Қазақ тілінен "Қазақшаңыз қалай?" интеллектуалдық ойынның жоспары

Қазақшаңыз қалай?» 

Мақсаты: 
1. Оқушыларды өз ана тілінің қадір-қасиетін біліп, өз ана тілінің көркемдігін сезініп, сөз құдіретін түсініп, оның адам өміріндегі маңызын ұғуға үйрету. 
2. Тіл тәуезділігін, көркемдігін, байлығын, шешендігін көрсететін нақыл сөздер, мақал-мәтелдер арқылы оқушы дүниетанымын, ой өрісін дамыту. 
3. Тіл тазалығын сақтау, мәдениетті сөйлеу, шешендік өнерді оқушы бойына сіңіре отыра, ана тіліне сүйіспеншілігін қалыптастыру, мемлекеттік тіл мәртебесін көтеруге атсалысуға шақыру. 

Көрнекілігі: бекеттер-топ аттары жазылған плакаттар,асық, қоржын. «Ана тілі – рухани даму негізі» кітап көрмесі, ұпай беретін таяқшалар, мадақтау қағаздары, Microsoft Pover Point программасында безендірілген презентация. 

Қазақстан Республикасының Әнұраны орындалады. 

Мұғалімнің сөзі: 
Тәуелсіздік- бабалардың ұраны, 
Бейуақытта бойға таққан тұмары. 
Тәуелсіздік- түнектерде тұңшығып, 
Ызғар ұрып,жанбай қалған шырағы. 

Таңғажайып атың да дәл табылды 
Табылды да талай жұртқа танылды. 
Қазақ елі, көкке жетті көк туың, 
Сен – тәуелсіз мемлекетсің кәдімгі!!! 
Құрметті оқушылар, ұстаздар бүгін біз «Қазақстанның 20 жылдық мерейтойына» арналған 
«Қазақшаңыз қалай?» атты сыныптан тыс шарамызды ашық деп жариялаймыз. 
Бұл шарада 2 «А» сынып оқушылары 2топқа бөлініп сайысқа түседі. 1топ- «Тапқырлар», 
2топ -«Алғырлар». 
Шарамыздың мақсаты: 
Қазақ тілін терең меңгеруге құштарлықтарын ояту, 
Қазақ тілінің кең қанат жаюына үлес қосуға, мақтан тұтуға тәрбиелеу. 
Қазақстанның, қазақ тілінің құдіреті туралы түсніктерін кеңейту және дамыту. 
Сайыстың жалпы турлары: 
1.«Сәлем – сөздің бастауы» - 1сайыс 
2.Сөйлей – сөйлей шешен боласын...”Сурет бойынша әңгімелеу- 2 сайыс 
3.«Кім тапқыр?»- сөз тіркесін құрау-3 сайыс 
4.«Кім жүйрік?» әріп бойынша сөз айту- 4 сайыс 
5.«Білімді мыңды жығады»- тиісті әріпті қой -5 сайыс 
6.«Сөзжұмбақты шешу»- 6 сайыс 
7.«Асық - ойыны» - сұрақ – жауап -7 сайыс. 
8. «Капитандар сайысы» - өз отбасы жайлы айту. 
9. «Мәнерлеп оқу» -9сайыс. 
10.«Кім жылдам?» - мозайка құрастыр -10сайыс. 
Марапаттау. 
Қазақ тілі еліне сапар шегеміз. Алдымыздан көп сайыстар кездеседі.Ондағы тапсырмаларды орындаған топ мүшелері «Қазақ тілі елінің құрметті азаматы» атағын жеңіп алады.Әр сайысқа 10 ұпайдан және капитандар сайысына да 10ұпай қойылады.Ең жоғары ұпай 10, ең төмен ұпай 2. 
Қазылар орнықтырар әділдікті 
Кімдердің жауаптары кәміл шықты. 
Білім мен тапқырлықтың сайысында, 
Жеңіске жетер дейміз нағыз мықты,- деп әділ қазылар алқасын сайлаймыз. 
3 әділ қазылар алқазы сайланады. 
Төселген жазушы емес менің затым 
Көркемді жұмыс емес жазған хатым 
«Сергек ой – ер серігі» дейді қазақ, 
Салмақтап ел танысын ерлер атын –деп 1 сайысымызды бастаймыз: 
1. «Сәлем – сөздің бастауы» - 1сайыс. Екі топтың сәлемдесуі. Танысу. 
1 –топ «Алғыр»: 
Тобымыз: 
-Алғыр! 
Ұранымыз: 
-Біз алғырмыз, алғырмыз 
Жеңіске біз жетеміз! 
2-топ «Тапқыр»: 
Тобымыз: 
-Тапқыр! 
Ұранымыз: 
-Ойлан да, ойна, 
Тапқырлықпен ойла. 
Оқушылар өздері салған суреттерімен таныстырып өтеді. 
2. « Сөйлей – сөйлей шешен боласын...”Сурет бойынша әңгімелеу- 2 сайыс 
3. «Кім тапқыр?»- сөз тіркесін құрау-3 сайыс.(сәбіз,қызанақ,қоян,қыз,түйе, ту,үйрек,ит,гүл,жылқы. 
4. «Кім жүйрік?» әріп бойынша сөз айту- 4 сайыс. Ә,Ү,Ұ,Қ,Ө,І,Ғ. 
5. «Білімді мыңды жығады»- тиісті әріпті қой -5 сайыс. 
«Алғыр» тобына: 
...йрек 
ж...зім 
...лу 
б...р 
т...рт 
мысы... 
«Тапқыр» тобына: 
К...белек 
алт... 
тор...ай 
...алам 
ша...ғы 
...й. 

6. «Сөзжұмбақты шешу»- 6 сайыс. 
«Алғыр» тобына : 
Нога Нос Глаза Рот 

«Тапқыр» тобына: 





1.Брат 
2.Гранат 
3.Звери 
4.Груша 


7. «Асық - ойыны» - сұрақ – жауап -7 сайыс. 
1. ҚР Әнұранның авторы кім: 
2.Үй жануарларын ата 
3.ҚР тәуелсіздігін қашан алды? 
4.Қазақ тілінің төл дыбыстарын ата 
5.Үй жануарларының қандай пайдасы бар: 
6.ҚР мемлекеттік тілі қай тіл: 
7:Үй құстарын ата 
8.ҚР рәміздерін ата 
9.ҚР тұңғыш призеденті кім? 
10.ҚР бас қаласы: 
8. «Капитандар сайысы» - өз отбасы жайлы айту. 
9. «Мәнерлеп оқу» -9сайысы. 
10. «Кім жылдам?» - мозайка құрастыр -10сайыс. 
«Алғыр» - киіз үй. 
«Тапқыр» - домбыра. 
« Жеке бір адам ұлт тілін жасай алмайды. Тіл – бүкіл халықтың игілігі, халықпен бірге жасап, бірге дамиды. 
Ана тілін жақсы білмейінше сауатты сөйлеп, сауатты жазып, тіл байлығын мол қолданбайынша, шын мәніндегі мәдениетті адам атануға болмайды». С.Негимов пікірі. Сондықтан... 
Жалғастыру... 
Әділ қазылар алқасына сөз, топтарды мадақтау. 
Қорытынды: 
Мұғалім сөзі: Тіл-қасиетті, құдіретті, киелі. Бұл қасиеттер бойға ананың ақ сүтімен дариды. Тіл өшпейді, қандай қиындықта да тіл өз ұрпағының қанына, жанына өз ұрығын егіп, өміршең күй кеше береді. 
Туған тілім – тірлігімнің айғағы, 
Тілім барда айтылар сыр ойдағы. 
Өссе тілім мен де бірге өсемін, 
Өшсе тілім мен де бірге өшемін. 
Ә. Тәжібаев. 
Кіршіксіз қардай сақтаңдар, 
Қазақтың тілін ғаламат. 
Ана тіл – арым, иманым, 
Аманат, саған, аманат. 
М. Әлімбаев. 
Міне, осындай өлең шумақтарымен «Қазақстанның 20 жылдық » мерейтойына арналған «Қазақшаңыз қалай?» атты сыныптан тыс шарамызды аяқтаймыз. Келіп, көріп, баға беріп, ат салысқандарыңызға көп рахмет!!! Сау болыңыздар!!!