңынан жалғау жалғанатындығын. Сөздерге жұрнақ жалғау арқылы сөз мағынасын өзгертуді игерулері тиіс. б) Оқушылар меңгеруі тиіс: Жаңа сөз жасайтын қосымшалар мен сөздерді бір-бірімен байланыстыратын қосымшаларды бір-бірінен ажыратуды. Сөзді құрамына қарай талдауды меңгерулері тиіс. Сабақтың типі: ашық сабақ Сабақтың түрі: пысықтау сабағы Қолданылатын әдістер: түсіндіру, миға шабуыл, анализ жасау, сұрақ-жауап, рефлексия. Көрнекі құралдыр: интерактивті тақта, слайд, үлестірмелі парақшалар.
Күтілетін нәтиже
Психологиялық ахуал	Күн күлімдеп нұр төкті, бізге жолдап... Балалар: Сәлем! Жақсы сөздер нұр септі, бізге жолдап... Балалар: Сәлем! Еске сақтап кеңесті, достарға сыйла... Балалар: Сәлем! Кел,қосылып айтайық бір-бірімізге... Балалар: Сәлем!		Оқушылар шеңберде жиналып,мұғаліммен бірге бүгінгі сабаққа сәттілік тілейді.
Қызығушылықты ояту	Миға шабуыл. Өткенді қайталау. Ерте-ерте ертеде, бір-бірінен өткен ағайынды үш жалқау болыпты. Бар бітіретіндері бас көтермей ұйықтау екен. Бір күні оларға сонау алыстан сәлемдеме келеді. Сәлемдемені олар «Сен ал, сен ал» деп біріне-бірі сілтейді. Сендердің жалқауларға келген сәлемдемені алғыларың келе ме? - Иә, алғымыз келеді. - Ендеше бұл сәлемдемені алу үшін алдымен қазір мен оқитын жұмбақтардың шешуін тауып, шешуіндегі сөздерді сөз құрамына талдауларың қажет. Дайынсыңдар ма? - Дайынбыз. 1. Бойлаған сайын тереңге, Шығасың биік белеске. (Білім) 2. Есіктен кіреді, Төрге қарай жүреді. (Суық) 3. Сақалы жоқ шашы бар, Бет-аузы жоқ басы бар. Белін бекем байлаған, Қоқысты қоймай айдаған. (Сыпырғыш) Жұмбақтың шешуін тапқан балалар тақтаға шешуі болған сөздерді құрамына қарай талдайды. - Сонымен естеріңе түсті ме, қосымша дегеніміз не? - Түбір сөз дегеніміз не? - Жұрнақ деген не? - Жалғау деген не?		Жаңа сабаққа деген қызығушылықтары оянып,ерекше ынтамен кіріседі.
Мағынаны тану	Екі әріптен құралып, Жүруші едім мал болып. Жалғанды да бір әріп, Шыға келдім шал болып. (ат - ата) Үш әріптен құралып, Ұшып жүрген құспын, «Ақ» жұрнағын жалғасаң, Бір ұлт болып шықтым. (қаз - қазақ) Алғашқыда балық аулар, Балықшының құралы едім. Жалғанды да бір әріп, Бәрің жұтар не болдым? (ау - ауа) Оқулықпен жұмыс. Дәптерге жазу.
Сергіту сәті	Туған жердей жер болмас, туған елдей ел болмас: а) Отан туралы ә) Ата- ана туралы б) Ел, жер туралы в) Мұғалім туралы Ы. Алтынсариннің өлеңі? a) « Мен қазақпын» ә) «Елім-ай» б) «Туған жер» в) «Кел, балалар оқылық»
Ой толғаныс	Артық әріпті тап. Әрбір қатарда адамның дене мүшелеріне қатысты сөздер аралас әріптермен жазылған. Осы сөздерді тауып, ұяшыққа дұрыс орналастырыңдар. Әрбір қатардан артылған бір әріпті қасындағы ұяшыққа толтырып, жасырылған дене мүшесінің атын іздеп табыңдар.
Үйге тапсырма	Дәптермен жұмыс		Күнделіктеріне жазып алады
Бағалау	Оқыту үшін бағалау және оқуды бағалау		Бағалау парақшасын толтырады.
Кері байланыс			Смайликтерді өзі қалаған нұсқаға жабыстырады