Тақырыбы : Я дыбысы мен әрпі
Мақсаты :
1. Я дыбысы мен әрпімен таныстыру, осы дыбыс арқылы жасалатын жаңа сөздерді оқуға үйрету.
2. Ойлау қабілетін, іскерлік дағдысын дамыта отырып, ойларын еркін жеткізе білуге үйрету.
3. Құстарға қамқорлық жасауға тәрбиелеу.
Әдісі : Сұрақ-жауап, көрнекіліктермен жұмыс,сайыс сабақ.
Түрі : Кіріктірілген сабақ.
Пәнаралық байланыс : Тіл дамыту, математика, айналаны қоршаған орта, экология, музыка.
Сабақ барысы : І. Ұйымдастыру
Психологиялық дайындық
Біз бақытты баламыз
Ойнап, білім аламыз.
Сауат ашу пәнінде
Оқып,жазу жазамы
ІІ. Өткен сабаққа шолу.
- Балалар, біз өткен сабақта қандай дыбыспен таныс болдық?
- Г дыбысы қандай дыбыс,қане,кім айтады?
- Г дыбысы кездесетін сөздер айтайықшы.
- «Есімдер әлемі» ойыны ( Г дыбысынан басталатын қыздар есімін атау, буынға бөлу )
- Г дыбысына қатысты тақпақтарын жатқа айту.
Гүл суарып кеше де,
Гүлзар ішін жинадым.
Мерекеде анама
Гүл шоғын мен сыйладым
ІІІ. Жаңа сабақ
1. « Ой шақыру » Жұмбақ шешу
Қоянда бар, түйеде жоқ
Шаянда бар, биеде жоқ
Бұл қай әріп ? ( Я әрпі )
2. «Жаңа әріп қонақта »
-Балалар, біздер бүгін жаңа дыбыс, әріппен таныс боламыз. Қане, бәріміз Я дыбысын дыбыстап көрейік.
-Қандай дыбыстар естіп тұрмыз? ( Йа )
- Олай болса, балалар, Я дыбысы – қосарлы дыбыс й және а дыбыстарының қосарлануы арқылы естіліп тұр, бірақ жазуда я әрпін пайдаланамыз.
Я дыбысы-дауысты дыбыс. Сөздің көбіне басы мен ортасында кездеседі.
Яхта орыс тілінен енген сөзінде сөз басында кездеседі.
3. Сайыс сабақ
- Балалар, сабағымыз қызықты өту үшін біз 2 топқа бөлініп, сабақты сайыс түрінде өткізейік.
Сайыс түрлері :
1-тапсырма : « Сөз ойла, тез ойла ! » ойыны
( Я дыбысы кездесетін сөздер айту, я дыбысының сөздегі орнын анықтау )
2- тапсырма : «Жұмбақтар әлемі » сайысы ( топтастыру )
Қолы жоқ, сурет салады
Тісі жоқ, тістеп алады ( Аяз )
Ақсақалды шал жылына
Бір-ақ рет келіп-кетеді
Қызы менен ұлына
Сыйлығын алып келеді. ( Аяз ата )
Бірі – ыдысқа керек,
Бірі – жүріске керек ( Аяқ )
Ұрмай –соқпай жылатады,
Әркім бірақ ұнатады. ( Пияз )
3 – тапсырма : «Буынұйқас » ( Тіл дамыту пәнімен байланыс )
Я – я – я
Құстар салды ұя
Ян – ян – ян
Секеңдеген ақ қоян
Яз – яз – яз
Ащы екен пияз
4 – тапсырма Суретпен жұмыс ( 2 түрлі жағдаятты шешу )
- Балалар, суреттен не көріп отырсыңдар ?
- Құстың ұясына тиюге болмайды, құстар- біздің қанатты досымыз. Қазір қыс мезгілі. Біздер құстарға қамқор болып жүруіміз керек.
Сергіту сәті
Ән «Сұр қоян » ( Музыка пәнімен байланыс )
5 — тапсырма « Байланыстыр » ойыны
( Сол жақ бағандағы суреттерді оң жақ бағандағы я дыбысы бар суреттермен байланыстыру, )
Жетелеу сұрақтарын қою арқылы балаларға ойларын дәлелдету.
Сәбіз акварель бояуы
Ата пияз
Суретші таяқ
Тақтай қоян
6– тапсырма
«Әдемі етіп жазайық ! »
Я әрпінің элементтерімен таныстыру.
- Я әрпінің баспа, жазба түрлерімен таныстыру
- Я әрпін ауада жазу
- Я әрпін дәптерге жазу.
7– тапсырма
Ойын « Кім тез ?» ( шелекке пияз жинау сайысы )
Әр топтан 1 баладан шығып шелектеріне пияз жинап, жинаған пияздарын санау ( математика пәнімен байланыс )
ІV. Қорытындылау, мадақтау
- Балалар , бүгінгі сабақта біз қандай дыбыс, әріппен таныс болдық ?
- Я дыбысы қандай дыбыс ?
- Сабағымызды «Дұрыс тап ! » ойынымен қорытындылайық.
Тақтаға 1 ұл, 1 қыз бала шығарып, тақтадағы қияр мен тақияның суретіне дыбыстық талдау жасату.
Қ И Я Р Т А Қ И Я
Балаларды мадақтау.
- Қыздарға қияр үлестіріп мадақтау
- Ұлдарға тақия беріп мадақтау.
Оставьте свой комментарий
Авторизуйтесь, чтобы задавать вопросы.