«Жақсыдан үйрен, жаманнан жирен»
Сабақтың мақсаты: Оқушыларды адамгершілікке, қарапайымдылыққа, еңбексүйгіштікке, өз халқының салт дәстүрін үйрене отырып, жаман әдеттерден аулақ болуы керектігі туралы біліктерін қалыптастыру.
Адам бойындағы ұнамды, ұнамсыз қылықтарды ажырата отырып, әдеп әліппесін бойына дарыту, тіл байлығын және таным белсенділігін арттыру.
Оқушыларды адамгершілікке, әдептілікке, сыпайылыққа тәрбиелеу.
Сабақтың әдістері: әңгімелеу, талдау-жинақтау, сұрақ-жауап, көрнекілік, бағалау, ойын, қызығушылық ояту.
Сабақтың көрнекілігі: нақыл сөздер, электронды оқулық, кеспе қағаздар, суреттер, тірек сызба, ырымдар мен тыйымдар, көрініс құралдары, т.б.
Пәнаралық байланыс: дүниетану, әдептілік әліппесі, ана тілі, еңбекке баулу, бейнелеу, музыка.
Ұйымдастыру бөлімі.
Тақтаға таза, ұқыпты, қолында оқулығы бар және киімі лас, кітабы жыртылған, ұқыпсыз оқушы суреттері ілінеді.
Балалар, суреттерді мұқият қараңдар. Ойларыңа не келді? (Оқушы ойы тыңдалады).
Сұрақ: Өзіңді қай баланың орнына қоя аласың немесе сен қандайсың? (Оқушы жауабы тыңдалады).
Сұрақ: Бұл жақсы қасиеттерді кімнен үйрендің? (Оқушы жауабы тыңдалады).
Мұғалім: Жақсы істі, қасиеттерді жақсы адамдардан үйренеді екенбіз. Жақсы істерді жасауға ойымыз жүйрік пе екен? Соны бақылайық.
Негізгі бөлім.
«Жалгастыр» ойыны.
Шарты: мұғалім бастайды, оқушы ойланып ойды жалгастырып аяқтау керек.
«Не істеуге болмайды?» «Не істеу керек?»
Бастапқы сөздер: Бастапқы сөздер:
-Үлкендердің (алдын кесіп өтуге болмайды) -Алдымен қыз балаға (жол беру керек)
-Қіші баланы (жылатуға болмайды) -Үлкенді (сыйлау керек)
-Сабақтан (кешігуге болмайды) -Айтқанды (тыңдау керек)
-Сыныпта (айқайлауға болмайды) -Оқу құралдарын (күту керек)
-Қаламды (ауызға салуға болмайды) -Сабақты (жақсы оқу керек)
-Терезені (сындыруға болмайды) -Досқа (көмектесу керек)
-Мұғалімнен (үйрену керек)
Жақсы істерді жасауға ойы жүйрік оқушы анықталады.
Мұғалім:
-Балалар, өмірде түрлі жағдайлар кездеседі. Жақсылы-жаманды оқиғаларға куәгер болып та, оған кішкентай болсақ таіштей талдау жасап, жақсылыққа ұмтылуға болады екен.Қазір сондай жағдаяттардың бірнешеуіне куәгер болып, жақсы мен жаманды айырып көрейік.
2. «Жақсыдан үйрен, жаманнан жирен»
1-көрініс «Көшеде»
2-көрініс «Көшедегі әдеп»
3-көрініс «Ұрлық»
4-көрініс «Қарындаш»
5-көрініс «Ағасы мен інісі»
Барлық қойылымдар оқушылар көмегімен сахналанады.Әр қойылымның соңынан қорытынды ой жасалады.
3.Сиқырлы сөздер.
Мұғалім:
-Балалар, кез келген жағдайда әуелі бойыңа ашу шақырмай, сабырлы болған жөн.Қатты ашуды тарататын сиқырлы сөздер болады екен.Олардың қандай сөздер екендігін бірлесіп іздейік.
Ә.Дүйсенбиев. «Не деу керек?»
Апаң сенің базардан
Алма сатып әкелді
Ең үлкенін, жақсысын
Саған таңдап әперді.
-Не деп барып, жеу керек?
Әжең сенің тускі асқа
Қант-кәмпит салды мол
Жұрттан бұрын ыдысқа
Өз бетіңмен салдың қол
–Жөн еді не айтқаның?
Балалар жүр көшеде,
Естіледі шу, айқай.
Сен де шықтың, көршіңді
Қағып кеттің байқамай.
-Мұндайда не деу керек?
Добын апар Назардың
Деді ағаң, бармадың.
Тапжылмадың, сазардың.
Аға тілін алмадың.
-Сен қай сөзді айтпадың?
Мектебіме барғанда
Жолыққан бар жандарға
Ертеме, ақ пейілмен:
Қайырлы таң!-деймін мен.
Күндіз де елді елеймін:
Қайырлы күн!-тілеймін.
Үйге кешке келемін,
Кеш жарық!-деп кіремін.
-Бұдан басқа қандай сиқырлы сөздер білеміз?.
4.Жақсы қасиеттер.
Мәди: Дастарқан басында Ақгүл: Қолғабысқа жараймыз
Әдептен біз озбаймыз Тазалықты қалаймыз
Үлкендердің қасында Ана еңбегін сыйлаймыз
Қолды бұрын созбаймыз Үйдің ішін жинаймыз
Алматы облысы
Алакөл ауданы
Ақжар орта мектебі мектеп жасына дейінгі шағын орталығы бар коммуналдық мемлекеттік мекемесі
Джакипова Роза Касымовна қазақ тілі мен әдебиет пәнінің мұғалімі
Оставьте свой комментарий
Авторизуйтесь, чтобы задавать вопросы.